அசத்தலான சுவையில் வெஜ் சொதி! இப்படி செய்யணும்.| Veg Sodhi Recipe in Tamil

வெங்காயம் – 1 (நறுக்கியது)

இஞ்சி பூண்டு விழுது – 1 டேபிள் ஸ்பூன்

பீன்ஸ் – 5 (பொடியாக நறுக்கப்பட்டது)

கேரட் – 1 (பொடியாக நறுக்கப்பட்டது)

பச்சை மிளகாய் – 2 (கீறியது)

பச்சை பட்டாணி – 1 கப்

தேங்காய் பால் – 2 கப் (நீர் போன்றது)

தேங்காய் பால் – 1 கப் (கெட்டியானது)

சர்க்கரை – 1 டீஸ்பூன் அளவு

பட்டை – 1 சிறிய துண்டு

ஏலக்காய் – 2

தேங்காய் எண்ணெய் – 1 டேபிள் ஸ்பூன்

✤ முதலில் வாணலி ஒன்றை எடுத்து, அதில் தேங்காய் எண்ணெய் ஊற்றி சூடு செய்ய வேண்டும். பின், அதில் பட்டை, ஏலக்காய் சேர்த்து தாளிக்க வேண்டும்.

✤ அதன் பின்னர், வெங்காயத்தைப் போட்டு 3 நிமிடம் வதக்க வேண்டும்.

✤ பிறகு, இஞ்சி பூண்டு விழுது சேர்த்து பச்சை வாசனை போகும் வரை வதக்கிக் கொள்ள வேண்டும்.

✤ பின்னர், இதில் நறுக்கி வைத்துள்ள காய்கறிகள், பச்சை பட்டாணி போன்றவற்றைச் சேர்த்து பச்சை மிளகாயைப் போட்டு நன்கு கிளறி விட வேண்டும்.

✤ அதன் பிறகு, சுவைக்கேற்ப சர்க்கரை மற்றும் உப்பு சேர்த்துக் கொண்டு நன்றாக கிளறி, நீர் போன்ற தேங்காய்ப் பாலை ஊற்றி கிளறி விட வேண்டும். இதனை மிதமான தீயில் வைத்து காய்கறிகளை நன்கு வேக வைக்க வேண்டும்.

✤ பிறகு, காய்கறிகள் நன்றாக வெந்ததும் அடுப்பை அணைத்து விடலாம். கடைசியாக, எடுத்து வைத்திருக்கும் கெட்டியான தேங்காய் பாலை சேர்த்து நன்கு கிளறினால், சுவையான வெஜ் சோதி தயாராகி விடும். இதனை ஆப்பத்திற்கு சைடு டிஷ் ஆக சேர்த்துப் பரிமாறலாம்.

இந்த சுவை மிக்க வெஜ் சோதி ரெசிபியை இந்த புத்தாண்டு பண்டிகைக்கு செய்து சுவைத்து மகிழலாம்.