எல்லாம் பொய்.. நம்பாதீங்க.. இந்திய மல்யுத்த சம்மேளனம் விளையாட்டு அமைச்சகத்திற்கு கடிதம்!!
Sekar Updated:SHARE
Representative Image.
இந்திய மல்யுத்த சம்மேளனம் அதன் தலைவர் பிரிஜ் பூஷன் சரண் சிங்கிற்கு எதிரான பாலியல் துன்புறுத்தல் உட்பட அனைத்து குற்றச்சாட்டுகளையும் நிராகரித்துள்ளது. தங்கள் அமைப்பில் தன்னிச்சையான செயல்பாடுகள் மற்றும் தவறான நிர்வாகத்திற்கு எந்த வாய்ப்பும் இல்லை என்று அது கூறியுள்ளது.
இந்திய மல்யுத்த சம்மேளனம் வீரர்களின் குற்றச்சாட்டுகள் குறித்து விளையாட்டு அமைச்சகத்திற்கு அளித்த அறிக்கையில், "மல்யுத்த சம்மேளனம் அதன் அரசியலமைப்பின்படி தேர்ந்தெடுக்கப்பட்ட அமைப்பால் நிர்வகிக்கப்படுகிறது. எனவே, தலைவர் உட்பட தனித்தனியாக யாரும் மல்யுத்த சம்மேளனத்தின் தன்னிச்சையாக செயல்பட வாய்ப்பில்லை" என்று தெரிவித்துள்ளது.
"இந்திய மல்யுத்த சம்மேளனம், குறிப்பாக, தற்போதைய தலைவரின் கீழ், மல்யுத்த வீரர்களின் நலன்களை மனதில் கொண்டு எப்போதும் செயல்பட்டு வருகிறது. இந்திய மல்யுத்த சம்மேளனம் தேசிய மற்றும் சர்வதேச அளவில் மல்யுத்த விளையாட்டின் பிம்பத்தை மேம்படுத்தியுள்ளது.
இந்திய மல்யுத்த சம்மேளனம் மற்றும் அதன் தலைமையின் முழுமையான ஆதரவு மற்றும் கண்டிப்பான மேலாண்மை இல்லாமல் இது சாத்தியமில்லை" என்று அது மேலும் கூறியது.
முன்னதாக, குற்றச்சாட்டுகளுக்கு 72 மணி நேரத்திற்குள் பதிலளிக்குமாறு விளையாட்டு அமைச்சகம் உத்தரவிட்டதை அடுத்து இந்திய மல்யுத்த சம்மேளனம் தனது பதிலை அனுப்பியது.
பிரபல மல்யுத்த வீரர்களான வினேஷ் போகட், பஜ்ரங் புனியா, சாக்ஷி மாலிக் மற்றும் ரவி தஹியா உள்ளிட்ட பலரும் குற்றச்சாட்டுகளை முன்வைத்து வீரர்களுடன் போராட்டத்தில் ஈடுபட்டது குறிப்பிடத்தக்கது.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
