Fri ,Feb 23, 2024

சென்செக்ஸ் 73,174.40
16.16sensex(0.02%)
நிஃப்டி22,231.75
14.30sensex(0.06%)
USD
81.57
Exclusive

சுதந்திர தினத்தை சீர்குலைக்க சதி.. ஐஎஸ்ஐஎஸ் தொடர்பு இளைஞர் உ.பி.யில் கைது!!

Sekar August 10, 2022 & 09:26 [IST]
சுதந்திர தினத்தை சீர்குலைக்க சதி.. ஐஎஸ்ஐஎஸ் தொடர்பு இளைஞர் உ.பி.யில் கைது!!Representative Image.

உத்தரப் பிரதேச பயங்கரவாத எதிர்ப்புப் படை (ஏடிஎஸ்) நேற்று ஐஎஸ்ஐஎஸ் தீவிரவாதி ஒருவரைக் கைது செய்தது. விவரங்களின்படி, சபாவுதீன் ஆஸ்மி என்கிற திலாவர் கான் என்கிற பைரம் கான் என்கிற அசார் என்ற பயங்கரவாதி, அசம்கரில் உள்ள முபாரக்பூரில் இருந்து கைது செய்யப்பட்டார்.

சபாவுதீன் சுதந்திர தினத்தன்று ஐஇடி குண்டுவெடிப்புக்கு திட்டமிட்டிருந்ததாக போலீசார் தெரிவித்தனர்.

மேலும் சபாவுதீன் அகில இந்திய மஜ்லிஸ்-இ-இத்தேஹாதுல் முஸ்லிமீன் (ஏஐஎம்ஐஎம்) கட்சியின் உறுப்பினர் ஆவார். அவர் அசம்கர் மாவட்டத்தின் அமிலோ பகுதியில் வசிப்பவர் என்று அதிகாரப்பூர்வ வட்டாரங்கள் தெரிவித்தன.

சமூக ஊடக தளங்களில் ஐஎஸ்ஐஎஸ் குறித்து வந்த பிரச்சாரத்தால் கவரப்பட்டு, சபாவுதீன் அதில் இணைந்து இந்தியாவுக்கு எதிராக நாசவேலைகளை திட்டமிட்டுள்ளதாகத் தெரிகிறது. சபாவுதீன் மீது லக்னோவில் இந்திய தண்டனைச் சட்டம் (ஐபிசி), சட்டவிரோத நடவடிக்கைகள் (தடுப்பு) சட்டம் மற்றும் ஆயுதச் சட்டம் பிரிவுகள் 121A, 122, 123 ஆகியவற்றின் கீழ் வழக்கு பதிவு செய்யப்பட்டுள்ளது.

குற்றம் சாட்டப்பட்டவர் விசாரணைக்காக லக்னோவில் உள்ள ஏடிஎஸ் தலைமையகத்திற்கு அழைத்து வரப்பட்டார். அங்கு, அவரது மொபைல் டேட்டாவை விசாரித்து ஸ்கேன் செய்த பிறகு, அவர் ஐஎஸ்ஐஎஸ் உருவாக்கிய வன்முறையை பரப்பும் டெலிகிராம் சேனலான அல்-சகர் மீடியாவில் சேர்ந்தார் என்பது வெளியில் வந்தது.

விசாரணையில், 2018-ம் ஆண்டு பிலால் என்ற நபருடன் சபாவுதீன் ஃபேஸ்புக்கில் தொடர்பு கொண்டதும் தெரியவந்தது. காஷ்மீரில் முஜாஹித்கள் மீது எடுக்கப்படும் ஜிகாத் மற்றும் நடவடிக்கை குறித்து சபாவுதீனிடம் பிலால் பேசி வந்தார். ஐ.எஸ்.ஐ.எஸ்-ல் உறுப்பினராக உள்ள மூசா என்ற கட்டப் காஷ்மீரியின் எண்ணை பிலால் கொடுத்தார், அதைத் தொடர்ந்து அவர் பயங்கரவாத குழுவுடன் தொடர்பு கொண்டார்.

சமூக ஊடக ஆப்ஸ் மூலம் அபு உமரால் கைக்குண்டுகள், வெடிகுண்டுகள் மற்றும் ஐஇடிகள் பற்றிய பயிற்சியை சபாவுதீன் பெற்றதாக ஏடிஎஸ் மேலும் தெரிவித்துள்ளது.

"இதைத் தொடர்ந்து, இந்தியாவில் இஸ்லாமிய அரசை நிறுவுவதற்கும், இந்தியாவில் இஸ்லாமிய ஆட்சி மற்றும் ஷரியா சட்டத்தை அமல்படுத்துவதற்கும் முஜாஹிதீன்கள் திட்டத்தில் பணியாற்றத் தொடங்கியுள்ளதும் விசாரணையில் தெரியவந்துள்ளது.

மேலும் ஆர்எஸ்எஸ் உறுப்பினர்களை குறிவைக்கும் திட்டத்தில் சபாவுதீன் செயல்பட்டு வந்தார். அதற்காக குற்றம் சாட்டப்பட்டவர்கள் ஆர்எஸ்எஸ் பெயரைப் பயன்படுத்தி போலி மின்னஞ்சல் ஐடி மற்றும் பேஸ்புக் கணக்கை உருவாக்கியுள்ளனர்.


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்