திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special
Nandhinipriya Ganeshan Updated:SHARE
![திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special](https://www.searcharoundweb.com/assets/uploads/news-14053.jpg "திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special")
Representative Image.
ஆண்டாள் பாடிய முப்பது பாடல்களே ‘திருப்பாவை’ என்று அழைக்கப்படுகிறது. இந்த பாடல்கள் ஆண்டாள் பாசுரம் என்றும் வழங்கப்படும். இந்த திருப்பாவை பாடல்கள் அனைவராலும் மார்கழி மாதத்தில் தினமும் பாடப்படும் முக்கிய பாடல்களாகும். அதிலும் திருமணம் ஆகாத பெண்கள் மார்கழியில் திருப்பாவை பாடுவது என்பது மிகவும் விசேஷம். அது அவர்களுக்கு நல்ல கணவனை பெற்றுத் தரும். அந்தவகையில், மார்கழி மாதத்தின் ஏழாவது நாள் பாடவேண்டிய திருப்பாவை பாடல்.
திருப்பாவை பாடல் 7:
கீசுகீசு என்றெங்கும் ஆனைச்சாத்தன் கலந்து
பேசின பேச்சரவம் கேட்டிலையோ? பேய்ப்பெண்ணே!
காசும் பிறப்பும் கலகலப்பக் கைபேர்த்து
வாச நறுங்குழல் ஆய்ச்சியர் மத்தினால்
ஓசை படுத்த தயிர் அரவம் கேட்டிலையோ?
நாயகப் பெண்பிள்ளாய்! நாராயணன் மூர்த்தி
கேசவனைப் பாடவும் நீ கேட்டே கிடத்தியோ?
தேசம் உடையாய்! திறவேலோர் எம்பாவாய்.
![திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-140531.jpg "திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special")
Representative Image
பொருள்:
ஆறாம் பாசுரத்தில் இயற்கையின் விழிப்பை சொல்லி, கண்ணுறக்கம் கலைந்து எழுமாறு தோழியைத் துயில் எழுப்பிய ஆண்டாள், அவள் எழுந்திருக்காதது கண்டு மேலும் சில நிமித்தங்களை சொல்லி துயில் கலைந்து எழுமாறு வேண்டுகிறார் இந்த ஏழாம் பாசுரத்தில். பரத்வாஜ பறவிகள் ஒன்றோடு ஒன்று பேசியும் குலவியும் கீச்சு கீச்சு என்று எங்கும் ஆரவாரம் செய்கின்றன். இந்த ஆரவாரத்தை இன்னும் நீ கேட்கவில்லையோ.. ஏ மதியற்ற பெண்ணே நறுமணம் கமலும் பரிமள பொருள்களினால் அணிசெய்த கூந்தலை உடையவர்கள் இந்த இடைப் பெண்கள்.
அவர்களின் கழுத்தில் அணிந்துள்ள அச்சுத்தாலியும், ஆமைத்தாலியும் ஒன்றோடு ஒன்று உரசி கலகலவென்று ஒலி எழுப்புகின்றன. அவர்கள் தங்கள் கைகளில் மத்தினை எடுத்து அசைத்து அசைத்து தயிர் கடைகிறார்கள். அவ்வாறு கடையும் தயிரின் ஒலியை நீ கேட்கவில்லையோ? நாங்கள் நாராயணான கேசவனைப் புகழ்ந்து பாடுவது உன் காதில் கேட்டும் உறங்கும் மர்மமென்ன? பிரகாசமான முகத்தைக் கொண்டவளே! உன் வீட்டுக்கதவைத் திற என்று தோழியை துயில் எழுப்புகிறாள் ஆண்டாள்.
![திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-140532.jpg "திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special")
Representative Image
விளக்கம்:
பெருமாளுக்கு பல திருநாமங்கள் உண்டு. இதில் கேசவா என்ற திருநாமத்தை ஏழுமுறை சொல்லிவிட்டு, அன்றாடப்பணிகளுக்கு கிளம்பினால், அன்றையப் பணிகள் தங்கு தடையின்றி முடியும் என்பது நம்பிக்கை. கேசவன் என்ற சொல்லுக்கே தடைகளை நீக்குபவன் என்று தான் பொருள். வாழ்வில் ஏற்படும் தடைகளைக் கடக்கும் இப்பாடலை, திவ்ய தேசங்களில் ஒன்றான ஆயர்பாடி (டில்லி-ஆக்ரா ரயில்பாதையிலுள்ள மதுராவில் இருந்து 12 கி.மீ) தலத்தை மனதில் கொண்டு ஆண்டாள் பாடியருளினாள்.
![திருப்பாவை பாடல் 8: கீழ்வானம் வெள்ளென்று... [பாடலும் விளக்கமும்] | Margali Special](https://www.searcharoundweb.com/assets/uploads/news-14086.jpg "திருப்பாவை பாடல் 8: கீழ்வானம் வெள்ளென்று... [பாடலும் விளக்கமும்] | Margali Special")
![திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-140533.jpg "திருப்பாவை பாடல் 7: கீசுகீசு என்றெங்கும் ஆனைச்சாத்தன்.. [பாடலும் விளக்கமும்] | Margali Special")
Representative Image
மார்கழி மாதத்தில் திருப்பாவை பாட வேண்டிய காலம் :
மார்கழி மாதம் அதிகாலை 4.30 மணிக்குள் எழுந்து நீராடி, கோவிலுக்கு சென்றோ அல்லது வீட்டில் இருந்தபடியோ திருப்பாவை பாடலை தினமும் மூன்று முறை பாராயணம் செய்ய வேண்டும். திருப்பாவை பாடல்களை முழுமையாக அல்லாமல், மார்கழி மாதம் முழுவதற்கும் வருமாறு ஒரு நாளைக்கு ஒரு பாடலாக, அந்த ஒரு பாடலை மூன்று முறை பாடவேண்டும்.
இத்துடன் தினமும் வாரணமாயிரம் பகுதியில் இருந்து, ‘வாரணமாயிரம் சூழ வலம் வந்து, மத்தளம் கொட்ட வரிசங்கம் நின்றூத..’ உள்ளிட்ட பிடித்தமான பாடல்களையும் துதிப்பாடல்களாக சேர்த்து பாட வேண்டும்.
![திருப்பாவை பாடல் 9: கீதூமணி மாடத்து சுற்றும்.. [பாடலும் விளக்கமும்] | Margali Special](https://www.searcharoundweb.com/assets/uploads/news-14124.jpg "திருப்பாவை பாடல் 9: கீதூமணி மாடத்து சுற்றும்.. [பாடலும் விளக்கமும்] | Margali Special")
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
