Thu ,Jul 25, 2024

சென்செக்ஸ் 80,148.88
-280.16sensex(-0.35%)
நிஃப்டி24,413.50
-65.55sensex(-0.27%)
USD
81.57
Exclusive

1000GB ஸ்டோரேஜ் மெமரியுடன் களமிறங்கும் Realme Narzo 60 5ஜி மொபைல்!

Abhinesh A.R Updated:
1000GB ஸ்டோரேஜ் மெமரியுடன் களமிறங்கும் Realme Narzo 60 5ஜி மொபைல்!Representative Image.

ரியல்மி நிறுவனத்தின் பெயரில் நார்சோ ஸ்மார்ட்போன்கள் குறைந்த விலையில் அறிமுகம் செய்யப்பட்டு வந்தது. தற்போது நிறுவனம் இந்த பெயரில் பிரீமியம் ஸ்மார்ட்போன்களை அறிமுகம் செய்ய திட்டமிட்டுள்ளது. அந்த வகையில் ரியல்மி நார்சோ 60 ஸ்மார்ட்போன் இந்திய சந்தைகளில் விரைவில் காட்சிப்படுத்தப்படும் எனத் தகவல்கள் வெளியாகி உள்ளன.

இந்த சூழலில், போனில் கிடைக்கும் அதிரடி அம்சங்கள் குறித்த சிலத் தகவல்கள் கசிந்துள்ளன. அதன்படி போனின் டிஸ்ப்ளே 61 டிகிரி கர்வேச்சர் திறனைப் பெறும் என்று நிறுவனத்தின் விளம்பர யுக்திகள் மூலம் தெரிகின்றன. இதுமட்டும் இல்லாமல், முதல் முறையாக 2 லட்சத்து 50ஆயிரம் புகைப்படங்களை சேமிக்க முடியும் எனவும் ரியல்மி தெரிவித்துள்ளது. நார்சோ 60 ஜூலை மாதம் வெளியாகலாம் என எதிர்பார்க்கப்படுகிறது.

அந்தவகையில், இந்தியாவுக்கு எனப் பிரத்யேகமாக 1டிபி ஸ்டோரேஜ், அதாவது 1000ஜிபி ஸ்டோரேஜ் வேரியண்ட் கொண்டுவரப்படும் என்பது உறுதியாகி உள்ளது. ஆனால், இது நார்சோ 60 சீரிஸ் ஸ்மார்ட்போனில் எந்த மாடலுக்கு பொருந்தும் என்பது குறித்த தகவல்கள் இன்னும் உறுதி செய்யப்படவில்லை. எனினும், நார்சோ 60 ப்ரோ மாடலில் இந்த வசதி இருக்கும் என கணிக்கப்பட்டுள்ளது.

உண்மையில், இந்த ஸ்மார்ட்போன் ரியல்மி 11 ப்ரோ மொபைலின் மாற்றி அமைக்கப்பட்ட பதிப்பாகும். நெருங்கும் மழை காலத்தில் ஒரு சில மாற்றங்கள் மட்டும் செய்யப்பட்டு, புதிய நார்சோ போன் வெளியிடப்படும் என்று தகவல்கள் தெரிவிக்கின்றன. இந்த நிலையில், ரியல்மி 11 ப்ரோ மொபைலின் அம்சங்கள் என்ன என்பதைப் பார்க்கலாம்.

1000GB ஸ்டோரேஜ் மெமரியுடன் களமிறங்கும் Realme Narzo 60 5ஜி மொபைல்!Representative Image

ரியல்மி 11 ப்ரோ அம்சங்கள்

  • திரை: Realme 11 Pro ஆனது 120Hz ரெப்ரெஷ் ரேட், 1080 X 2412 பிக்சல்கள், பஞ்ச்-ஹோல் கட்அவுட் உடன் 6.7-இன்ச் முழுஅளவு எச்டி+ அமோலெட் டிஸ்ப்ளே கொண்டுள்ளது.
  • ப்ராசஸர்: மாலி-ஜி68 ஜிபியுவுடன் இணைந்த மீடியாடெக் டிமென்சிட்டி 7050 சிப்செட் ஃபோனை இயக்குகிறது.
  • ஸ்டோரேஜ்: ஃபோன் 12ஜிபி ரேம், 1டிபி ஸ்டோரேஜைக் கொண்டுள்ளது. இது மைக்ரோ எஸ்டி கார்டு வழியாக மேலும் அதிகப்படுத்தலாம்.
  • இயங்குதளம்: ரியல்மி 11 ப்ரோ ஆண்ட்ராய்டு 13-அடிப்படையிலான Realme UI 4.0 ஸ்கின் கொண்டு இயங்குகிறது.
  • கேமரா: பின்புறத்தில் இரட்டை கேமராக்களைக் கொண்டுள்ளது. இதில் எஃப்/1.75 கொண்ட 108எம்பி, OIS, 6P லென்ஸ் கொண்ட கேமராவுடன், 2 மெகாபிக்சல் டூயல் சென்சார் ஆகியவற்றைக் கொண்டுள்ளது. செல்ஃபிகள், வீடியோ அழைப்புகளுக்காக 16 மெகாபிக்சல் கேமரா கொடுக்கப்பட்டுள்ளது.
  • பேட்டரி: 67W சார்ஜிங் ஆதரவுடன் 5,000mAh பேட்டரி உள்ளது.
  • இணைப்பு: 5G, 4G LTE, புளூடூத், ஜிபிஎஸ், யுஎஸ்பி டைப்-சி போர்ட் ஆகியவை அடங்கும்.

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்