லண்டனை சார்ந்த ஸ்டார்ட் அப் நிறுவனம் Nothing, அவர்களின் அடுத்த ஸ்மார்ட்போன் Nothing Phone (2) மாடலை கூடிய விரைவில் வெளியிடப் போவதாக அறிவித்துள்ளனர்.
தங்களுக்கு என்று தனி வடிவமைப்பைக் கொண்டு உருவான ஸ்மார்ட்போன் தான் Nothing Phone. இதன் ட்ரான்ஸ்பரென்ட் லுக் மக்கள் மத்தியில் பெரும் ஈர்ப்பை பெற்றுள்ளது. இந்நிலையில் தங்களின் அதிகாரபூர்வ ட்விட்டர் பக்கத்தில் Nothing Phone (2) மாடல் இந்த சம்மர் 2023 இல் வெளியாகும் என்று வீடியோ மூலம் வெளிப்படுத்தியுள்ளனர். ஆனால் தற்போது வரை எப்போது வெளியாகும் என்ற சரியான தகவல் இன்னும் கிடைக்க வில்லை.
Nothing Phone (2) எதிர்பார்க்கப்படும் அம்சங்கள்:
நத்திங் போன் (2) Snapdragon 8+ Gen 1 சிப்செட்டை 8GB அல்லது 12GB LPDDR5 ரேம் மற்றும் 128GB அல்லது 256GB UFS 3.1 ஸ்டோரேஜ் உடன் வெளியாகும் என்று ஏற்கனவே குறிப்பிடப்பட்டுள்ளது. இந்த ஸ்மார்ட்போனின் டிஸ்ப்ளே 6.55-இன்ச் AMOLED பேனலாக FullHD+ ரெசல்யூஷன், 120Hz புதுப்பிப்பு வீதம் மற்றும் இன்-டிஸ்ப்ளே கைரேகை ரீடராக இருக்கும் என்று எதிர்பார்க்கப்படுகிறது. கேமரா பற்றிய சாத்தியமான விவரக்குறிப்புகளின் அடிப்படையில், OIS உடன் 50MP மெயின் ஸ்னாப்பரும் அடங்கும், மற்ற இரண்டு கேமராக்களுடன் - இது ஒருவித அல்ட்ராவைட் மற்றும் துணை கேமராவாக இருக்கலாம் என்று கூறப்படுகிறது. மேலும் இதில் ஸ்டீரியோ ஸ்பீக்கர்கள், NFC, வேகமாக சார்ஜிங் மற்றும் வயர்லெஸ் சார்ஜிங் கொண்ட பெரிய 5,000 mAh பேட்டரியையும் கொண்டு வரலாம். Android 13 மற்றும் NothingOS 1.5 மூலம் இயங்கும் என்று எதிர்பார்க்கப்படுகிறது.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…