ராகு கேது பெயர்ச்சியால் எடுத்த காரியம் எல்லாவற்றிலும் தடையா.? இந்த பரிகாரம் செய்யுங்க.. | Mesham Rahu Ketu Peyarchi Palan 2023 in Tamil

இந்த ஆண்டு நடக்க உள்ள ராகு – கேது பெயர்ச்சியினால், மேஷ ராசிக்காரர்களுக்கு வித்தியாசமான சிந்தனைகள் உண்டாகும். பழக்க வழக்கங்களில் மாற்றங்கள் உண்டாகலாம். மனதிற்குப் பிடித்தவர்களால் மனவருத்தங்கள் உண்டாகலாம். கடினமான வேலைகளையும் சாதாரணமாக செய்து முடிப்பதற்கான திறமையும், வாய்ப்பும் ஏற்படும். குடும்ப உறுப்பினர்களிடம் இருந்து வந்த கருத்து வேறுபாடுகள் நீங்குவதுடன், ஒற்றுமை பிறக்கும். எதிர்பாராத திடீர் செலவுகள் உண்டாகலாம். எதிர்பாராத சில உதவிகளின் மூலம், நீண்ட நாள் தடைபட்டு வந்த காரியங்கள் அனைத்தும் நிறைவேறும் நேரம். பூர்வீக சொத்துக்களில் இருந்த பிரச்சனைகள் நீங்கும். பொழுதுபோக்கு தொடர்பான செயல்பாடுகளில் அதிக ஆர்வம் காட்டுவீர்கள்.

பொருளாதாரத்தில் இருந்து வந்த பிரச்சனைகள் குறையும். செலவுகளின் தன்மை அறிந்து செயல்பட்டால், சேமிப்புத் தொடங்குவதற்கான காலமாக அமைகிறது. உடல் ஆரோக்கியம் தொடர்பான பிரச்சனைகள் படிப்படியாக நீங்கி விடும். பார்வை சார்ந்த இன்னல்கள் நீங்கும். நுட்பமான விஷயங்களில் செயல்படும் போது, தகுந்த ஆலோசனைகளைப் பெற்று செயல்பட வேண்டும். உத்தியோகம் தொடர்பாக அலைச்சல் அதிகரிக்கலாம். சிந்தனைகளின் போக்கில் கவனம் வேண்டும். வாழ்க்கைத் துணையிடம் புரிந்து, அனுசரித்துச் செல்வது நல்லது. தடைபட்டு வந்த சுபகாரியங்கள் தொடர்பான முயற்சிகள் அனைத்தும் கைகூடும். ஆடம்பர செலவுகளைக் குறைத்துக் கொள்வது நல்லது.

மாணவர்களுக்குக் கல்வியில் இருந்து வந்த மந்தத்தன்மை படிப்படியாகக் குறையும். வெளியூர் சென்று படிப்பதற்கான வாய்ப்புகள் சிலருக்கு சாதகமாக அமையும். நண்பர்களின் ஒத்துழைப்பு மற்றும் ஆதரவால் சிறந்து விளங்குவீர்கள். பிற மொழி நண்பர்கள் கிடைப்பர். உத்தியோகத்தில் உங்கள் திறமைகளை வெளிப்படுத்துவதற்கான வாய்ப்புகள் கிடைக்கும். புதிய வேலை தொடர்பாக முயற்சி செய்பவர்களுக்கு, தகுதிக்கேற்ற உயர்வான பதவி கிடைக்கும். முயற்சிக்கு உண்டான உயர்வும் பாராட்டுகளும் கிடைக்கும். உடன் பணிபுரிபவர்களிடத்தில் தேவையற்ற விவாதங்களைத் தவிர்க்கவும். மேலும், உங்களது ரகசியங்களைப் பகிர்வதைத் தவிர்க்கவும்.

வியாபாரத்தில் மேன்மை காணப்படும். சிறு தூர பயணங்களால் அனுகூலம் கிடைக்கும். புதிய ஒப்பந்தம் தொடர்பான பணிகளில் சிந்தித்து செயல்பட்டால் மேன்மை அடைய முடியும். அரசு சார்ந்த முயற்சிகளில் பொறுமையைக் கண்டால் வெற்றி நிச்சயம் உண்டாகும். சூழ்நிலைகளுக்கேற்ப விட்டுக் கொடுத்து சென்றால், சாதகமான நிலை உண்டாகும். விவசாயிகளுக்கு கால்நடைகளின் மூலம் லாபம் உண்டாகும். விவசாயத்தில் புதிய நுட்பமான முறைகளைக் கையாண்டு செயல்படுவீர்கள். வர்த்தம் சார்ந்த செயல்பாடுகளில் சிந்தித்து செயல்படுவது நல்லது.

பரிகாரம்:

ராகு நேரத்தில் துர்க்கை அம்மனுக்கு அகல் விளக்கேற்றி வழிபடுவதன் மூலம், செயல்பாடுகளில் இருந்து வந்த மறைமுகத் தடைகள் நீங்கி எண்ணங்களில் தெளிவு உண்டாகும்.