மணக்கும் மஞ்சளின் மகிமை.. | Turmeric Benefits in Tamil

இந்தியர்கள் அனைவரது வீட்டிலும் தவறாமல் இருக்கும் ஒரு அற்புதமான மருத்துவ மூலிகை மஞ்சள். இது சமைப்பதற்கு மட்டுமின்றி சளி மற்றும் பல உடல்நலப் பிரச்சனைகளுக்கும் சிகிச்சையளிக்க வீட்டு வைத்தியத்தில் பயன்படுகிறது.  மஞ்சளில் குர்க்குமின் (Curcumin) என்ற வேதிப்பொருள் நிறைந்துள்ளது. இந்த மஞ்சளில் வகைகள் ஏராளம். அவை, கஸ்தூரி மஞ்சள், முட்டா மஞ்சள், கரி மஞ்சள், விரலி மஞ்சள், காஞ்சி ரத்தின மஞ்சள், நாக மஞ்சள், குட மஞ்சள், குரங்கு மஞ்சள், பலா மஞ்சள், காட்டு மஞ்சள், ஆலப்புழை மஞ்சள், மர மஞ்சள் போன்றவை.

மேலும் பாக்டீரியா எதிர்ப்பு, வைரஸ் தடுப்பு, ஆன்ட்டிமுட்டஜெனிக் (antimutagenic), ஆன்ட்டிகார்சினோஜெனிக், பூஞ்சை காளான் மற்றும் அழற்சி எதிர்ப்பு பண்புகளுக்கு பெயர் பெற்றது மஞ்சள். பழங்காலத்தில் இருந்தே மஞ்சள் ஒரு மருத்துவ மூலிகையாக பயன்படுத்தப்பட்டு வருகிறது. சிறந்த கிருமிநாசினி என்றால் முதலில் நமக்கு நினைவுக்கு வருவதும் மஞ்சள் தான். மஞ்சள் நமது உடலுக்கு உள்ளேயும் வெளியேயும் ஏராளமான நன்மைகளை வழங்குகிறது.

இருமல் மற்றும் ஜலதோஷம்

மஞ்சளில் உள்ள குர்க்குமின் சளி, தும்மல், அரிப்பு போன்ற காய்ச்சல் அறிகுறிகளை தடுப்பதில் முதன்மை பங்கு (curcumin benefits in tamil) வகிக்கிறது. உடலில் சளி உற்பத்தியை ஏற்படுத்தும் நுண்ணுயிரிகளை அழித்து சளியில் இருந்து விடுதலை அளிக்கிறது. மஞ்சளில் உள்ள ஆன்டி-பாக்டீரியல் மற்றும் ஆன்டி-வைரல் பண்புகள் தொற்று நோய்த்தொற்றை எதிர்த்துப் போராடுகின்றன, அதேசமயம் அதன் அழற்சி எதிர்ப்பு பண்பு இருமல் மற்றும் சளி அறிகுறிகளை நீக்குகிறது. ஒரு டம்ளர் வெதுவெதுப்பான பாலில் ஒரு டீஸ்பூன் மஞ்சள் தூள் கலந்து குடித்தால் சளி அல்லது இருமல் குணமாகும்.

நோயெதிர்ப்பு சக்தி

மஞ்சளில் உள்ள லிபோபோலிசாக்கரைடு, நோயெதிர்ப்பு மண்டலத்தைத் தூண்டும் வைரஸ் எதிர்ப்பு, பாக்டீரியா எதிர்ப்பு மற்றும் பூஞ்சை எதிர்ப்பு பண்புகளைக் கொண்டுள்ளது. தினமும் ஒரு டம்ளர் வெதுவெதுப்பான பாலில் ஒரு டீஸ்பூன் மஞ்சள் கலந்து குடித்து வந்தால், காய்ச்சல் வருவதற்கான வாய்ப்புகள் குறையும்.

மூட்டுவலியில் இருந்து நிவாரணம்

மஞ்சளில் உள்ள ஆன்டிஆக்ஸிடன்ட்கள் உடலில் உள்ள செல்களை சேதப்படுத்தும் ஃப்ரீ ரேடிக்கல்களை அழிக்கிறது. இதன் அழற்சி எதிர்ப்பு பண்பு, கீல்வாதம் மற்றும் முடக்கு வாதம் போன்றவற்றுக்கு சிகிச்சையளிக்க உதவுகிறது. தினமும் மஞ்சள் மசாலாவை சாப்பாட்டில் சேர்த்து கொண்டால், மூட்டுவலி மற்றும் வீக்கம் எல்லாம் பறந்து போகும். ஆனால் இது மருந்துக்கு மாற்றாக இல்லை என்பதை நினைவில் கொள்ளுங்கள்.

