இளநிலை கால்நடை மருத்துவப் படிப்புக்கான விண்ணப்பங்கள் ஆண்டுதோறும் வெளியிடப்பட்டு, மாணவர்கள் விண்ணப்பிப்பதற்கு குறிப்பிடப்பட்ட நேரம் வழங்கப்படும். இந்தப் பதிவில் கால்நடை மருத்துவ படிப்புகளுக்கு விண்ணப்பிப்பதற்கான வழிமுறைகளைப் பற்றி காண்போம்.
அதன் படி, நடப்பு ஆண்டான 2022-23 ஆம் ஆண்டின் இளநிலை மருத்துவப் படிப்புகளுக்கான சேர்க்கை விண்ணப்பங்கள் வெளியிடப்பட்டுள்ளது. அதன் படி, விண்ணப்பதாரர்கள் செப்டம்பர் 12, 2022 ஆம் நாள் முதல் செப்டம்பர் 26 ஆம் நாள் மாலை 5 மணி வரை விண்ணப்பிக்கலாம் என கூறப்பட்டது.
மேலும், கால்நடை மருத்துவம் மற்றும் கால்நடை பராமரிப்பு பட்டப்படிப்பு (BVSc & AH), கோழியின தொழில்நுட்ப பட்டப்படிப்பு (B.Tech – Poultry Technology), உணவு தொழில்நுட்ப பட்டப்படிப்பு (B.Tech – Food Technology), மற்றும் பால்வள தொழில்நுட்ப பட்டப்படிப்பு (BTech – Diary Technology) போன்ற பட்டப்படிப்புகளுக்கு ஆன்லைனில் விண்ணப்பிக்கலாம்.
கால்நடை மருத்துவப் படிப்புக்கு விண்ணப்பிக்க தேவையான ஆவணங்கள்
- ஆதார் அட்டை
- வகுப்புச் சான்றிதழ்
- இருப்பிடச் சான்றிதழ்
- 10, 11 மற்றும் 12 ஆம் வகுப்பு மதிப்பெண் சான்றிதழ்கள்
- 12 ஆம் வகுப்பு ஹால் டிக்கெட்
- முதல் தலைமுறை பட்டதாரி என்றால் அதற்கான சான்றிதழ்
- பாஸ்போர்ட் அளவு போட்டோ
- பள்ளிச் சான்றிதழ்
- தமிழ் வழியில் படித்திருப்பின், அதற்கான EMIS எண்
கால்நடை மருத்துவப் படிப்புகளுக்கு விண்ணப்பிக்கும் முறை
- முதலில் அங்கீகரிக்கப்பட்ட இணையதளத்திற்குச் செல்ல வேண்டும்.
- அதில், Under Graduate Admission என்பதைக் க்ளிக் செய்து, அதன் பின் வரும் பக்கத்தில் Apply என்பதைக் க்ளிக் செய்ய வேண்டும்.
- அதன் பிறகு, தமிழ்நாட்டைச் சேர்ந்த மாணவர்கள் என்று Select செய்யுமாறு இருக்கும். தமிழ்நாட்டைச் சேர்ந்த மாணவர்கள் அதனைக் க்ளிக் செய்து, ஓபன் செய்து கொள்ள வேண்டும்.
- பின், அப்ளை செய்வதற்கு முன்னர் அந்தப் பதவிக்கான Instructions, Notification, மற்றும் Prospectus உள்ளிட்டவற்றைப் படித்துக் கொள்ள வேண்டும்.
- பிறகு, New User என்பதைக் க்ளிக் செய்து, Register என்பதைக் க்ளிக் செய்ய வேண்டும்.
- அதில், உங்களுடைய தொலைபேசி எண் கேட்கப்படும். அவற்றை அந்தப் பக்கத்தில் உள்ளிட்ட பின் OTP கிடைக்கும். பிறகு, OTP-ஐ உள்ளிட்டு, இமெயில் ஐடி கேட்கப்படும். பிறகு அதனையும் உள்ளிட்டு Submit என்பதைக் க்ளிக் செய்தால், Account உருவாகி விடும்.
