Sun ,Mar 03, 2024

சென்செக்ஸ் 73,806.15
60.80sensex(0.08%)
நிஃப்டி22,378.40
39.65sensex(0.18%)
USD
81.57
Exclusive

தினம் ஒரு மூலிகை: முடி வளர்ச்சி முதல் புற்றுநோய் வரை மருந்தாகும் கறிவேப்பிலை..!!

Gowthami Subramani August 22, 2022 & 13:00 [IST]
தினம் ஒரு மூலிகை: முடி வளர்ச்சி முதல் புற்றுநோய் வரை மருந்தாகும் கறிவேப்பிலை..!!Representative Image.

Curry Leaves Health Benefits in Tamil: இயற்கையாக சுவையூட்டும் உணவுப் பொருள்களில் கறிவேப்பிலையும் ஒன்றாகக் கருதப்படுகிறது. பொதுவாக, இந்திய உணவிற்கு ஒரு சுவையூட்டலாகக் கருவேப்பிலை பயன்படுத்தப்படுகிறது. சுவை மற்றும் நறுமணத்திற்காக, கருவேப்பிலையை நாம் அன்றாட வாழ்க்கையில் வழக்கமாகப் பயன்படுத்தப்பட்டு வருகிறது. கறிவேப்பிலையில், கார்போஹைட்ரேட், கால்சியம், நார்ச்சத்து, பாஸ்பரஸ், இரும்பு, அமினோ அமிலங்கள், வைட்டமின் ஏ, வைட்டமின் பி, வைட்டமின் ஈ, வைட்டமின் சி போன்ற ஊட்டச்சத்துகள் நிறைந்துள்ளன. மேலும் இவை ஆக்ஸிஜனேற்ற புற்றுநோய் எதிர்ப்பு சக்தி, அழற்சி எதிர்ப்பு சக்தி, ஆண்டிமைக்ரோபியல் பண்புகளைக் கொண்டுள்ளன. அது மட்டுமல்லாமல், கறிவேப்பிலை முடி மற்றும் சருமத்திற்கான புத்துயிர், நோய்த் தொற்றுகளை எதிர்த்துப் போராடுதல் போன்ற பல்வேறு விதமான ஆரோக்கிய நன்மைகளைக் கொண்டுள்ளது. கறிவேப்பிலை இதயத்தின் சிறந்த செயல்பாட்டிற்கு உதவக் கூடியதாக அமைகிறது. எனவே, கறிவேப்பிலையைத் தூக்கி எறிவதற்கு முன், இதன் நன்மைகளைக் கவனிக்க வேண்டும்.

Also Read: தினம் ஒரு மூலிகை - வயிற்றுப்புண் முதல் கல்லீரல் நோய் வரை மருந்தாகும் மணித்தக்காளி...

கறிவேப்பிலையின் ஆரோக்கிய நன்மைகள்:

முடி வளர்ச்சியைத் துரிதப்படுத்துதல்

கறிவேப்பிலை பீட்டா கரோட்டின் மற்றும் புரதங்கள் நிறைய உள்ளன. இதனால், முடி விரைவில் வளர்ச்சியடையும் (curry leaves benefits for hair in tamil) என கூறப்படுகிறது. மேலும், இது முடி உதிர்தலைக் கட்டுப்படுத்துகிறது. பொடுகு உருவாவதைத் தடுக்கவும், சேதமடைந்த முடியை சரிசெய்யவும் உதவுகிறது. இதில், கிடைக்கக்கூடிய பல்வேறு சத்துக்கள் முன்கூட்டியே முடி நரைப்பதைத் தடுக்கிறது. மேலும், இது உச்சந்தலையைச் சுத்தம் செய்வதுடன் இறந்த சரும செல்களை வெளியேற்றுகிறது. கறிவேப்பிலையை உட்கொள்வதன் மூலமாகவோ, கறிவேப்பிலைப் பொடியை எண்ணெயுடன் கலந்து உச்சந்தலையில் நேரடியாகப் பூசுவதன் மூலமாகவோ தலைமுடி பிரச்சனைகளிலிருந்து விடுபடலாம்.

