பொதுவாக குளிர்காலம் என்றாலே மக்கள் அனைவரும் சூடான உணவை உண்ண வேண்டும் என்று பிரியபடுவார்கள். அதை உண்ணும் போது நமக்கு கதகதப்பான உணர்வை அளிக்கும். அது சுவையாக மட்டுமில்லாமல் உடலுக்கு சத்தானதாக இருந்தால் இரட்டிப்பு மகிழ்ச்சி தான். நாம் வகைவகையாக உட்கொள்ள 5 சூப்பின் செய்முறையை பார்க்கலாம்.
சூப்பின் நன்மைகள்:
1.உடலுக்கு மிகவும் நல்லது.
2. சுலபமான செய்முறை.
3. உடல் நீரேற்றத்தை பராமரிக்கும்.
4. நோயெதிர்ப்பு சக்தியை மேம்படுத்தும்.
1. பீட்ரூட் கேரட் சூப்:
இந்த சுவையான மற்றும் சத்தான சூப்பை செய்ய தேவையான பொருட்கள்
பீட்ரூட், கேரட், தண்ணீர், பூண்டு, மிளகு, கிரீன் ஆனியன், இஞ்சி
செய்முறை:
- பிரஷர் குக்கரில் 2 மீடியம் பீட்ரூட் மற்றும் 3 மீடியம் கேரட்டை தண்ணீரில் வேகவைக்க வேண்டும். வெந்து முடிந்தவுடன் கைகளை பயன்படுத்தி அதை நன்கு மசிய செய்ய வேண்டும்.
- அடுத்தபடியாக, கடாய் நன்கு சூடான பிறகு 2 பட்டர் க்யூப்ஸை சேர்த்துக்கொள்ளவும்.
- அதில் 6 பூண்டு, 6-7 மிளகு, 2 ஸ்பிரிங் கிரீன் ஆனியன் ஆகியவை சேர்த்து நன்கு வதக்க வேண்டும்.
- நன்கு வதங்கின பிறகு 1 tsp இஞ்சி பேஸ்ட், மிளகு தூள், சீரகத்தூள் மற்றும் தேவையான அளவு உப்பு ஆகியவற்றை சேர்க்கவும்.
- இந்த கலவை தயாரானதும் மசித்து வைத்த சூப் காய்களை இதனுடன் சேர்த்து சிறிது நேரம் சிம்மில் கொதிக்க வைக்கவேண்டும்.
- இப்போது சூப் ரெடி. அதன் மேல் சிறிது கொத்தமல்லி இலையை தூவி பரிமாறலாம்.
![](https://lh6.googleusercontent.com/KlDVbF4sIV2pQZe9d59s2ui7H04_sViQfWAhCXRoUySwuNdTh3Hj5-i1dM2b7xU4FvNmi-Hkk3aDODRJbbyCTvUPEIulxoV_05I5yIZ9EidwxovrGWOkG7gyat3ZPPuSXk-GLgl-)
2. சிக்பீ ஓட்ஸ் சூப்:
இதற்கு தேவையான பொருட்கள் கொண்டைக்கடலை, பீட்ரூட், இஞ்சி, பட்டை, தக்காளி, வெங்காயம், பூண்டு மற்றும் பச்சைமிளகாய்.
செய்முறை:
- கொண்டைக்கடலையை ஊறவைக்க வேண்டும். பின் பிரஷர் குக்கரில் தக்காளி, பீட்ரூட், இஞ்சி, பட்டை மற்றும் ஊறவைத்த கொண்டைக்கடலை சேர்த்து வேக வைக்க வேண்டும்.
- நன்கு வெந்த பிறகு அதை மசித்து ஆற வைக்கவும்.
- கடாய் சூடான பிறகு ஆலிவ் ஆயிலை ஊற்றவும். அதில் வெங்காயம், பூண்டு, இஞ்சி, பச்சைமிளகாய், 1/4 கப் ஓட்ஸ் மற்றும் மசித்த கொண்டைக்கடலை கலவை சேர்த்து சிம்மில் கொதிக்க வைக்கவும்.
- கொத்தமல்லி தூள், மிளகு தூள், சிறிது அளவு உப்பு சேர்த்து இறக்கி விடவும்.
- சுவையான மற்றும் சூடான சிக்பீ ஓட்ஸ் சூப் ரெடி.
3. கார்லிக் ப்ரோக்கோலி சூப்:
இந்த நார்சத்து மிகுந்த சூப்பை செய்ய தேவையான பொருட்கள் ப்ரோக்கோலி, ஸ்பினாச், பூண்டு, இஞ்சி பேஸ்ட், கிரீன் ஆனியன் மற்றும் ஓட்ஸ்.
