இதயத்தை ஆரோக்கியமாக வைத்து கொள்ள சில டிப்ஸ்

உடல் உழைப்பு இல்லாமல் இருத்தல் இதய நோய்க்கான முக்கிய காரணம். தினமும் உடற்பயிற்சியுடன் ரன்னிங், சைக்கிள் ஓட்டுதல் மற்றும் நீச்சல் போன்ற கார்டியோ செயல்பாடுகளை செய்ய வேண்டும்.

கார்டியோ செயல்பாடுகள் இதயத் துடிப்பை உயர்த்துவதோடு, இரத்த அழுத்தம், கொழுப்பு மற்றும் ட்ரைகிளிசரைடு அளவை மேம்படுத்துகிறது.

உணவில் ஊட்டச்சத்துக்கள் சமச்சீரான அளவில் இடம் பெற வேண்டும். உணவில் பழங்கள், காய்கறிகள், முழு தானியங்கள் மற்றும் புரதசத்து நிறைந்த உணவுகளை சேர்த்து கொள்ள வேண்டும்.

ஒரு வாரத்திற்கு குறைந்தது 3 1/2 கப் மீன் சாப்பிட வேண்டும். ஒரு நாளைக்கு 4 1/2 கப் பழங்கள் மற்றும் காய்கறிகளை எடுத்து கொள்ள வேண்டும்.

ஒரு நாளைக்கு 1 அவுன்ஸ் அளவு வேக வைத்த நார்ச்சத்து நிறைந்த முழு தானியங்கள் மேலும் நட்ஸ், பருப்பு வகைகள் மற்றும் விதைகள் போன்றவற்றை ஒரு வாரத்திற்கு குறைந்தது 4 தடவை சாப்பிட வேண்டும்

இதயத்தை பாதுகாக்க விரும்புபவர்கள் உணவில் உப்பு பயன்பாட்டை குறைக்க வேண்டும் மற்றும் நிறைவுற்ற கொழுப்புக்களை சாப்பிடக் கூடாது. மேலும் பதப்படுத்தப்பட்ட இறைச்சிகள் மற்றும் சர்க்கரை பானங்களையும் தவிர்க்க வேண்டும்.

பெரும்பாலும் இளம் வயதினருக்கு புகைபிடிப்பதால் தான் மாரடைப்பு ஏற்படுகிறது. புகைபிடிப்பதால் அதிலுள்ள நச்சு புகைகள் இரத்த அழுத்தம் மற்றும் வீக்கத்தை அதிகரிப்பதோடு, தமனிகளில் கொழுப்பை படிய வைக்கிறது. எனவே புகைபிடிப்பதை தவிர்க்க வேண்டும்.

நீண்ட கால மன அழுத்தம் இருப்பதும் இதய துடிப்பு மற்றும் இரத்த அழுத்தத்தை அதிகரிக்கிறது. எந்த காரணமாக மன அழுத்தம் இருந்தாலும் இதயம் சம்மந்தப்பட்ட பாதிப்பை ஏற்படுத்திவிடும். மன அழுத்தம் குறைய சுவாசப் பயிற்சிகள், தினசரி தியானம் அல்லது விரும்பும் ஏதேனும் ஒன்றைச் செய்யலாம்.