செங்கோட்டையில் 83 நிமிட உரை.. மோடி பேசியது என்ன?

இந்தியா சுதந்திரம் அடைந்து 75 ஆண்டுகள் நிறைவடைந்ததை முன்னிட்டு, பிரதமர் நரேந்திர மோடி, இன்று 9வது முறையாக செங்கோட்டையில் தேசிய கொடி ஏற்றி நாட்டு மக்களுக்கு உரையாற்றினார். பிரதமர் தனது 83 நிமிட உரையில், நாட்டின் மறக்கப்பட்ட ஹீரோக்கள், பஞ்சபிரான், நாரி சக்தி, ஊழல் போன்றவற்றைப் பற்றி பேசினார்.

மறக்கப்பட்ட ஹீரோக்களுக்கு பிரதமர் மரியாதை

நாட்டின் சுதந்திரத்தில் பங்காற்றிய மறக்கப்பட்ட மாவீரர்களை கவுரவித்த பிரதமர், பெண்களின் வலிமையையும், வேலு நாச்சியார், ராணி லட்சுமி பாய், பேகம் ஹஸ்ரத் மஹால் உள்ளிட்ட சுதந்திரப் போராட்ட வீரர்களின் தியாகத்தையும் நினைவு கூர்ந்தார். ராஜேந்திர பிரசாத், ஜவஹர்லால் நேரு, சர்தார் வல்லபாய் படேல், வீர் சாவர்க்கர் போன்றோர் தேசத்தைக் கட்டியவர்கள் என்றும் அவர் கூறினார்.

“கடமைப் பாதையில் தங்கள் உயிரைக் கொடுத்த மகாத்மா காந்தி, நேதாஜி சுபாஷ் சந்திரபோஸ், பாபாசாகேப் அம்பேத்கர் மற்றும் வீர் சாவர்க்கர் ஆகியோருக்கு குடிமக்கள் நன்றி தெரிவித்துக் கொள்கிறார்கள்” என்று பிரதமர் கூறினார்.

வரலாற்றின் நாயகர்கள் பலர் மறக்கப்பட்டு விட்டார்கள் என்று கூறிய பிரதமர் மோடி, இந்தியாவின் எண்ணற்ற புரட்சியாளர்கள் பிரிட்டிஷ் ஆட்சியின் அடித்தளத்தையே உலுக்கினார்கள் என்றார். மங்கள் பாண்டே, தாந்தியா தோபே, பகத் சிங், சுக்தேவ், ராஜ்குரு, சந்திரசேகர் ஆசாத், அஷ்பகுல்லா கான், ராம் பிரசாத் பிஸ்மில் மற்றும் ஆங்கிலேயர் ஆட்சியின் அடித்தளத்தை அசைத்த நமது எண்ணற்ற புரட்சியாளர்களுக்கு இந்த தேசம் நன்றி தெரிவிக்கிறது என்றார்.

பிரதமரின் பஞ்சபிரான் உறுதிமொழி

மூவர்ணக் கொடியை ஏற்றிய பின்னர் அவர் தொடங்கிய உரையின் போது, ​​பிரதமர் மோடி, வரும் ஆண்டுகளில் இந்தியாவை வளர்ந்த நாடாக மாற்ற உதவும் பஞ்சபிரான் என்ற ஐந்து உறுதிமொழிகளைப் பற்றி பேசினார். 

"வரவிருக்கும் ஆண்டுகளில், நாம் பஞ்சபிரான் (5 வாக்குறுதிகள்) மீது கவனம் செலுத்த வேண்டும். முதலாவதாக, பெரிய தீர்மானங்கள் மற்றும் வளர்ந்த இந்தியாவின் உறுதியுடன் முன்னேறவும், இரண்டாவது, அடிமைத்தனத்தின் அனைத்து தடயங்களையும் அழிக்கவும், மூன்றாவது, நமது பாரம்பரியத்தைப் பற்றி பெருமிதம் கொள்ளவும், நான்காவது, நமது ஒற்றுமையின் பலத்தில் கவனம் செலுத்துவதும் மற்றும் ஐந்தாவது, பிரதமர், முதல்வர் என்ற எந்த பாகுபாடும் இல்லாமல் அனைத்து குடிமக்களும் கடமைகளை நேர்மையுடன் நிறைவேற்றுவதும் முக்கியம்" என்றார்

"இளைஞர்கள் தங்கள் வாழ்நாளின் அடுத்த 25 ஆண்டுகளை தேசத்தின் வளர்ச்சிக்காக அர்ப்பணிக்க வேண்டும் என்று நான் கேட்டுக்கொள்கிறேன். முழு மனிதகுலத்தின் வளர்ச்சிக்காக நாம் பாடுபடுவோம்" என்று அவர் மேலும் கூறினார்.

