Fri ,Mar 29, 2024

சென்செக்ஸ் 73,651.35
655.04sensex(0.90%)
நிஃப்டி22,326.90
203.25sensex(0.92%)
USD
81.57
Exclusive

பலத்த சூறாவளிக்காற்று...6 மாவட்டங்களுக்கு மழைக்கு வாய்ப்பு...மக்களே உஷார்!

Priyanka Hochumin November 17, 2022 & 12:42 [IST]
பலத்த சூறாவளிக்காற்று...6 மாவட்டங்களுக்கு மழைக்கு வாய்ப்பு...மக்களே உஷார்!Representative Image.

இன்று வங்கக்கடலில் அடுத்த காற்றழுத்த தாழ்வு மண்டலம் உருவாகும் நிலையில், தமிழகத்தில் 6 மாவட்டங்களில் மழைக்கு வாய்ப்புள்ளத்தாக சென்னை வானிலை ஆய்வு மையம் தெரிவித்துள்ளது.

கேரள பகுதிகளின் மேல் நிலவும் வளி மண்டல கீழடுக்கு சுழற்சி காரணமாக உருவாகியுள்ளதாக அறிவித்துள்ளனர். எனவே, இன்று தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும். இதிலும் தென்மாவட்டங்களுக்குத் தான் பரவலாக மழைக்கு வாய்ப்பு இருப்பதாகவும், வட மாவட்டம் மற்றும் உள் மாவட்டங்களுக்கு மழை பெய்யும் வாய்ப்பு குறைவாகவே இருப்பதாகவும் கூறுகின்றனர்.

நாளை மற்றும் 19 ஆம் தேதி தமிழ்நாடு, புதுவை மற்றும் காரைக்கால் பகுதிகளிலும், 20 ஆம் தேதி கடலோர தமிழகம் மற்றும் புதுவை, காரைக்கால் பகுதிகளில் ஓரிரு இடங்களில் இடிமின்னலுடன் கூடிய லேசானது முதல் மிதமான மழை பெய்யக்கூடும். அடுத்த 24 மணி நேரத்திற்கு சென்னை மற்றும் புறநகர் பகுதிகளில் வானம் மேக மூட்டத்துடன் காணப்படும்.

இன்று தென்கிழக்கு வங்கக்கடலில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வேகத்திலும் வீசக்கூடுமாம். இதே வேகத்தில் நாளை தென்கிழக்கு வங்கக்கடல் மற்றும் அதனை ஒட்டிய தென்மேற்கு மற்றும் மத்தியமேற்கு வங்கக்கடல் பகுதிகளில் சூறாவளிக்காற்று வீசப்படும். இதுவே 19 மற்றும் 20 ஆம் தேதி சூறாவளிக்காற்று மணிக்கு 45 முதல் 55 கிலோ மீட்டர் வேகத்திலும் இடையிடையே 65 கிலோ மீட்டர் வேகத்திலும் வீசக்கூடும்.

இதே போல் இலங்கை கடற்கரையை ஒட்டிய தென்மேற்கு வங்கக்கடல் பகுதிகளில் சூறாவளிக்காற்று மணிக்கு 40 முதல் 45 கிலோ மீட்டர் வேகத்திலும் இடையிடையே 55 கிலோ மீட்டர் வீசப்படுவதால் கடலோர பகுதிகளில் வாழும் மக்களுக்கு எச்சரிக்கை விடுக்கப்பட்டுள்ளது. மேலும் மேலே குறிப்பிட்ட நாட்களில் மீனவர்கள் கடலுக்குள் செல்ல வேண்டாம் என்று அறிவுறுத்தப்படுகிறது. 


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்