இந்த லீக் போட்டிகளோடு கிரிக்கெட்டுக்கு டாட்டா.. பிரபல ஆல் ரவுண்டர் அறிவிப்பு!!

Sekar Updated:January 21, 2023 & 14:39 [IST]

Representative Image.

ஆஸ்திரேலியாவின் ஆல்-ரவுண்டர் டான் கிறிஸ்டியன் தற்போது நடைபெற்று வரும் பிக் பாஷ் லீக் போட்டியின் முடிவில் ஓய்வு பெற முடிவு செய்துள்ளார். அவர் 17 கிளப்புகளுக்காக விளையாடியுள்ளார். இதில் கிட்டத்தட்ட அனைத்து பிக் பாஷ் லீக் அணிகளும் அடங்கும்.

கிறிஸ்டியன் இந்த சீசனில் லீக்கில் அபாரமாக விளையாடி வரும் சிட்னி சிக்சர்ஸின் ஒரு பகுதியாக உள்ளார். இது தொடர்பாக அவர் வெளியிட்டுள்ள ட்விட்டர் பதிவில், "நேற்று பயிற்சியின் போது எனது சிட்னி சிக்சர்ஸ் அணி வீரர்களிடம் பிபிஎல் சீசனின் முடிவில் விளையாடுவதில் இருந்து ஓய்வு பெறுவேன் என்று கூறினேன்," என்று தெரிவித்துள்ளார்.

கிறிஸ்டியன் 2010 இல் சர்வதேச டி20 போட்டிகளிலும், 2012 இல் சர்வதேச ஒருநாள் போட்டிகளிலும் ஆஸ்திரேலியாவுக்காக அறிமுகமானார். கொரோனா காலத்தில் மேற்கொள்ளப்பட்ட சுற்றுப்பயணத்தின் போது அவர் மேற்கிந்தியத் தீவுகளுக்கு எதிரான ஆஸ்திரேலிய அணியில் மீண்டும் இணைந்தார்.

ஆனால் ஆஸ்திரேலிய அணியில் போதுமான வாய்ப்புகள் கிடைக்காத நிலையில், பல லீக் போட்டிகளிலும் விளையாடி முத்திரை பதித்துள்ளார். தற்போது அவருக்கு 39 வயது ஆகும் நிலையில், அனைத்து விதமான கிரிக்கெட்டிலும் இருந்து ஓய்வை அறிவித்துள்ளார்.

ஜோ ரூட், பேர்ஸ்டோவ், ஹாரி ப்ரூக்.. முத்தான 3 விக்கெட்டுகளை வீழ்த்தி லயன் அசத்தல்!

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…