ஹெச் வினோத் இயக்கத்தில் அஜித்குமார் நடிக்கும் துணிவு படத்திலிருந்து இதுவரை இரண்டு பாடல்கள் வெளியாகியுள்ளன. மூன்றாவது பாடல் கேங்ஸ்டா அடுத்து வெளியாகவிருக்கிறது. அது என்று வெளியிடப்படும் என்பது தெரியவந்துள்ளது.
அஜித்குமார் நடிப்பில் முதல் பாடலான சில்லா சில்லா இரு வாரங்களுக்கு முன் வெளியானது. அது மிகப் பெரிய அளவில் ரசிகர்களால் பேசப்பட்டது. முன்னதாகவே லீக் ஆன நிலையிலும், இந்த பாடலை நன்கு வரவேற்று சாதனை பட்டியலில் இடம்பெறச் செய்தனர் ரசிகர்கள். இதனைத் தொடர்ந்து காசேதான் கடவுளடா பாடலையும் லீக் செய்தனர். அதே நேரம் இந்த பாடல் முதல் பாடல் அளவுக்கு வரவேற்பை பெறவில்லை.
இரண்டு பாடல்கள் வெளியான நிலையில், நேற்று வாரிசு திரைப்படத்தின் மூன்றாவது பாடலான சோல் ஆஃப் வாரிசு பாடல் வெளியாகி மீண்டும் போட்டியை உறுதிப் படுத்த, துணிவு படத்தின் அடுத்த பாடலுக்கான அப்டேட்டை இன்று காலையிலேயே கூறிவிட்டார் ஜிப்ரான்.
ஜிப்ரான் இசையில் இப்போது வெளியாகவுள்ள பாடல் வேற லெவலுக்கு இருக்கப்போகிறது. ஜிப்ரான் இசையில், பாடகர் சபீர் சுல்தான் பாடி அசத்தியிருக்கும் இந்த பாடல் நாளை அதாவது டிசம்பர் 22, வியாழக்கிழமை வெளியாகும் என எதிர்பார்க்கப்படுகிறது.
அதேநேரம், வரும் ஞாயிற்றுக்கிழமை கிறிஸ்துமஸ் தினத்தை முன்னிட்டு பாடலை வெளியிடலாமா எனவும் படக்குழுவினர் ஆலோசனை செய்து வருகிறார்களாம்.
துணிவு டீசர், டிரெய்லர் :
துணிவு படத்திலிருந்து டீசர் ஒன்றை வரும் கிறிஸ்துமஸ் தினத்தில் வெளியிடலாம் என யோசித்திருந்தார்களாம். ஆனால் அஜித்திடம் இதுகுறித்து பேசும்போது அவர் டிரெய்லரை நேரடியாக வெளியிட்டால் என்ன என கேட்க, அப்படியே ஆகட்டும் என இயக்குநரும், தயாரிப்பு தரப்பும் முடிவு செய்திருப்பதாக தகவல். ஒருவேளை டீசர் இல்லாமல் டிரெய்லர் வந்தால் அது புத்தாண்டு தினத்தில் வெளியாக அதிக வாய்ப்பு இருக்கிறது.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…