சிவராத்திரி பிரசாதம்: இந்த இனிப்பு வகையை நிவேதனம் செய்யுங்க.. | Badam Halwa Recipe in Tamil

பாதாம் அல்வா செய்வது எப்படி என்பதை இதில் பார்க்கலாம்.

தேவையான பொருள்கள்

சர்க்கரை - அரை கப்
பால் - 1 கப்
நெய் - 1/2 கப்
பாதாம் - 1/2 கப் (இரவில் ஊற வைத்து, காலையில் அரைத்து வைத்தது)
குங்குமப்பூ - சிறிதளவு (பாலில் ஊற வைத்தது)
 

✤ முதலில் வாணலியை அடுப்பில் வைத்து, சிறிதளவு நெய் ஊற்ற வேண்டும்.

✤ அதில், 1/4 கப் அளவு தண்ணீர் ஊற்றி, நன்கு கொதிக்க வைக்க வேண்டும்.

✤ பிறகு நீர் கொதித்தவுடன் அதில் சர்க்கரை சேர்த்து கரைய வைக்க வேண்டும்.

✤ இத்துடன், அரைத்து வைத்த பாதாம், பால் மற்றும் குங்குமப் பூ சேர்த்து அடுப்பில் மிதமான தீயில் தொடர்ந்து கிளறி விட வேண்டும்.

✤ இவ்வாறு கிளறி விடும் போது, சற்று கெட்டியாக வரும். இதில், பாதி நெய் சேர்த்து 10 நிமிடம் குறைவான தீயில் வைத்து கிளறி விட வேண்டும்.

✤ இப்படி செய்யும் போது நெய்யை அல்வா முற்றிலும் உறிஞ்சி விடும்.

✤ இவ்வாறு நெய்யானது முற்றிலும் வற்றியதும் வாணலியை இறக்கி மீதமுள்ள நெய் சேர்த்து ஒரு முறை கிளறி ஆற விட வேண்டும்.

இப்போது சூப்பரான பாதாம் அல்வா ரெடியாகி விட்டது.