முதல்வருக்கு கொரோனா தொற்று உறுதி..!

Muthu Kumar August 06, 2022 & 12:50 [IST]

Representative Image.

கர்நாடக முதல்வர் பசவராஜ் பொம்மைக்கு கொரோனா தொற்று உறுதி செய்யப்பட்டுள்ளது. இதையடுத்து அவர் வீட்டில் தனிமைப்படுத்தப்பட்டுள்ளதாக தகவல் வெளியாகியுள்ளது. மேலும், அவரது டெல்லி பயணம் ரத்து செய்யப்பட்டுள்ளதாக அவர் தெரிவித்துள்ளார்.

மேலும், இதுகுறித்து முதல்வர் பசவராஜ் பொம்மை தனது டுவிட்டர் பக்கத்தில்,
“எனக்கு லேசான அறிகுறிகள் இருந்ததை அடுத்து கொரோனா தொற்று பரிசோதனையில் தொற்று உறுதியானதை அடுத்து, என்னைத் தனிமைப்படுத்திக் கொண்டேன். கடந்த சில நாட்களில் என்னுடன் தொடர்பு கொண்டவர்கள், தயவுசெய்து பரிசோதித்துக்கொள்ளுங்கள். இதனால் எனது டெல்லி பயணம் ரத்து செய்யப்படுகிறது” என தெரிவித்துள்ளார்.

இந்நிலையில், பிரதமர் நரேந்திர மோடி தலைமையில் இன்று நடைபெற இருந்த 'ஆசாதி கா அம்ரித் மஹோத்சவ்' தேசியக் குழுவின் மூன்றாவது கூட்டத்திலும், நிதி ஆயோக்கின் ஆட்சி மன்றக் குழுக் கூட்டத்திலும் பங்கேற்க பசவராஜ் பொம்மை இன்று டெல்லி செல்லவிருந்தார்.

ம்ேலும், இந்த கூட்டத்தில் 2023 சட்டமன்றத் தேர்தலுக்கான தயாரிப்புகள் குறித்து விவாதிப்பார் என எதிர்பார்க்கப்பட்டது.

சென்னை- மதுரை இடையே மீண்டும் விமானசேவை - ஸ்பைஸ்ஜெட் நிறுவனம் அறிவிப்பு

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…