கார்பன் டேட்டிங் செய்ய முடியாது.. ஞானவாபி மசூதி வழக்கில் அதிரடி தீர்ப்பு!!

Sekar October 14, 2022 & 15:22 [IST]

Representative Image.

வாரணாசி மாவட்ட நீதிமன்றம் ஞானவாபி மசூதி வளாகத்தில் இருக்கும் சிவலிங்கத்தின் காலத்தை கண்டறிய கார்பன் டேட்டிங் செய்ய வைத்த கோரிக்கையை நிராகரித்தது.

ஞானவாபி மசூதி வளாகத்தில் நீதிமன்றத்தால் உத்தரவிடப்பட்டு மேற்கொள்ளப்பட்ட வீடியோகிராஃபி கணக்கெடுப்பின் போது, முஸ்லீம் பக்தர்கள் தொழுகை செய்யும் முன் சடங்குகளை செய்ய பயன்படுத்தப்படும் சிறிய நீர்த்தேக்கமான வசூகானாக்கு அருகில் ஒரு சிவலிங்கம் காணப்பட்டதாக மனுதாரர்கள் கூறி, அதன் காலத்தை கணக்கிட கார்பன் டேட்டிங் செய்ய வேண்டும் என மனு தாக்கல் செய்திருந்தனர்.

இந்த மனு மீதான வாதங்கள் கடந்த செவ்வாய்கிழமை நிறைவடைந்து, இன்று தீர்ப்பு வழங்கப்படும் என்று மாவட்ட அரசு வழக்கறிஞர் மகேந்திர பிரதாப் பாண்டே தெரிவித்தார்.

முஸ்லீம் தரப்பில் ஆஜரான வழக்கறிஞர் மும்தாஜ் அகமது, சிவலிங்கத்தின் கார்பன் டேட்டிங் செய்ய முடியாது என்று நீதிமன்றத்தில் தெரிவித்தனர். கார்பன் டேட்டிங் என்ற பெயரில் பொருள் சேதப்படுத்தப்பட்டால், அது உச்ச நீதிமன்றத்தின் உத்தரவை மீறிய செயலாகும் என அவர் வாதிட்டார்.

முன்னதாக, அந்தப் பொருளைப் பாதுகாப்பாக வைத்திருக்குமாறு வாரணாசி மாவட்ட ஆட்சியரிடம் உச்ச நீதிமன்றம் கூறியதாக முஸ்லீம் தரப்பு வாதிட்டது.

இதுபோன்ற சூழ்நிலையில், அதை ஆய்வு செய்வதை நியாயப்படுத்த முடியாது என்று அவர்கள் கூறியுள்ளனர்.

மசூதியில் உள்ள அமைப்பிற்கும், சிருங்கர் கௌரி வழிபாட்டிற்கும் எந்த தொடர்பும் இல்லை என்றும், அசல் வழக்கு சிருங்கர் கௌரி வழிபாடு பற்றியது என்றும் முஸ்லீம் தரப்பு கூறியது.

இதுபோன்ற நிலையில், தொல்லியல் துறையால் எந்த ஆய்வும் செய்ய முடியாது, அறிவியல் பூர்வமாக விசாரணை நடத்தி சட்ட அறிக்கையை கோர முடியாது." என அவர்கள் கூறினர்.

தட்டி கேட்ட மனைவியை கார் ஏற்றி கொல்ல முயன்ற தயாரிப்பாளர்!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…