செய்முறை:
- குக்கரில் 1 முழு ப்ரோக்கோலி மற்றும் 2 கப் ஸ்பினாசை வேக வைக்கவும்.
- கடாயில் 2 tsp பட்டர் சேர்த்து அதில் மிளகு, 6-8 பூண்டு துண்டுகள், 1 tsp இஞ்சி பேஸ்ட் மற்றும் நறுக்கிவைத்த கிரீன் ஆனியன் ஆகியவற்றை சேர்த்து நன்கு வதக்கவும்.
- வதங்கின பிறகு குக்கரில் வேகவைத்த ப்ரோக்கோலி, ஸ்பினாசை சேர்க்கவும். மேலும் 1/2 கப் ஓட்ஸ், தேவையான அளவு உப்பு, மிளகுத்தூள் சேர்த்து கிண்டிவிடவும்.
- ஆறவைத்த பின் நன்கு மசித்து பரிமாறவும்.
![](https://lh6.googleusercontent.com/3nOOOyRgpbluPrSNp3M6fhgnKFtxXJYsZmk9oyJ2TUj1jXzf__J2-p89BSqba2ktYQunwXfbuTxl9gTapfNYkKHZleIi2bbcbFocVgFHE2mfzUY4_rK37ofLreuRudehQQpz3Aoh)
4. லென்டில்ஸ் பார்லி சூப்:
பருப்பை கொண்டு வித்தியாசமாக சாப்பிட நினைத்தால் இது ஒரு பெஸ்ட் சாய்ஸ். இதை செய்ய தேவையான பொருட்கள் மூங் பருப்பு, பார்லி, சிக்கன் மற்றும் பூண்டு.
செய்முறை:
- 1 கப் மூங் பருப்பை, 1/2 கப் பார்லேவுடன் தண்ணீரில் சேர்த்து குக்கரில் வேக வைக்கவும். பின்பு அதை மசித்து வைத்துக்கொள்ளவும்.
- கடாயில் பட்டர், பூண்டு, சிக்கன் க்யூப்ஸ் சேர்த்து வதக்கவும்.
- வதங்கின பிறகு மசித்த கலவையை சேர்க்கவும். அதில் மிளகு தூள், உப்பு சேர்த்து சூப்பின் சுவையை மேம்படுத்தவும்.
- இது கண்டிப்பாக சுவைத்து பார்க்க வேண்டிய உணவு.
![](https://lh3.googleusercontent.com/UGf9uJb-KyuB9pdtEGNAN-orXuAHwF1JHWnmRI0C2dmIEz3XZU_IcQ9Ub7unuAZqlfioeOeRsDtkDH8teSOnchBdKuczc4zsoMSiTZ6Z3xTtpGmIyFd0YAeeTQm55amMiuEdFJHk)
5.கேரட் பீன் சூப்:
வித்யாசமான முறையில் கேரட் மற்றும் பீன்ஸை சுவைத்து சாப்பிட இந்த ரெஸிப்பியை ட்ரை பண்ணலாம்.
அதற்கு தேவையான பொருட்கள் கேரட், தட்டை பயிறு, வெங்காயம், பூண்டு, இஞ்சி பூண்டுப் பேஸ்ட்.
செய்முறை:
- 4 கேரட், 1 கப் தட்டை பயிறு குக்கரில் வேகவைத்து எடுத்து மசித்து வைக்க வேண்டும்.
- கடாயில் எண்ணெய் ஊற்றி அதில் சுவைக்காக வெங்காயம், பூண்டு, இஞ்சி பூண்டு பேஸ்ட் சேர்க்க வேண்டும்.
- நன்கு வதங்கின பிறகு காலிஃபிளவர், காளான், மசித்த கேரட் பீன் கலவை சேர்த்து கிண்டவும்.
- கடைசியில் தேவையான அளவு உப்பு, மிளகு தூள், மல்லி தூள் சேர்த்து இறக்கவும்.
- சூடான காரமான கேரட் பீன் சூப் ரெடி.
![](https://lh3.googleusercontent.com/-vOdRAsk_jajpe2vJYPPRBYrLuFB-fwqdyunG8k449k8quM9xcnQ3mKRB2_ZkwbMznlUZ7Ba2aYHF_XP907aJ4Et-gMPYzIBr1vkjOkwv9nd691ua3vTAXpPwp2bH4sqM-7zUYrB)
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…