தொழில், பொருளாதாரம், வேலைவாய்ப்பு இது எல்லாத்துலயும் கண்டிப்பா இது நடந்தே தீரும்.! | Tamil New Year Rasi Palan 2023 Rishabam

இந்த தமிழ் புத்தாண்டு, ரிஷப ராசிக்காரர்களுக்கு நல்ல வேலைவாய்ப்பை வழங்கக் கூடிய சிறப்பான மாதமாக அமைகிறது. ரிஷப ராசிக்காரர்களுக்கு 10 ஆம் இடத்தில் சனி பகவான் அமைந்துள்ளதால், உங்களுக்கு தொழிலில் சிறந்த பலன்கள் கிடைக்க உள்ளதாக அமையும். உங்களுடைய உழைப்புக்கேற்ப தொழில் சார்ந்த வருமானம் கிடைக்கும். எந்த அளவுக்கு கடுமையான முயற்சியில் ஈடுபடுகிறீர்களோ, அந்த அளவுக்கு அபரிமிதமான வளர்ச்சியை அடையப் போகும் காலமாக இந்த காலம் அமையும்.
 

வெளிநாட்டு வேலை, படிப்பு என எதிர்பார்த்து காத்துக் கொண்டவர்களுக்கு இந்த கால கட்டம் சிறந்த வாய்ப்பைத் தருவதாக அமைகிறது. உழைப்புக்கேற்ற வருமானம் இந்த வருடம் சிறப்பாக உள்ளது. இதுவரை இருந்த பொருளாதார நெருக்கடிகள் விலகி, பொருளாதார ரீதியாக எந்த சிக்கலும் இல்லாது வாழ்வீர்கள். சம்பள உயர்வு, வேலையில் பதவி உயர்வு என சிறப்பான காலகட்டமாக அமைகிறது. திருமண வரன் கிடைக்காத நபர்கள் அனைவருக்கும், வரன் கைகூடுவதுடன் சிறப்பான வாழ்க்கை அமையும்.
 

வீட்டில் சுப காரியங்கள் நடப்பதற்கு அதிக வாய்ப்பு உள்ளது. வீட்டிற்குத் தேவையான பொருள்கள் வாங்குவது, நகை வாங்குவது உள்ளிட்ட அனைத்துமே நன்றாக நடக்கும். புதிய தொழில் தொடங்குதல், தொழில் சார்ந்த முதலீடுகள் வெற்றியைத் தருவதாக உள்ளது. மாணவர்கள் படிப்பில் சிறந்து விளங்கக் கூடியதாக அமைகிறது. சகல செல்வங்களையும் பெறப்போகும் கால கட்டமாக இந்த தமிழ் புத்தாண்டு அமையும். அதே நேரத்தில், செலவைக் குறைத்துக் கொள்வது நல்லது. உடல் நிலையைப் பொருத்தவரை சற்று அதிகமான கவனத்துடன் செயல்படுவது சிறப்பைத் தரும்.

பரிகாரம்: இயலாதவர்களுக்கு தான தர்மங்கள் செய்வது நன்மையைத் தரும்.