Mon ,Mar 04, 2024

சென்செக்ஸ் 73,923.11
116.96sensex(0.16%)
நிஃப்டி22,409.65
31.25sensex(0.14%)
USD
81.57
Exclusive

ரசிகர்களே அலாரம் வைச்சுக்கோங்க.. 12 மணிக்கு வருது லியோ ஃபர்ஸ்ட் லுக்

Aruvi Updated:
ரசிகர்களே அலாரம் வைச்சுக்கோங்க.. 12 மணிக்கு வருது லியோ ஃபர்ஸ்ட் லுக்Representative Image.

சென்னை: லியோ படத்தின் ஃபர்ஸ்ட் லுக் இன்று நள்ளிரவு 12 மணிக்கு வரும் என லோகேஷ் கனகராஜ் அறிவித்துள்ளார்.

லோகேஷ் கனகராஜ் இயக்கத்தில் லியோ படத்தில் நடித்துவருகிறார் விஜய். வாரிசு கொடுத்த சூட்டை இதில் தணித்துக்கொள்ள அவர் முனைந்திருப்பதாலும், மாஸ்டர், விக்ரம் படத்தின் வெற்றிக்கு பிறகு லோகேஷ் இயக்குவதாலும் லியோ நிச்சயம் மெகா ஹிட்டாகும் என ரசிகர்கள் எதிர்பார்த்திருக்கின்றனர். மேலும் படத்தின் ஒவ்வொரு காட்சியையும் லோகேஷ் கனகராஜ் பார்த்து பார்த்து செதுக்கிவருவதாகவும் படக்குழுவுக்கு நெருங்கிய வட்டாரம் தெரிவிக்கிறது.

லியோ படத்தின் அறிவிப்பு வெளியானதிலிருந்து அந்தப் படத்தின் கதை என்ன, அது எல்சியூ எனப்படும் லோகேஷ் சினிமாட்டிக் யுனிவர்ஸில் வருமா போன்ற எக்கச்சக்க கேள்விகளை ரசிகர்கள் எழுப்பிவருகின்றனர். ஆனால் அதுகுறித்து எந்தவிதமான தகவலையும் கசியவிடாமல் படக்குழு பாதுகாத்துவருகிறது. இந்தச் சூழலில் முதல் சிங்கிளுக்கான அறிவிப்பு போஸ்டரில் ஆல்டர் ஈகோ என்ற வார்த்தை கவனம் ஈர்த்துள்ளது.

ஏற்கனவே லியோ படத்தின் கதை குறித்து ஒரு தகவல் வெளியாகியிருந்தது. அதாவது ஒரு சம்பவத்தை செய்துவிட்டு வேறு ஒரு நபராக காஷ்மீரில் விஜய் வாழ்வார். அவரது இருப்பிடத்தை தெரிந்துகொண்டு எதிரிகள் அங்கு வருவார்கள் என கூறப்பட்டது. இப்போது ஆல்டர் ஈகோ என்ற வார்த்தை அதை உறுதிப்படுத்துவதாக இருக்கிறதென்று கூறுகிறார்கள் ரசிகர்கள். ஏனெனில் ஆல்டர் ஈகோ என்றால் ஒரு விஷயத்தை செய்துவிட்டு தன்னுடைய அடையாளங்களை மறைத்து இன்னொருவராக வாழ்வது என்று அர்த்தம்.

இதற்கிடையே திரைப்படத்தில் சஞ்சய்  தத்தான் விஜய்க்கு தந்தை, அர்ஜுன் விஜய்க்கு சகோதரர். இதில் மூன்று பேருமே கேங்ஸ்டர்தான் என கூறப்படுகிறது. இருப்பினும் இது எந்த அளவுக்கு உண்மை என தெரியவில்லை. விஜய்யின் பிறந்தநாளான ஜூன் 22ஆம் தேதி படத்தின் முதல் சிங்கிளான நா ரெடி என்ற பாடல் வெளியாகவிருப்பதாக சமீபத்தில் அறிவிக்கப்பட்டது குறிப்பிடத்தக்கது.

நேற்று பாடலுக்கான ப்ரோமோ வெளியிடப்பட்டது. அதில் தேள் கொடுக்கு சிங்கத்த சீண்டாதப்பா என்று ஒரு வரி வருவதை பார்த்த ரசிகர்கள், தேளை உடலில் பச்சை குத்திக்கொண்ட ரோலக்ஸையும், அவர் கேங்கையும்தான் தன்னை சீண்ட வேண்டாம் என விஜய் எச்சரிக்கிறார். எனவே லியோ படம் எல்சியூவில் இணைவது உறுதி என்று ரசிகர்கள் கூறிவருகின்றனர். ஏனெனில் லியோ என்றால் சிங்கம் என ஒரு அர்த்தம் இருப்பதும் குறிப்பிடத்தக்கது.

இந்நிலையில் ரசிகர்களுக்கு பெரும் சர்ப்ரைஸ் ஒன்றை லோகேஷ் கனகராஜ் இப்போது வெளியிட்டிருக்கிறார். அதன்படி விஜய் பிறந்தநாளை முன்னிட்டு இன்று நள்ளிரவு சரியாக 12 மணிக்கு லியோ படத்தின் ஃபர்ஸ்ட் லுக் வெளியிடப்படும் என தனது ட்விட்டர் பக்கத்தில் தெரிவித்திருக்கிறார். அவரது இந்த அறிவிப்பு ரசிகர்களை ஆச்சரியத்தில் ஆழ்த்தியுள்ளது.


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்