திரிணாமுல் கட்சியின் 38 எம்எல்ஏக்கள்.. அடுத்த பிரேக்கிங் நியூஸ்.. பாஜக தலைவர் பரபரப்பு!!
Sekar July 27, 2022 & 19:14 [IST]SHARE
Representative Image.
திரிணாமுல் கட்சியைச் சேர்ந்த 38 எம்எல்ஏக்கள் பாஜகவுடன் நல்லுறவைக் கொண்டுள்ளனர் என்றும் அவர்களில் 21 பேர் பாஜகவுடன் நேரடி தொடர்பில் இருப்பதாகவும் பாஜக தலைவர் மிதுன் சக்ரவர்த்தி திடுக்கிடும் தகவலை வெளியிட்டார்.
"நீங்கள் பிரேக்கிங் நியூஸ் கேட்க விரும்புகிறீர்களா? இந்த நேரத்தில், 38 டிஎம்சி எம்எல்ஏக்கள் எங்களுடன் நல்ல உறவைக் கொண்டுள்ளனர், அவர்களில் 21 பேர் நேரடியாக எங்களுடன் தொடர்பு கொண்டுள்ளனர்." என்று பாஜக தலைவர் மிதுன் சக்ரவர்த்தி கொல்கத்தாவில் கூறினார்.
ஏற்கனவே மகாராஷ்டிராவில் திடீரென சிவசேனா எம்எல்ஏக்கள் கிளர்ச்சி செய்து பாஜகவுடன் கூட்டணி அமைத்து உத்தவ் தாக்கரேவுக்கு கொடுத்த அதிர்ச்சி வைத்தியத்தால் எதிர்க்கட்சிகள் அரண்டு கிடக்கும் நிலையில், பாஜக தலைவர் மிதுன் சக்ரவர்த்தியின் கருத்து திரிணாமுல் கட்சித் தலைமைக்கு அதிர்ச்சியைக் கொடுத்துள்ளதாக கூறப்படுகிறது.
எனினும் திரிணாமுல் கட்சி அளித்த விளக்கத்தில், அவரது குற்றச்சாட்டுகளுக்கு பதிலளிக்கும் போது, மிதுன் சக்ரவர்த்தி தவறான கருத்துகள் மூலம் மக்களை முட்டாளாக்க முயற்சிக்கிறார் என்றார்.
18 மாநிலங்களில் பாஜக ஆட்சியில் உள்ளது, மேலும் சில மாநிலங்களில் கட்சியின் கொடி விரைவில் உயரப் பறக்கும் என்று சக்ரவர்த்தி கூறினார்.
"மேற்கு வங்கத்தில் பாஜக தனது போராட்டத்தை நிறுத்தாது. மாநிலத்தில் இன்று சுதந்திரமான மற்றும் நியாயமான தேர்தல் நடந்தால், பாஜக அடுத்த அரசாங்கத்தை அமைக்கும்" என்று அவர் கூறினார்.
"இதுபோன்ற அறிக்கைகள் மக்களை முட்டாளாக்கும் முயற்சியாகும். இதற்கும் யதார்த்தத்திற்கும் எந்த தொடர்பும் இல்லை" என்று டிஎம்சி எம்பி சாந்தனு சென் கூறினார்.
294 உறுப்பினர்களைக் கொண்ட மேற்கு வங்க சட்டசபையில் டிஎம்சிக்கு 216 எம்எல்ஏக்கள் உள்ளனர். எதிர்க்கட்சியான பாஜகவுக்கு 75 சட்டமன்ற உறுப்பினர்கள் உள்ளனர். இருப்பினும் பாஜகவின் எம்எல்ஏக்கள் 5 பேர் எம்எல்ஏ பதவியை ராஜினாமா செய்யாமல் ஆளுங்கட்சியில் இணைந்துள்ளனர்.
எஸ்எஸ்சி ஊழல் வழக்கில் டிஎம்சி அமைச்சர் பார்த்தா சாட்டர்ஜி மற்றும் அவரது நெருங்கிய உதவியாளர் கைது செய்யப்பட்ட நிலையில் மிதுனின் அறிக்கை வந்துள்ளது தான் இங்கு கவனிக்கத்தக்கது.
இதற்கிடையில், நாடியா மாவட்டத்தைச் சேர்ந்த டிஎம்சி எம்எல்ஏவும், டபிள்யூபிபிஎஸ்இயின் முன்னாள் தலைவருமான பட்டாச்சார்யாவுக்கும் அமலாக்கத்துறை சம்மன் அனுப்பியது. இன்று நண்பகல் சிஜிஓ வளாகத்தில் உள்ள ஏஜென்சியின் அதிகாரிகள் முன் ஆஜராகும்படி கேட்டுக்கொண்டதாக தகவலறிந்த வட்டாரங்கள் தெரிவித்தன.
அமலாக்கத்துறை ஏற்கனவே ஜூலை 22 அன்று பட்டாச்சார்யாவின் குடியிருப்பு வளாகத்தில் சோதனை நடவடிக்கைகளை நடத்தியது.
இது ஒருபுறம் பரபரப்பை ஏற்படுத்தி வரும் நிலையில், மேற்கு வங்க முதல்வர் மம்தா பானர்ஜி சட்டர்ஜியை உடனடியாக மாநில அமைச்சரவையில் இருந்து நீக்க வேண்டும் என்று காங்கிரஸ் தலைவர் ஆதிர் ரஞ்சன் சவுத்ரி வலியுறுத்தியுள்ளார்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
