அதிக தொகையை வீட்டுக் கடனாக வாங்க சில வழிகள் | High Loan Amount

எனவே, அதிக கடன் தொகை கிடைக்க சில வழிகள் உள்ளது. அதனைப் பின்பற்றி நீங்கள் பயன்பெறலாம்.

•  முதலில் நம்முடைய கிரெடிட் ஸ்கோர் அதிகமாக இருக்க வேண்டும். இதற்கு முன் வாங்கிய கடனை சரியான நேரத்தில் செலுத்தி இருந்தால் கிரெடிட் ஸ்கோர் சரியாக இருக்கும். மேலும் அப்படி இருந்தால் வட்டியும் குறையும், கடன் தொகையும் அதிகரிக்கும்.

•  குடும்பத்தில் வேலை செய்பவர்களுடன் இணைந்து கடன் வாங்கினால், அதிக தொகை கிடைக்கும் வாய்ப்புள்ளது. மேலும் மாத தவணை மற்றும் கடனை திரும்ப செலுத்தும் கால அவகாசமும் குறையும். சீக்கிரம் கடனை அடைத்து விடலாம். இதில் இன்னொரு சிறப்பு என்னவென்றால், வீட்டுப் பெண்கள் கடன் வாங்கும் போது 0.05% வட்டியில் தள்ளுபடி கிடைக்கும்.

•  சில வங்கி அல்லது நிதி நிறுவனங்களில் வீட்டுக் கடனை திரும்ப செலுத்தும் காலத்தை அதிகரிப்பதன் மூலம் கடன் தொகையையும் அதிகமாக தர சம்மதிக்கின்றனர்.

•  உங்களுக்கு அல்லது உங்களுடைய குடும்பத்தில் எந்தெந்த வழிகளில் வருமானம் வருகிறதோ அந்த அனைத்து ஆவணங்களையும் தாருங்கள். வேலையும் செய்யும் இடத்தில் சமபளம், போனஸ், ஊதிய உயர்வு, வீட்டு வாடகை, முதலீடு என்று அனைத்தையும் வீட்டுக் கடன் வாங்கும் போது சமர்ப்பிக்கலாம். இதுவும் கடன் தொகையை அதிகரிக்க உதவும்.

இதைத் தவிர இதில் இருக்கும் சிக்கல்கள் என்ன என்று பார்க்கலாம்.

•  பொதுவாக கடன் வாங்கும் வங்கி அல்லது நிதி நிறுவனங்களில் சொத்தின் பத்திர பதிவு, முத்திரைத் தாள், ஆவணங்கள் என்று தனியாக கட்டணம் செலுத்த வேண்டி இருக்கும். இதனை வீட்டுக் கடன் வாங்கும் போது நாம் தர வேண்டிய டவுன் பேமெண்ட் உடன் ரெடியாக வைத்துக்கொள்வது நல்லது. இது வீட்டுக் கடன் வாங்கும் சதவீதத்தில் இந்த கட்டணங்கள் சேர்க்கப்பட மாட்டாது. அப்படி ஒருவேளை சேர்க்கப்பட்டால் அது கடன் தொகையை குறைக்க காரணமாக அமைந்து விடும். எனவே, தெளிவாக கேட்டு வீட்டுக் கடன் வாங்குங்கள்.

•  மேலும் சில பில்டர் அல்லது ப்ரோமோட்டர்கள் வீட்டுக் கடனுக்கு தேவையான 100% தொகையையும் நாங்களே தருகிறோம் என்று கூறினால் அதை மட்டும் நம்பி விடாதீர்கள். ஏனெனில் இது உங்களுக்கு டபுள் செலவை இழுத்து விட்டுவிடும். ஆகவே வீட்டுக் கடன் வாங்கும் போது உஷாராக இருக்க வேண்டியது அவசியம்.