நீரிழவு நோயை எதிர்த்துப் போராடுதல்

கறிவேப்பிலையில் அதிகமாக நார்ச்சத்து காணப்படுகிறது. இதனால், இது வளர்ச்சிதை மாற்றத்தைக் குறைக்கிறது. மேலும், இது உடலின் இன்சுலின் செயல்பாட்டைப் பாதிப்பதன் மூலம் இரத்த சர்க்கரை அளவைக் குறைக்கவும் உதவுகிறது. இலைகளில் உள்ள நார்ச்சத்து, உடலில் இன்சுலின் போதுமான அளவு வெளியிடப்படுவதன் மூலம் இரத்த சர்க்கரை அளவைக் குறைப்பதில் குறிப்பிடத்தக்க பங்காற்றுகிறது. மேலும், இது இன்சுலின் உற்பத்தி செய்யும் கணைய செல்களைத் தூண்டவும் உதவுகிறது. நீரிழவு நோயாளிகள் கண்டிப்பாக உணவில் கறிவேப்பிலை சேர்த்துக் கொள்ள வேண்டும். ஏனெனில், நீரிழவு நோய் உணவு உட்கொள்ளல் மூலம் கட்டுப்படுத்தப்படுகிறது.

புற்றுநோய் எதிர்த்துப் போராடுகிறது

கறிவேப்பிலையில் ஏராளமான ஃபிளாவனால்கள் உள்ளன. இதன் மூலம் லுகேமியா, புரோஸ்டேட் புற்றுநோய் மற்றும் பெருங்குடல் புற்றுநோய் போன்றவற்றிலிருந்து நம் உடலைப் பாதுகாக்கலாம். மேலும், இது புற்றுநோய் செல்களை எதிர்த்துப் போராடும் கார்பசோல் ஆல்கலாய்டுகளையும் உற்பத்தி செய்கிறது. கறிவேப்பிலையை அதிகம் உட்கொள்வதன் மூலம், கீமோதெரபியின் பக்கவிளைவைக் குறைக்கலாம். மேலும், இது எலும்பு மஜ்ஜையை பாதுகாக்கிறது. குரோமோசோம் சேதத்திலிருந்தும் பாதுகாப்பை வழங்குகிறது.

மலச்சிக்கல்லை குணமாக்க

கறிவேப்பிலையில் கார்பசோல் ஆல்கலாய்டு உள்ளது. இது பாக்டீரியா எதிர்ப்பு மற்றும் அழற்சி எதிர்ப்புப் பண்புகளைக் கொண்டுள்ளது. இது செரிமானத்தை மேம்படுத்தவும், செரிமான நொதிகளைத் தூண்டவும் பயன்படுகின்றன. இவை குடல் இயக்கத்தை ஆதரிக்கின்றன மற்றும் மலச்சிக்கல்லைப் போக்கவும் உதவுகிறது. சிறிது கறிவேப்பிலை எடுத்துக் கொண்டு, உப்பு மற்றும் சீரகப்பொடியுடன் மோர் சேர்த்துத் தினமும் இரண்டு அல்லது மூன்று முறை சாப்பிட்டு (benefits of eating curry leaves in tamil) வர விரைவான நிவாரணம் கிடைக்கும்.

மன அழுத்தத்தைப் போக்க

கறிவேப்பிலையில் உள்ள அத்தியாவசிய எண்ணெய்களைப் பயன்படுத்தினால் மன அழுத்தம் குறையும். மேலும், கறிவேப்பிலையில் உள்ள இந்த எண்ணெய்கள் மனச்சோர்வு மற்றும் கவலையை நீக்கும் ஒரு பயனுள்ள நடவடிக்கையாக இருக்கும்.

கொலஸ்ட்ரால் குறைதல்

கறிவேப்பிலையில் ஆன்டிஆக்ஸிடென்டுகள் இருப்பதால், கெட்ட (curry leaves juice benefits in tamil) கொழுப்பை உருவாக்கக்கூடிய கொலஸ்ட்ரலின் ஆக்ஸிஜனேற்றத்தைத் தடுக்கலாம். இது நல்ல கொழுப்பின் அளவை விரிவுபடுத்தப் பயன்படுகிறது. மேலும், இதய நோய் மற்றும் பெருந்தமனி தடிப்புத் தோல் அழற்சி போன்ற நிலைகளில் இருந்து நம் உடலைப் பாதுகாக்கவும் கறிவேப்பிலை உதவுகிறது.

