Thu ,Jul 25, 2024

சென்செக்ஸ் 80,148.88
-280.16sensex(-0.35%)
நிஃப்டி24,413.50
-65.55sensex(-0.27%)
USD
81.57
Exclusive

உக்ரைனுக்கு ஆயுதங்கள் - ரஷ்யாவை தீர்த்துகட்ட அமெரிக்கா உதவி | Russia Ukraine War

Abhinesh A.R Updated:
உக்ரைனுக்கு ஆயுதங்கள் - ரஷ்யாவை தீர்த்துகட்ட அமெரிக்கா உதவி | Russia Ukraine WarRepresentative Image.

அண்டை நாடான உக்ரைன் மீது ரஷ்ய ராணுவ சரிமாரியாக தாக்குதல் நடத்தி ஒரு வருடமாகப் போர் புரிந்து வருகிறது. இதனை அமெரிக்கா, மேற்கத்திய நாடுகளின் உதவியுடன் ஒரு வருடத்திற்கும் மேலாக தாக்குபிடித்து, எதிர் தாக்குதல் நடத்தி வருகிறது.

பெரும்பாலான ஆயுத உதவிகளை அமெரிக்கா உக்ரைன் நாட்டிற்கு செய்து வருகிறது. இந்நிலையில் 50க்கும் மேற்பட்ட கவச வாகனங்கள், வான் பாதுகாப்பு அமைப்புகளுக்கான ஏவுகணைகள், 500 மில்லியன் டாலர்கள் மதிப்பிலான ராணுவ உதவிகள் உக்ரைனுக்கு அமெரிக்கா வழங்கும் என்று பென்டகன் செய்தி வெளியிட்டிருந்தது.

இந்த உதவியின் நோக்கம் உக்ரைனின் மெதுவான எதிர் தாக்குதலை வலுப்படுத்துவதாகும். இந்த உதவித்தொகை குறித்த அறிவிப்பு வெளியாகும் என எதிர்பார்க்கப்படுகிறது. பிப்ரவரி 2022 அன்று உக்ரைன் மீதான ரஷ்ய படையெடுப்பிற்குப் பிறகு 41ஆவது முறையாக அமெரிக்கா ராணுவ ஆயுதங்களையும், உபகரணங்களையும் அதிபரின் சிறப்பு அதிகாரத்தின் வாயிலாக வழங்கியுள்ளது.

உக்ரைனுக்கு அனுப்பப்பட்ட ஆயுதத் தொகுப்பில் 30 பிராட்லி போர் வாகனங்கள், 25 ஸ்ட்ரைக்கர் கவச வாகனங்கள், உயர் மொபிலிட்டி பீரங்கி ராக்கெட் அமைப்பு (HIMARS) மற்றும் பேட்ரியாட் வான் பாதுகாப்பு அமைப்புகளுக்கான ஏவுகணைகளும் அடங்கும் என்று அமெரிக்க உயர்மட்ட அலுவலர்கள் தெரிவித்தனர்.

இந்த தொகுப்பில் ஈட்டி மற்றும் அதிவேக கதிர்வீச்சு எதிர்ப்பு (HARM) ஏவுகணைகள், தடையை கடக்கும் கருவிகள் மற்றும் வெடிகுண்டுகள் ஆகியவை அடங்கும் என்றும் கூறப்பட்டுள்ளது. உலக நாடுகளில் உள்ள மக்கள் போரை நிறுத்துமாறு உக்ரைனிடம் கூறி வரும் நிலையில், அண்டை நாடுகள் இப்படி ஆயுதங்கள் வழங்கி வருவது போரின் தீவிரத்தை உணர்த்துகிறது.


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்