நிதின் கட்காரி, சிவராஜ் சிங் சவுகான் நீக்கம்.. பாஜக தலைவர் ஜே.பி.நட்டா அதிரடி!!

Sekar August 17, 2022 & 15:07 [IST]

Representative Image.

பாஜக தலைவர் ஜேபி நட்டா, கட்சியின் தலைமை முடிவெடுக்கும் அமைப்பான நாடாளுமன்ற குழு மற்றும் மத்திய தேர்தல் குழுவை மாற்றி அமைத்துள்ளார். இரு குழுவில் இருந்தும் மூத்த தலைவர்கள் சிவராஜ் சிங் சவுகான், நிதின் கட்கரி ஆகியோர் நீக்கப்பட்டுள்ளனர்.

பாஜகவின் நாடாளுமன்றக் குழுவில் கர்நாடக முன்னாள் முதல்வர் பிஎஸ் எடியூரப்பா, சுதா யாதவ், இக்பால் சிங் லால்புரா, சர்பானந்தா சோனோவால், கே லக்ஷ்மண் மற்றும் சத்யநாராயண் ஜாதியா ஆகியோர் இடம்பெற்றுள்ளனர்.

பாஜகவின் மத்திய தேர்தல் குழுவில், மகாராஷ்டிர முன்னாள் முதல்வர் தேவேந்திர ஃபட்னாவிஸ், பூபேந்திர யாதவ் மற்றும் ஓம் மாத்தூர் ஆகியோர் புதிதாக இணைந்துள்ளனர்.

ஷாநவாஸ் ஹுசைனும் மத்திய தேர்தல் குழுவில் இருந்து நீக்கப்பட்டுள்ளார். இரண்டு பேனல்களிலும் சோனோவால் மற்றும் எடியூரப்பா இடம்பெற்றுள்ளனர்.

கட்சியின் மத்திய குழுவில் எடியூரப்பா, சத்ய நாராயண் ஜாதியா மற்றும் கே லக்ஷ்மண் போன்ற மூத்த தலைவர்கள் இடம் பெற்றிருப்பது, பாஜக தனது பழைய காரியகர்த்தாக்கள் மற்றும் அவர்களின் அனுபவத்தை எப்படி மதிக்கிறது என்பதைக் காட்டுகிறது என்று பாஜக வட்டாரங்கள் தெரிவிக்கின்றன.

இந்த மறுசீரமைப்பு பன்முகத்தன்மைக்கு முக்கியத்துவம் அளிக்கிறது என்று கட்சி வட்டாரங்கள் தெரிவித்தன. சர்பானந்தா சோனோவால் வடகிழக்கிலும், எல் லட்சுமண் மற்றும் பிஎஸ் எடியூரப்பா தெற்கிலும் இருந்து வந்தவர்கள். சீக்கிய சமூகத்தில் இருந்து இக்பால் சிங் லால்புரா சேர்க்கப்பட்டுள்ளார்.

அமைச்சர் செந்தில் பாலாஜிக்கு மாலை சுயநினைவுக்கு வருவார் - அமைச்சர் மா.சுப்ரமணியன் தகவல்..!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…