வெஸ்ட் இண்டீஸ் தொடருக்கான இந்திய ஒருநாள் அணி: சஞ்சு சாம்சன் கொடுத்த மாஸ் கம்பேக்

Iravaadhan Updated:June 23, 2023 & 19:25 [IST]

Representative Image.

மும்பை : வெஸ்ட் இண்டீஸ் அணிக்கு எதிரான மூன்று ஒருநாள் போட்டிக்கொண்ட தொடருக்கான இந்திய அணியை தற்காலிக தேர்வு குழு தலைவர் சிவ் சுந்தர் அறிவித்துள்ளார். அதில் சஞ்சு சாம்சன் மீண்டும் விக்கெட் கீப்பராக தேர்வு செய்யப்பட்டுள்ளார்.

இந்திய அணி வரும் 12ஆம் தேதி வெஸ்ட் இண்டீஸுக்கு சுற்றுப்பயணம் மேற்கொண்டு இரண்டு டெஸ்ட், 3 ஒருநாள் போட்டி மற்றும் ஐந்து டி20 போட்டிகள் கொண்ட தொடரில் விளையாடுகிறது. டெஸ்ட் போட்டிக்கு ரோகித் சர்மா தலைமையில் இந்திய அணி அறிவிக்கப்பட்டுள்ளது. அதன்படி இந்திய ஒரு நாள் அணி தற்போது அறிவிக்கப்பட்டிருக்கிறது.

இதில் கேப்டனாக ரோகித் சர்மாவும் துணை கேப்டனாக ஹர்திக் பாண்டியாவும் நியமிக்கப்பட்டிருக்கிறார். இதேபோன்று தொடக்க வீரர்கள ருதுராஜ் கெய்க்வாட் ஆகியோருக்கு வாய்ப்பு வழங்கப்பட்டிருக்கிறது. நடுவரிசையில் விராட் கோலி, சூரியகுமார் யாதவ் ஆகியோர் இடம்பெற்றுள்ளனர். விக்கெட் கீப்பராக கேரளாவைச் சேர்ந்த நட்சத்திர வீரர் சஞ்சு சாம்சன், இஷான் கிஷன் ஆகியோருக்கு வாய்ப்பு வழங்கப்பட்டிருக்கிறது.

கூடுதல் ஆல்ரவுண்டராக ஹர்திக் பாண்டியா உடன் ஷர்துல் தாக்கூர் இடம் பெற்றுள்ளார். சுழற் பந்துவீச்சாளராக ஜடேஜா, அக்சர் படேல், சாஹல், குல்தீப் யாதவ் ஆகியோர் இடம்பெற்றுள்ளனர். வேகபந்துவீச்சாளராக ஜெய்தேவ் உனாட்கட், முகமது சிராஜ், உம்ரான் மாலிக், முகேஷ் குமார் ஆகியோருக்கு வாய்ப்பு வழங்கப்பட்டிருக்கிறது. டெஸ்ட் போட்டியை போல் ஒருநாள் தொடரிலும் முகமது ஷமிக்கு ஓய்வு வழங்கப்பட்டிருக்கிறது.

ஐபிஎல் தொடரில் சிறப்பாக விளையாடிய ஜெய்ஷ்வால் ஒருநாள் அணியிலும் இடம் பெறுவார் என எதிர்பார்க்கப்பட்ட நிலையில் அவருக்கு டெஸ்ட் போட்டியில் மட்டும் தான் வாய்ப்பு வழங்கப்பட்டிருக்கிறது. இதேபோன்று சூர்யகுமார் யாதவ் ஐபிஎல் தொடரில் சிறப்பாக செயல்பட்டதன் காரணமாக மீண்டும் ஒரு நாள் அணியில் அவருக்கு வாய்ப்பு வழங்கப்பட்டிருக்கிறது. கடைசியாக சூர்யகுமார் விளையாடிய 3 ஒரு நாள் போட்டிகளிலும் கோல்டன் டக் ஆனது குறிப்பிடத்தக்கது.

இந்திய அணியில் இடம்பிடிக்க ஐபிஎல் மட்டுமே வழி: அபினவ் முகுந்த்!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…