Tue ,Jan 31, 2023

சென்செக்ஸ் 59,330.90
-874.16sensex(-1.45%)
நிஃப்டி17,604.35
-287.60sensex(-1.61%)
USD
81.57
Exclusive

சொந்த கணவனையே கொலை செய்து எரித்த தாய் - மகள்.. தூத்துக்குடியில் பயங்கரம்..

Nandhinipriya Ganeshan October 17, 2022 & 11:10 [IST]
சொந்த கணவனையே கொலை செய்து எரித்த தாய் - மகள்.. தூத்துக்குடியில் பயங்கரம்..Representative Image.

தூத்துக்குடி: தூத்துக்குடி மாவட்டம் கோவில்பட்டி காட்டில் ஆண் ஒருவரின் உடல் கருகிய நிலையில் கிடந்ததைக் கண்டுபிடிக்கப்பட்டதையடுத்து அந்த நபரின் மனைவி மற்றும் மகள் உட்பட 3 பேரை போலீஸார் கைது செய்துள்ளனர்.

கோவில்பட்டி காட்டில் 42 வயது மதிக்கத்தக்க ஆண் ஒருவரின் உடல் கருகிய நிலையில் கிடப்பதாக அப்பகுதி மக்கள் தூத்துக்குடி போலீசாருக்கு தகவல் கொடுத்துள்ளனர். பின்னர், இது குறித்து தகவல் அறிந்த சம்பவ இடத்திற்கு விரைந்து வந்து தூத்துக்குடி போலீசார் உடலை கைப்பற்றி பிரேத பரிசோதனைக்காக அருகில் உள்ள அரசு மருத்துவமனைக்கு அனுப்பி வைத்தனர். பின்னர், இந்த கொலை சம்பவம் குறித்து பசுவந்தான் போலீஸார் வழக்குப் பதிவு செய்து விசாரணை நடத்தினர். விசாரணையில் அந்த நபர் மீன் வியாபாரம் செய்யும் ஞானசேகர் என்பது தெரியவந்தது.

இதையடுத்து, அந்த நபரின் மனைவி மற்றும் அவரது 14 மற்றும் 15 வயதுடைய இரண்டு மகள்களை போலீசார் விசாரணைக்காக அழைத்துச் சென்றனர். விசாரணையில் அந்த நபரின் குடும்பத்தினர் முன்னுக்குப்பின் முரணாக கூறியதால் போலீசாருக்கு சந்தேகம் ஏற்பட்டது. இறுதியில், அந்த நபர் அவரது சொந்த குடும்பத்தினரால் கொலை செய்யப்பட்டிருக்கிறார் என்பது வெளிச்சத்திற்கு வந்தது.

அந்த நபரின் பக்கத்து வீட்டுக்காரரிடம் போலீசார் விசாரித்ததில், ஞானசேகரின் மனைவிக்கு வேறொவருடன் தொடர்பு இருப்பதாகவும், அவரது மூத்த மகள் கார்த்திக் என்ற 24 வயது இளைஞருடன் தொடர்பு வைத்திருப்பதாகவும் கூறப்படுகிறது. இந்த விஷயம் தெரிந்து ஞானசேகர் மனைவி, மகள் இருவரையும் கண்டித்துள்ளார். 

இதற்கிடையில் கடந்த சனிக்கிழமை ஞானசேகருக்கும், அவரது மனைவிக்கும் இடையே இதுகுறித்து தகராறு முற்றியதில், தாய்-மகள் இருவரும் சேர்ந்து அவரைக் கொன்றுள்ளனர். பின்னர், தாய்-மகள் இருவரும் கார்த்திக் உதவியுடன் ஞானசேகரை சாக்கு மூட்டையில் கட்டி, உடலை எரித்து வனப்பகுதியில் அப்புறப்படுத்தியுள்ளது தெரிய வந்தது. மேலும், தற்போது ஞானசேகர் கொலையில் 3 பேரையும் போலீசார் கைது செய்துள்ளனர். குடும்ப பிரச்சனைக்காக சொந்த கணவனையே கொலை சம்பவம் அப்பகுதியில் பெரும் பரபரப்பை ஏற்படுத்தியுள்ளது. 


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்