போதை தலைக்கேறி.. அரசு பஸ்ஸை ஆட்டைய போட்ட "குடிமகன்"!!

Sekar August 10, 2022 & 14:33 [IST]

Representative Image.

ஆந்திராவின் விஜயநகரம் மாவட்டத்தில் ஒரு நபர் வீட்டிற்குச் செல்வதற்காக அரசுக்கு சொந்தமான ஏபிஎஸ்ஆர்டிசி பேருந்தை திருடினார்.

ஆந்திரப் பிரதேச மாநில சாலைப் போக்குவரத்துக் கழகத்தின் (ஏபிஎஸ்ஆர்டிசி) பாலகொண்டா டிப்போவுக்குச் சொந்தமான திருடப்பட்ட பேருந்து, கார்ப்பரேஷன் அதிகாரிகளுடன் காவல்துறையினரின் பல மணிநேர சோதனைக்குப் பிறகு கண்டிசா கிராமத்தில் கண்டுபிடிக்கப்பட்டது.

மாணவர்களின் சிறப்புப் பேருந்தாக இயக்கப்படும் இது திங்கள்கிழமை இரவு வங்கர மண்டலத் தலைமையகத்தில் இருந்து திருடப்பட்டது.

பேருந்து ராஜாமிலிருந்து கிராமத்திற்கு வந்ததாகவும், மாணவர்களை இறக்கிவிட்டு, டிரைவர் பீலா புஜ்ஜி, வங்காரா காவல் நிலையம் முன் உள்ள மண்டலத் தலைமை அலுவலகத்தில் அதை நிறுத்தி விட்டுச் சென்ற நிலையில், மறுநாள் காலை பஸ்சை காணாததால் அதிர்ச்சியடைந்தார்.

இதையடுத்து ட்ரைவர் டிப்போ அதிகாரிகளை எச்சரித்தார். அவர்கள் அப்பகுதியில் வாகனத்தை தேடினர் ஆனால் அதன் தடயமே கிடைக்கவில்லை.

இதையடுத்து ஏபிஎஸ்ஆர்டிசி அதிகாரிகள் வங்காரா போலீசில் புகார் அளித்தனர். போலீசார் ஏபிஎஸ்ஆர்டிசி ஊழியர்கள் உதவியுடன் சுற்றியுள்ள கிராமங்களில் தேடுதல் வேட்டையில் ஈடுபட்டனர்.

பல மணி நேரம் பரபரப்பான தேடுதலுக்குப் பிறகு, ரெகிடி அமடலாவலச மண்டலத்தில் மீசாலா டோலபேட்டாவில் பேருந்து இருப்பது கண்டுபிடிக்கப்பட்டது.

வங்காராவில் இருந்து காவல்துறை அதிகாரிகள் அங்கு வந்து கைரேகைகளை சேகரித்து பேருந்தை வங்காராவுக்கு கொண்டு வந்தனர்.

சந்தேகத்தின் பேரில் சிலரை போலீசார் சுற்றி வளைத்து பிடித்தனர். விசாரணையில் சௌத்ரி சுரேஷ் என்பவர் பஸ்சை திருடியதை ஒப்புக்கொண்டார்.

ராஜாமிலிருந்து வேறொரு பேருந்தில் வங்காராவை அடைந்த பிறகு, தனது கிராமத்திற்குச் செல்வதற்கு போக்குவரத்து எதுவும் கிடைக்காத நிலையில், அங்கே ஒரு பேருந்தை நிறுத்தியிருப்பதைக் கண்டு அதை எடுத்துக்கொண்டு வீட்டுக்குச் சென்றதாகவும், குடிபோதையில் இந்த திருட்டைச் செய்ததாகவும் ஒப்புக் கொண்டுள்ளார்.

இதையடுத்து அந்த நபர் மீது திருட்டு வழக்கு பதிவு செய்யப்பட்டுள்ளது. குடிபோதையில் அரசு பேருந்து திருடப்பட்ட சம்பவம் அப்பகுதியில் பரபரப்பை ஏற்படுத்தியுள்ளது.

முதல்வர் ஸ்டாலினுக்கு வெளிமாநிலத்தில் ஒரு ஓட்டுகூட கிடைக்காது: மத்திய அமைச்சர் சாடல்

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…