- அதன் பிறகு, Message என்ற ஆப்ஷன் வரும். இதற்கு Ok எனக் கொடுத்த பின், அப்ளை செய்வதற்கான படிநிலைகள் தொடங்கும்.
- முதலில் மாணவர்கள் படிக்க விரும்பக் கூடிய Course-ஐத் தேர்வு செய்ய வேண்டும்.
- பின், அந்த Course உள்ள கல்லூரிகள் போன்றவற்றையும் தேர்வு செய்ய வேண்டும்.
- அதன் பின், வகுப்புச் சான்றிதழ் (Community Certificate) என்பதைத் தேர்வு செய்து, சான்றிதழைப் பதிவேற்றம் செய்து Save & Next என்பதைக் கொடுக்கவும்.
- இதனைத் தொடர்ந்து, மாணவர்களின் தனிப்பட்ட விவரங்களான, பெயர், பிறந்த இடம், முகவரி, பெற்றோர் விவரங்கள், அலைபேசி எண் உள்ளிட்டவற்றைப் பதிவிட்டு, அதில் கேட்கப்பட்டுள்ள சான்றிதழ்களையும் Upload செய்ய வேண்டும்.
- இத்துடன், மாணவர்கள் தங்களது புகைப்படம் ஒன்றையும் பதிவேற்றம் செய்ய வேண்டும்.
- பிறகு, மாணவர்கள் கல்வி குறித்த விவரங்களை உள்ளிடுவதுடன், அதற்கான சான்றிதழ்களையும் பதிவேற்றம் செய்ய வேண்டும். இவ்வாறு செய்த பிறகு மீண்டும், Save and Next என்பதைக் க்ளிக் செய்ய வேண்டும்.
- அடுத்து, மாணவர்கள் படித்த பள்ளி விவரங்கள், EMIS எண் போன்ற விவரங்கள் மற்றும் மாணவர்கள் எந்த மொழியில் படித்தனர் என்ற விவரங்களையும் உள்ளிட வேண்டும்.
- இவ்வாறு செய்த பிறகு, Save & Next கொடுக்க வேண்டும். பிறகு, அதில் Special Category-ஐ தேர்ந்தெடுக்கச் சொல்லிக் கேட்கும். இதில், சரியான Category இருப்பின் தேர்வு செய்யலாம். இல்லையெனில் எதையும் தேர்வு செய்யத் தேவையில்லை.
- பிறகு, Application-ஐ சேமித்து Preview என்பதைக் க்ளிக் செய்ய வேண்டும். Preview பார்க்கும் போது ஏதேனும் தவறுகள் இருப்பின், அதனை அப்போதே சரி செய்து கொள்ளலாம்.
- பின் அதனைச் சரிபார்த்து விண்ணப்பக் கட்டணத்தைச் செலுத்தலாம். இதில் சரிபார்த்த பிறகு, Proceed to Payment என்பதைக் க்ளிக் செய்தால், இரண்டு ஆப்ஷன்கள் காட்டப்படும். அதில் ஏதேனும் ஒன்றைத் தேர்ந்தெடுத்து, விண்ணப்பத்திற்கான கட்டணங்களைச் செலுத்தலாம்.
- அதன் படி, கால்நடை மருத்துவப் படிப்பிற்கு பொது பிரிவினருக்கு ரூ.700 வசூசிக்கப்படுகிறது. மேலும், SC, ST, SCA உள்ளிட்ட பிரிவினருக்கு ரூ.350 விண்ணப்பக் கட்டணமாகச் செலுத்தப்படுகிறது.
- மற்ற படிப்புகளுக்கு SC, ST, SCA போன்ற பிரிவினருக்கு ரூ.600-உம், மற்ற பிரிவினருக்கு ரூ.1,200 உம் விண்ணப்பக் கட்டணமாக வசூலிக்கப்படுகிறது.
- இதில், ஒருவர் இரண்டு பிரிவுகளின் கீழ் விண்ணப்பிக்கலாம்.
மேற்கண்ட முறைகளின் மூலம், கால்நடை மருத்துவப் படிப்பில் சேர மாணவர்கள் விண்ணப்பிக்கலாம்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…