Diabetes Diet: நீரிழிவு அல்லது சர்க்கரை நோய் என்பது நமது உடலில் இரத்தத்தில் சர்க்கரையின் அளவு 180 மில்லிகிராம் சதவீதத்தைத் தாண்டும் நிலை ஆகும். இந்த நோயை கட்டுக்குள் வைத்துக்கொள்ள என்ன செய்ய வேண்டும் என்று இப்பதிவில் பார்க்கலாம்.
உணவு முறை:
❖ நேரம் தவறாமல் மூன்று வேளையும் உணவு எடுத்துக்கொள்ள வேண்டும்.
❖ சப்பாத்தி, கோதுமை ரொட்டி, ஆரியம், அரிசி போன்ற கார்போ ஹைட்ரேட் நிறைந்த உணவுகளை சாப்பிடுங்க.
❖ அளவுக்கு அதிகமாகவும் சாப்பிட வேண்டாம். குறிப்பிட்ட டயட்டை பின்பற்றுங்கள்.
❖ வெல்லம், சர்க்கரை, ஜாம், தேன், சாக்லேட், கேக் போன்ற சர்க்கரை சேர்க்கப்பட்ட உணவு வகைகளை தவிர்க்க வேண்டும்.
❖ கொழுப்பு நிறைந்த உணவுகளான நெய், வெண்ணெய் போன்றவற்றை தவிர்க்க வேண்டும். அதேபோல், கொழுப்பு நீக்கப்பட்ட பால் குடிங்க. மேலும், உணவில் தாவர எண்ணெயை பயன்படுத்துங்கள்.
❖ எண்ணெயில் பொறித்த பூசி, சமோசா போன்றவற்றை தவிர்க்க வேண்டும். ஆக மொத்தம் பொறித்த உணவுகளை சாப்பிடவே கூடாது.
❖ அதற்கு பதிலாக நீராவியில் சமைத்த, வேக வைத்த, தீயில் வாட்டிய உணவுகளை சாப்பிடலாம்.
❖ கோழி, மீன், சீஸ் போன்ற உணவுகளை குறைவாக எடுத்துக் கொள்வது நல்லது.
உடற்பயிற்சி:
❖ முதலில் உங்களுக்கேற்ற உடற்பயிற்சியை உங்க மருத்துவரிடம் கேட்டு தெரிந்துக் கொண்டு அதன்படி உடற்பயிற்சி மேற்கொள்ளுங்கள்.
❖ தினமும் உடற்பயிற்சி செய்ய வேண்டும். இதனால், இரத்தத்தில் உள்ள சர்க்கரை அளவைக் கட்டுப்படுத்த முடியும்.
❖ அதுமட்டுமல்லாமல், எடையை கட்டுக்குள் வைத்திருக்கவும் உதவும்.
❖ இரத்தத்தில் சர்க்கரை அளவு அதிகமாக இருக்கும்போது உடற்பயிற்சி செய்ய கூடாது.
❖ வெறும் வயிற்றுடன் உடற்பயிற்சி செய்ய வேண்டாம்.
❖ அதேபோல், இன்சுலின் ஊசிப் போட்ட உடனே உடற்பயிற்சி செய்வதை தவிர்க்க வேண்டும்.
பிற ஆலோசனைகள்:
இரத்தத்தில் உள்ள அதிக சர்க்கரையை குறைக்க உடற்பயிற்சி, உணவு முறை மட்டும் போதாது. சர்க்கரை அளவை குறைக்கும் மாத்திரைகள் எடுத்துக் கொள்ள வேண்டும். இதை உங்க மருத்துவரிடம் ஆலோசித்து பின் கடைப்பிடியுங்கள்.
❖ அதேபோல், நோயின் தீவிரத்தன்மையை தவறாமல் கண்காணித்துக் கொண்டே இருக்க வேண்டும்.
❖ ஒரு சிலருக்கும் நோய் முற்றிவிட்டால், இன்சுலின் போட்டு கொள்ள மருத்துவர்கள் அறிவுறுத்துவார்கள். எனவே, தவறாமல் இன்சுலின் போட்டு கொள்வதும் சர்க்கரை நோயை கட்டுக்குள் வைக்க உதவுகிறது.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…