திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special
Nandhinipriya Ganeshan Updated:SHARE
![திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special](https://www.searcharoundweb.com/assets/uploads/news-14247.jpg "திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special")
Representative Image.
ஆண்டாள் பாடிய முப்பது பாடல்களே ‘திருப்பாவை’ என்று அழைக்கப்படுகிறது. இந்த பாடல்கள் ஆண்டாள் பாசுரம் என்றும் வழங்கப்படும். இந்த திருப்பாவை பாடல்கள் அனைவராலும் மார்கழி மாதத்தில் தினமும் பாடப்படும் முக்கிய பாடல்களாகும். அதிலும் திருமணம் ஆகாத பெண்கள் மார்கழியில் திருப்பாவை பாடுவது என்பது மிகவும் விசேஷம். அது அவர்களுக்கு நல்ல கணவனை பெற்றுத் தரும். அந்தவகையில், மார்கழி மாதத்தின் 12வது நாள் பாடவேண்டிய திருப்பாவை பாடல்.
திருப்பாவை பாடல் 12:
கனைத்திளங் கற்றெருமை கன்றுக்கு இரங்கி
நினைத்து முலைவழியே நின்றுபால் சோர
நனைத்தில்லம் சேறாக்கும் நற்செல்வன் தங்காய்!
பனித்தலை வீழ நின் வாசல் கடைபற்றி
சினத்தினால் தென் இலங்கைக் கோமானைச் செற்ற
மனத்துக்கு இனியானைப் பாடவும் நீ வாய்திறவாய்
இனித்தான் எழுந்திராய் ஈதென்ன பேருறக்கம்!
அனைத்தில்லத் தாரும் அறிந்தேலோர் எம்பாவாய்.
![திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142471.jpg "திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special")
Representative Image
பொருள்:
எருமைகள் பால் சுரந்து உறங்கும் தோழியின் இல்ல வாசலை சேறாக்கி விட்டதால், அவளது வீட்டுக்குள் நுழைய முடியாத பெண்கள், அவளது வீட்டு வாசலிலுள்ள ஒரு கட்டையைப் பிடித்துக் தொங்கியபடி அவளை எழுப்புகிறார்கள். பசியால் கதறித் திரியும் தங்கள் கன்றுகளை எண்ணிய எருமைகள் தங்கள் மடியில் சுரக்கும் பாலைச் சிந்தியபடியே அங்குமிங்கும் செல்கின்றன. அவை சுரந்த பால் இல்லத்து வாசல்களை சேறாக்குகின்றது.
இந்த அளவுக்கு விடாமல் பால் சுரக்கும் எருமைகளுக்கு சொந்தக்காரனான ஆயனின் தங்கையே! கொட்டுகின்ற பனி எங்கள் தலையில் விழ, உன் வீட்டு தலைவாசலில் நாங்கள் காத்து நிற்கிறோம். சீதையைக் கவர்ந்து சென்ற ராவணனின் மீது கோபம் கொண்டு அவனை அழிக்க ராமாவதாரம் எடுத்த கோமானாகிய அந்த நாராயணனின் பெருமையைப் பாடுகிறோம். நீயோ, இன்னும் பேசாமல் உறங்கிக்கொண்டிருக்கின்றாய். ஆயர்பாடியில் அனைவரும் எழுந்து விட்ட பிறகும், உனக்கு மட்டும் ஏன்பேருறக்கம்?
![திருப்பாவை பாடல் 13: புள்ளின்வாய் கீண்டானை பொல்லா.. [பாடலும் விளக்கமும்] | Margali Special](https://www.searcharoundweb.com/assets/uploads/news-14281.jpg "திருப்பாவை பாடல் 13: புள்ளின்வாய் கீண்டானை பொல்லா.. [பாடலும் விளக்கமும்] | Margali Special")
![திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142472.jpg "திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special")
Representative Image
விளக்கம்:
கீழே பால் வெள்ளத்தால் குளிர்ச்சி, மேலே பனியின் குளிர்ச்சி, இத்தனையையும் தாண்டி இறைவனை அடைய அதிகாலையில் எழுந்து இறைவனின் புகழைப் பாடுகின்றனர். எவ்வளவு சிரமப் பட்டேனும் ஒருவர் விடாமல் எல்லாரும் அவன் திருப்பாதம் சேரவேண்டும் என்பது இப்பாடல் உணர்த்தும் கருத்து.
![திருப்பாவை பாடல் 14: உங்கள் புழக்கடை தோட்டத்து வாவியுள்.. [பாடலும் விளக்கமும்] | Margali Special](https://www.searcharoundweb.com/assets/uploads/news-1431929.jpg "திருப்பாவை பாடல் 14: உங்கள் புழக்கடை தோட்டத்து வாவியுள்.. [பாடலும் விளக்கமும்] | Margali Special")
![திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142473.jpg "திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special")
Representative Image
மார்கழி மாதத்தில் திருப்பாவை பாட வேண்டிய காலம்:
மார்கழி மாதம் அதிகாலை 4.30 மணிக்குள் எழுந்து நீராடி, கோவிலுக்கு சென்றோ அல்லது வீட்டில் இருந்தபடியோ திருப்பாவை பாடலை தினமும் மூன்று முறை பாராயணம் செய்ய வேண்டும். திருப்பாவை பாடல்களை முழுமையாக அல்லாமல், மார்கழி மாதம் முழுவதற்கும் வருமாறு ஒரு நாளைக்கு ஒரு பாடலாக, அந்த ஒரு பாடலை மூன்று முறை பாடவேண்டும்.
இத்துடன் தினமும் வாரணமாயிரம் பகுதியில் இருந்து, ‘வாரணமாயிரம் சூழ வலம் வந்து, மத்தளம் கொட்ட வரிசங்கம் நின்றூத..’ உள்ளிட்ட பிடித்தமான பாடல்களையும் துதிப்பாடல்களாக சேர்த்து பாட வேண்டும்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
