திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special
Nandhinipriya Ganeshan Updated:SHARE
![திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special](https://www.searcharoundweb.com/assets/uploads/news-1442221.jpg "திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special")
Representative Image.
ஆண்டாள் பாடிய முப்பது பாடல்களே ‘திருப்பாவை’ என்று அழைக்கப்படுகிறது. இந்த பாடல்கள் ஆண்டாள் பாசுரம் என்றும் வழங்கப்படும். இந்த திருப்பாவை பாடல்கள் அனைவராலும் மார்கழி மாதத்தில் தினமும் பாடப்படும் முக்கிய பாடல்களாகும். அதிலும் திருமணம் ஆகாத பெண்கள் மார்கழியில் திருப்பாவை பாடுவது என்பது மிகவும் விசேஷம். அது அவர்களுக்கு நல்ல கணவனை பெற்றுத் தரும். அந்தவகையில், மார்கழி மாதத்தின் 16வது நாள் பாடவேண்டிய திருப்பாவை பாடல்.
திருப்பாவை பாடல் 16:
நாயகனாய் நின்ற நந்தகோபனுடைய
கோயில் காப்பானே! கொடித்தோன்றும் தோரண
வாயில் காப்பானே! மணிக்கதவம் தாள்திறவாய்
ஆயர் சிறுமிய ரோமுக்கு அறைபறை
மாயன் மணிவண்ணன் நென்னனலே வாய்நேர்ந்தான்
தூயோமாய் வந்தோம் துயிலெழப் பாடுவான்
வாயால் முன்னமுன்னம் மாற்றாதே யம்மா! நீ
நேய நிலைக்கதவம் நீக்கலோர் எம்பாவாய்.
![திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-144221.jpg "திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special")
Representative Image
பொருள்:
உலகுக்கெல்லாம் தலைவனாய் நிலைத்திருக்கின்றவனாகிய நந்த கோபனுடைய திருக்கோவிலைக் காப்பவனே! கொடிகள் மற்றும் தோரணங்கள் மேவும் வாயிலைக் காப்பவனே! ஆயர்குல சிறுமியரான எங்களுக்காக இந்த மாளிகைக் கதவைத் திறப்பாயாக. மாயவன், கருநீல வண்ணனான கண்ணன், எங்களுக்கு ஒலியெழுப்பும் பறை (சிறு முரசு) தருவதாக நேற்றே வாக்களித்தான்; அதனைப் பெற்றுச்செல்ல நாங்கள் நீராடி நாங்கள் வந்தோம். உன் வாயாலே, முதன் முதலிலேயே மறுத்து சொல்லிவிடாதே அப்பனே! வாயில் நிலையோடு நேசமாகப் பொருந்தியிருக்கும் கதவை நீ, நீக்கி திறந்து விடு.
![திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-144222.jpg "திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special")
Representative Image
விளக்கம்:
ஒருவர் ஒரு செயலைச் செய்யப் போவதாக தெரிந்த ஒருவரிடம் சொல்கிறார். ஒருவேளை, அது அவருக்கு பிடிக்காமல் இருந்தாலும் கூட, ஆரம்பத்திலேயே, இதைச் செய்யாதே, நீ செய்யப் போவது உருப்படவா போகுது போன்ற அபசகுனமான வார்த்தைகளை பேசிவிடக்கூடாது. அப்படியா? என்று ஆரம்பித்து, செய்யப்போகும் பணியைப் பற்றி முழுமையாகத் தெரிந்துகொண்டு, அதன் பின், இப்படி செய்தால் நன்றாக இருக்குமே என்று சாந்தமாக அறிவுரை சொல்லலாம். சொற்கள் மனித வாழ்வில் மிக முக்கியமானவை என்று ஆண்டாள் இப்பாடல் மூலம் நமக்கு அறிவுறுத்துகிறாள்.
![திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-144223.jpg "திருப்பாவை பாடல் 16: நாயகனாய் நின்ற நந்தகோபனுடைய.. [பாடலும் விளக்கமும்] | Margali Special")
Representative Image
மார்கழி மாதத்தில் திருப்பாவை பாட வேண்டிய காலம்:
மார்கழி மாதம் அதிகாலை 4.30 மணிக்குள் எழுந்து நீராடி, கோவிலுக்கு சென்றோ அல்லது வீட்டில் இருந்தபடியோ திருப்பாவை பாடலை தினமும் மூன்று முறை பாராயணம் செய்ய வேண்டும். திருப்பாவை பாடல்களை முழுமையாக அல்லாமல், மார்கழி மாதம் முழுவதற்கும் வருமாறு ஒரு நாளைக்கு ஒரு பாடலாக, அந்த ஒரு பாடலை மூன்று முறை பாடவேண்டும்.
இத்துடன் தினமும் வாரணமாயிரம் பகுதியில் இருந்து, ‘வாரணமாயிரம் சூழ வலம் வந்து, மத்தளம் கொட்ட வரிசங்கம் நின்றூத..’ உள்ளிட்ட பிடித்தமான பாடல்களையும் துதிப்பாடல்களாக சேர்த்து பாட வேண்டும்.
![திருப்பாவை பாடல் 17: அம்பரமே தண்ணீரே சோறே.. [பாடலும் விளக்கமும்] | Margali Special](https://www.searcharoundweb.com/assets/uploads/news-14474.jpg "திருப்பாவை பாடல் 17: அம்பரமே தண்ணீரே சோறே.. [பாடலும் விளக்கமும்] | Margali Special")
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