இந்தியா ஜனநாயகத்தின் தாய்

இந்தியா ஜனநாயகத்தின் தாய் என்றும், பன்முகத்தன்மையே அதன் பலம் என்றும் கூறிய பிரதமர் மோடி, “சுதந்திரத்திற்குப் பிறகு, சவால்களை எதிர்கொண்டாலும், இந்திய குடிமக்களின் ஆர்வத்தை எதுவும் தடுக்க முடியாது. இந்த மண்ணுக்கு மகத்தான சக்தி உள்ளது.

பல சவால்கள் இருந்தபோதிலும், இந்தியா ஒருபோதும் ஸ்தம்பித்து நின்றுவிடவில்லை. அனைவரும் முன்னேறிச் சென்று கொண்டுள்ளோம். நமது பன்முகத்தன்மையில் இருந்து வரும் உள்ளார்ந்த வலிமையை நம் தேசம் நிரூபித்துள்ளது. தேசபக்தியின் பொதுவான இழை இந்தியாவை அசைக்க முடியாததாக ஆக்குகிறது. வரிசையில் கடைசி மனிதனுக்கும் அதிகாரம் அளிக்க வேண்டும் என்ற மகாத்மா காந்தியின் பார்வையை நிறைவேற்ற நான் என்னை அர்ப்பணித்துள்ளேன்." என்று மோடி கூறினார்.

உலக நாடுகள் இந்தியாவை பார்க்கும் விதம் தற்போது மாறி வருகிறது என்று அவர் மேலும் கூறினார்.

ஊழல், பரிவார்வாத் மீது பிரதமர் மோடி தாக்குதல்

இந்தியா தற்போது ஊழல் மற்றும் முறைகேடு என இரண்டு பெரிய சவால்களை எதிர்கொள்கிறது என்று பிரதமர் நரேந்திர மோடி கூறினார். ஊழலுக்கு எதிரான போராட்டத்தில் குடிமக்கள் ஆதரவளிக்க வேண்டும் என்றும் அவர் வேண்டுகோள் விடுத்தார்.

"ஊழல் ஒரு கரையான் போல நாட்டை வெறுமையாக்குகிறது, நாம் அதை எதிர்த்துப் போராட வேண்டும். கடந்த காலத்தில் இந்தியாவைக் கொள்ளையடித்தவர்கள் இப்போது தங்கள் பாவங்களுக்குப் பரிகாரம் செய்கிறார்கள். அவர்களின் முறைகேடான ஆதாயத்தை நாம் பறிமுதல் செய்கிறோம். மக்கள் வறுமையை எதிர்த்துப் போராடும் இந்தியாவில், ஊழலுக்கு எதிராக நமது முழு வலிமையுடன் போராட வேண்டும்." என்றார்.

'ஹர் கர் திரங்கா' பிரச்சாரத்தை பாராட்டிய பிரதமர் மோடி

'ஹர் கர் திரங்கா' பிரச்சாரம் பற்றிப் பேசிய மோடி, கடந்த மூன்று நாட்களில் காணப்பட்ட தேசியக்கொடி மீதான தேசத்தின் உற்சாகத்தை பல வல்லுநர்கள் நினைத்துப் பார்த்திருக்க முடியாது என்றும், அது தேசத்தின் மறுமலர்ச்சியைக் குறிக்கிறது என்றும் கூறினார்.

"ஹர் கர் திரங்கா' என்பது நமது புகழ்பெற்ற நாட்டின் உணர்வைக் கொண்டாடுவதற்கு ஒரு முழு தேசமும் ஒன்று கூடுவதற்கான ஒரு எடுத்துக்காட்டு" என்று அவர் மேலும் கூறினார்.

வீட்டுமனைகளுக்கு முறையான அனுமதி உள்ளதா? - ஆட்சியர் அதிரடி எச்சரிக்கை!

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…