விட்டா ஆணுறை கூட கேட்பீங்க.. மாணவியின் கேள்விக்கு ஐஏஎஸ் அதிகாரியின் சர்ச்சை பதில்!!
Sekar September 29, 2022 & 14:17 [IST]SHARE
Representative Image.
பீகாரில் உள்ள ஐஏஎஸ் அதிகாரி ஒருவர், சிறுமிகளுக்கு சானிட்டரி நாப்கின் வழங்குவது குறித்த கேள்விக்கு, அவர்கள் அரசாங்கத்திடம் இலவச உடைகள் அல்லது கருத்தடைகளை கூட கேட்கலாம் என்று பதிலளித்ததற்காக விமர்சனத்திற்கு ஆளாகியுள்ளார்.
கடந்த செவ்வாயன்று பாட்னாவில் நடந்த ‘சஷக்த் பேட்டி, சம்ரித் பீகார்’ என்ற பயிற்சி பட்டறையின் போது அவர் தனது கருத்துக்களை தெரிவித்தார்.
பயிலரங்கின் போது, பீகாரின் மகளிர் மேம்பாட்டுக் கழகத்தின் நிர்வாக இயக்குநராக இருக்கும் ஹர்ஜோத் கவுர் பம்ராவிடம், பெண் குழந்தைகளுக்கு சானிட்டரி நாப்கின்களை அரசாங்கம் வழங்குவதற்கான சாத்தியக்கூறுகள் குறித்து ஒரு மாணவி கேட்டார்.
எங்களுக்கு சீருடை, கல்வி உதவித்தொகை உள்ளிட்ட பல விஷயங்களை அரசு செய்து வரும் போது, 20 ரூபாய் முதல் 30 ரூபாய் வரையிலான சானிட்டரி பேட்களை ஏன் கொடுக்க முடியாது? என அந்த மாணவி கேள்வி எழுப்பினார்.
அவரது கேள்விக்கு பார்வையாளர்களிடமிருந்து கைதட்டல் கிடைத்தது. இந்த சம்பவத்தின் வீடியோ சமூக ஊடகங்களில் பரவலாகப் பகிரப்பட்டது.
கைதட்டுபவர்கள் இதுபோன்ற கோரிக்கைகளுக்கு முடிவே இல்லை என்பதை அறிந்து கொள்ள வேண்டும் என்று பம்ஹ்ரா பதிலளித்தார்.
“நாளைக்கு அரசாங்கம் ஜீன்ஸ் பேன்ட் கூட கொடுக்கலாம்னு சொல்வீங்க. அதன் பிறகு ஏன் சில அழகான காலணிகள் கொடுக்கக் கூடாது? என்று கேள்வி எழுப்புவீர்கள்” என பம்ரா கூறினார். “இறுதியில், குடும்பக் கட்டுப்பாடு என்று வரும்போது, அரசாங்கம் உங்களுக்கு குடும்பக் கட்டுப்பாடு முறைகளையும், ஆணுறைகளையும் கொடுக்கும் என்று எதிர்பார்க்கிறீர்கள். எல்லாவற்றையும் இலவசமாக எடுக்க வேண்டிய அவசியம் ஏன்?" என்றுபேசினார்.
மேலும் அரசாங்கம் ஏற்கனவே குடிமக்களுக்கு தேவையானவற்றை வழங்குவதாகவும், அவர்களிடமிருந்து அனைத்தையும் எதிர்பார்ப்பது தவறு என்றும் அவர் கூறினார்.
இதற்கு, குடிமக்கள் வாக்களிக்கும்போது அவர்களுக்கு சில வசதிகளை வழங்குவது அரசாங்கத்தின் கடமை என்று சிறுமி சுட்டிக்காட்டினார். இதற்கு பதிலளித்த பம்ரா, “வாக்களிக்காதீர்கள், இது உங்கள் அரசாங்கம். பாகிஸ்தானாக மாறுங்கள். நீங்கள் பணம் அல்லது வசதிக்காகத்தான் வாக்களிக்கிறீர்களா?" என்றார்.
இந்த விஷயத்தை கவனத்தில் கொண்டு, தேசிய மகளிர் ஆணையமும் பம்ராவின் கருத்துக்கு விளக்கம் கேட்டுள்ளது. தேசிய மகளிர் ஆணைய தலைவர் ரேகா ஷர்மா, பம்ராவின் முறையற்ற கருத்துக்கள் குறித்து 7 நாட்களுக்குள் எழுத்துப்பூர்வ விளக்கம் கேட்டு கடிதம் எழுதியுள்ளார்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