நோய் எதிர்ப்புச் சக்தியை மேம்படுத்துதல்

கறிவேப்பிலை ஆக்ஸிஜனேற்ற, அழற்சி எதிர்ப்பு மற்றும் பாக்டீரிய எதிர்ப்பு போன்ற பல்வேறு பண்புகளைக் கொண்டுள்ளது. இதன் மூலம், எந்த வகையான தொற்று நோயையும் தடுக்கலாம். மேலும், செல்களைச் சேதப்படுத்தும் ஃப்ரீ ரேடிக்கல்களை (Free Radicals) அழிக்க உதவுகிறது.

கால்சியம் மிகுதியாக உள்ளது

பொதுவாக கால்சியம் எலும்பு ஆரோக்கியத்தை மேம்படுத்த உதவும். கறிவேப்பிலை பற்கள் மற்றும் எலும்புகளை வலுப்படுத்த உதவுகிறது. ஆஸ்டியோபோரோசிஸ் மற்றும் ஆஸ்டியோமலாசியா போன்ற நோய்களைத் தடுக்கவும் கறிவேப்பிலை பயனுள்ளதாக இருக்கும்.

நார்ச்சத்து நிறைந்தது

கறிவேப்பிலையில் நார்ச்சத்து நிறைந்து காணப்படுகிறது. மேலும், இது வளர்ச்சிதை மாற்றத்தையும், குடல் இயக்கத்தையும் மேம்படுத்துகிறது. இதனால், வயிற்றுபோக்கு, குமட்டல் போன்றவை குணப்படுத்தவும், உடலில் உள்ள இரத்த குளுக்கோஸ் அளவைக் குறைக்கவும் உதவுகிறது.

பாஸ்பரஸ் நன்மைகள்

கறிவேப்பிலையில் உள்ள  குறிப்பிடத்தக்க கூடுதல் பொருள்களில் ஒன்று பாஸ்பரஸ் ஆகும். மேலும், இது சிறுநீரகங்களை சுத்தப்படுத்த உதவுகிறது. இது இதயத்துடிப்பை இயல்பாக வைத்திருக்க உதவுகிறது. உடற்பயிற்சிக்குப் பின்னர், வலி மிகுந்த தசைப்பிடிப்பைக் குறைக்கிறது மற்றும் பற்கள், எலும்புகள் போன்றவற்றைப் பலப்படுத்துகிறது. செல்லுலார் மட்டத்தில், பாஸ்பரஸ் செல்கள் மற்றும் திசுக்களின் வளர்ச்சி மற்றும் அதனை சரிபார்க்கவும் உதவுகிறது.

இரத்த சோகைக்குச் சிகிச்சையளிக்கிறது

இரும்பு மற்றும் ஃபோலின் அமிலத்தின் சிறந்த ஆதாரமாக கறிவேப்பிலை உள்ளது. ஃபோலிக் அமிலம் இரும்புச் சத்தை உடல் உறிஞ்சி எடுத்துச் செல்ல உதவுகிறது. மேலும், கறிவேப்பிலை இரண்டு சேர்மங்களின் வளமான ஆதாரமாக இருப்பதால், இரத்த சோகையை போக்குவதற்கு இயற்கையான தீர்வாகப் பயன்படுகிறது. மேலும், கறிவேப்பிலை செரிமானம் மற்றும் இரத்த சோகைக்கு உதவுகிறது.

கண் பார்வைக்கு நல்லது

கறிவேப்பிலையில் உள்ள வைட்டமின் ஏ, வைட்டமின் ஈ, மற்றும் பீட்டா கரோட்டின் ஒரு சிறந்த மூலமாகும். கறிவேப்பிலை சாப்பிடுவதன் மூலம், கண்பார்வை நன்றாக இருக்கும் என்பது உண்மையாகும். வைட்டமின் ஏ-யில் உள்ள கரோட்டினாய்டுகள் கார்னியாவைப் பாதுகாக்க உதவுகிறது. மேலும், இது விழித்திரையை ஆரோக்கியமாக வைத்திருக்கவும், பார்வை இழப்பைத் தடுக்கவும் கறிவேப்பிலை உதவுகிறது. கறிவேப்பிலையைத் தினமும் நாம் உணவில் சேர்த்துக் கொள்வதன் மூலம் கண்புரை வராமல் தடுக்க முடியும்.


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்