கோதுமைப் பொங்கல்!!! | Godhumai Pongal Seivathu Eppadi

✥ உலர்ந்த  திராட்சை - 2டீஸ்பூன்

✥ முந்திரி -2டீஸ்பூன்

✥ பாதாம் - 2டீஸ்பூன்

✥ நெய் - 1டேபிள்ஸ்பூன்

✥ தேங்காய் -அரை மூடி

✥  உடைத்த கோதுமை - 1கப்

✥ பாசிப் பருப்பு- 1/4 கப்

✥ வெல்லம் - 1கட்டி

✥ ஏலக்காய் பொடி- 1/4 டீஸ்பூன்

✤ முதலில் அரை மூடி தேங்காயைத் துருவி ஒரு டீஸ்பூன் அளவு தனியாக ஒரு பாத்திரத்தில் எடுத்து வைக்கவும்.

✤ அடுப்பில் பாத்திரத்தை வைத்து, உடைத்த கோதுமை மற்றும் பாசிப்பருப்பை சேர்த்து நன்றாக வறுக்கவும்.

✤ வறுத்த கோதுமையுடன் மூன்று கப் அளவிற்குத் தண்ணீர் சேர்த்து நன்றாக  மசியும் வரை வேக விடவும்.

✤ ஒரு கட்டி வெல்லத்தை உடைத்து சிறிது சிறிது துண்டுகளாக எடுத்துக் கொண்டு, அதை வேக வைத்த கோதுமையில் சேர்த்து நன்றாக வெல்லம் கரையும் வரை கிளறவும்.

✤ மற்றொரு அடுப்பில் வாணலியை வைத்து பாதாம், முந்திரி, திராட்சை சேர்த்து ஒரு நிமிடத்திற்கு நன்றாக வதக்கவும். அத்துடன் ஒரு டீஸ்பூன் துருவிய தேங்காய் சேர்த்து வதக்கவும்.

✤ வேகவைத்த கோதுமை, வெல்லத்தில் இந்த வதக்கிய முந்திரி, தேங்காயைச் சேர்த்து நன்றாகக் கிளறி இறக்கினால் கோதுமை பொங்கல் ரெடியானது. உடலுக்கு ஆரோக்கியமான கோதுமை பொங்கலைக் கரும்புடன் சாப்பிட்டு மகிழுங்கள்.