நல்ல செரிமானத்திற்கு

ஆயுர்வேத மருத்துவம் மஞ்சளை பயனுள்ள செரிமானத்திற்கு குணப்படுத்தும் முகவராகப் பயன்படுத்துகிறது. மஞ்சளில் உள்ள ஆன்டி-ஆக்ஸிடன்ட் மற்றும் அழற்சி எதிர்ப்பு பண்புகள் ஆரோக்கியமான செரிமானத்திற்கு உதவுகிறது. கூடுதலாக, இது எரிச்சலூட்டும் குடல் நோய்க்குறிக்கு சிகிச்சையளிக்கப் பயன்படுகிறது.

முளை ஆரோக்கியம்

மஞ்சளில் உள்ள குர்க்குமின் அறிவாற்றல் செயல்பாட்டை மேம்படுத்த உதவுகிறது மற்றும் மூளையில் BDNF (brain derived neurotrophic factor) அளவை அதிகரிப்பதன் மூலம் மூளையின் செயல்பாடுகளைப் பாதுகாக்க உதவுகிறது.

சிறந்த கிருமிநாசினி

மஞ்சள் என்பது வெட்டு, தீக்காயம் அல்லது தொற்றுக்கு சிகிச்சையளிப்பதற்காக பலரால் பரிந்துரைக்கப்படும் ஒரு வீட்டு வைத்தியம் ஆகும். மஞ்சள் அதன் இயற்கையான பாக்டீரியா எதிர்ப்பு மற்றும் கிருமி நாசினி பண்பு காரணமாக, ஒரு சிறந்த கிருமிநாசினியாக கருதப்படுகிறது. பாதிக்கப்பட்ட இடத்தில் சிறிதளவு மஞ்சளை தடவினால், காயம் விரைவில் குணமடையும். மாத்திரை சாப்பிடுவதை விட, வயிற்றில் வலி அல்லது நெஞ்செரிச்சல் ஏற்படும் போது இந்த மசாலாவை ஏதாவது ஒரு முறையில் உள்ளுக்கு எடுத்துக் கொள்ள முயற்சிக்கவும்.

பளபளப்பான சருமத்திற்கு

சருமத்தின் வெளிப்புற பாதுகாப்பு அடுக்கு நமது உடலை தீங்கு விளைவிக்கும் நுண்ணுயிரிகளிலிருந்து பாதுகாப்பாக வைக்கிறது. முகப்பரு, தடிப்புத் தோல் அழற்சி மற்றும் அரிக்கும் தோலழற்சி போன்ற சில தோல் நிலைகளுக்கு சிகிச்சை தேவைப்படுகிறது. அந்த வகையில், மஞ்சளை தினமும் உடலில் பூசு குளித்து வந்தால் இந்த தோல் பிரச்சனைகளில் இருந்து விடுபடலாம்.

பொதுவாக, பெண்களின் சருமத்தில் மற்ற இடங்களில் வளரும் முடிகளை நீக்கவும் மஞ்சள் முதல் இடம் வகிக்கிறது. இதனால் தான் அந்த காலத்தில் மக்கள் மஞ்சள் தேய்த்து குளித்து வந்தனர். இன்னமும் இந்த வழக்கம் சில இடங்களில் இருந்து வருகிறது. கண்ட கண்ட கெமில்களை வாங்கி பயன்படுத்துவதற்கு இந்த மாதிரியான இயற்கை மருத்துவ பொருட்களை பயன்படுத்த முயற்சி செய்யுங்கள்.

ஆஸ்துமாவிற்கு சிறந்த மருந்து

மஞ்சள் தூளில் அழற்சி எதிர்ப்பு பண்பு உள்ளது, இது ஒவ்வாமை தொடர்பான அறிகுறிகளை எதிர்த்துப் போராடுகிறது மற்றும் ஆஸ்துமா தாக்குதல்களையும் குறைக்கிறது.

மாதவிடாய் நாட்களில் பெண்கள் தலைக்கு குளிப்பதால் ஏற்படும் பிரச்சனைகள்.. | Side Effects of Washing Hair During Periods in Tamil

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…