இப்ப ஐபிஎல் ஏலம் நடந்திருந்தால் இந்த வீரருக்கு தான் ஜாக்பாட் அடித்திருக்கும்.. இந்திய அணியின் முன்னாள் வீரர் பளீச்!!

Sekar Updated:January 07, 2023 & 18:47 [IST]

Representative Image.

இலங்கை கேப்டன் தசுன் ஷனகா தற்போது டி20 போட்டிகளில் மிகவும் அபாரமான ஃபார்மில் உள்ளார். அவர் கடைசியாக இந்தியாவுக்கு எதிரான போட்டியில் 22 பந்துகளில் 56 ரன்கள் எடுத்தார் மற்றும் இரண்டாவது போட்டியில் ஆட்ட நாயகனாகத் தேர்வு செய்யப்பட்டார். அவரது பெர்பார்மன்ஸ் தான் இந்தியாவுக்கு எதிராக இரண்டாவது போட்டியின் முடிவில் 1-1 என சமன் செய்ய முடிந்தது.

இதற்கிடையே, கடந்த டிசம்பரில் நடந்த ஐபிஎல் 2023 மினி ஏலத்தில், ஆல்-ரவுண்டர்களுக்கு அதிக தேவை இருந்தது மற்றும் சாம் கர்ரன், கேமரூன் கிரீன் மற்றும் பென் ஸ்டோக்ஸ் போன்றவர்கள் அதிக ஏலத்துடன் எடுக்கப்பட்டனர். ஆனால் ஆச்சரியப்படும் விதமாக தசுன் ஷனகா (அடிப்படை விலை ₹50 லட்சம்) எந்த அணியாலும் எடுக்கப்படவில்லை.

மினி ஏலத்தில் அவர் எடுக்கப்படவில்லை என்றாலும், அவர் தற்போது இந்தியாவிற்கு எதிரான டி20 தொடரில் அதிக ரன்கள் எடுத்தவராக உள்ளார். இரண்டு போட்டிகளில் அவர் 206.12 என்ற அதிகபட்ச ஸ்ட்ரைக் ரேட்டில் 101 ரன்கள் எடுத்துள்ளார். தொடரில் அதிக விக்கெட் வீழ்த்தியவர்களில், அவர் இரண்டு விக்கெட்டுகளுடன் நான்காவது இடத்தில் உள்ளார்.

ஐபிஎல் ஏலம் இன்று நடந்தால், அதில் ஷனகாவின் வாய்ப்புகள் குறித்து முன்னாள் இந்திய கிரிக்கெட் வீரர் கவுதம் கம்பீர் கருத்து தெரிவித்துள்ளார். இது தொடர்பாக ஊடகம் ஒன்றுக்கு அளித்த பேட்டியில், தற்போது நடைபெற்று வரும் இந்தியா-இலங்கை தொடர் ஏலத்தின் போது நடந்திருந்தால், இலங்கை ஆல்ரவுண்டர் தசுன் ஷனகா அதிகபட்ச தொகைக்கு ஏலம் எடுக்கப்பட்டிருப்பார் என்றார்.

விராட் கோலி, கவுதம் கம்பிருக்கு இடையே நடந்த மோதலுக்கு இவர் தான் காரணமா?

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…