பாஜக அரசு கொண்டு வந்த மதமாற்ற தடை சட்டத்தை ரத்து - கர்நாடக அமைச்சரவையில் முக்கிய முடிவு!

Surya Updated:June 15, 2023 & 19:40 [IST]

Representative Image.

முந்தைய பாஜக அரசால் கொண்டுவரப்பட்ட மதமாற்றத் தடைச் சட்டத்தை ரத்து செய்ய காங்கிரஸ் தலைமையிலான கர்நாடக அரசு முடிவு செய்துள்ளது. இந்த முன்மொழிவு முதல்வர் சித்தராமையா தலைமையிலான அமைச்சரவையில் நிறைவேற்றப்பட்டு, விரைவில் அவையில் கொண்டு வரப்படும் என்று தகவல்கள் தெரிவிக்கின்றன.

கடந்த 2021-ம் ஆண்டு, டிசம்பர் மாதம், கர்நாடக சட்டமன்றத்தில் மதமாற்ற தடை சட்டம் அறிமுகம் செய்யப்பட்டது. இந்த சட்டம், மத சுதந்திரத்திற்கான உரிமையைப் பாதுகாப்பதையும், தவறான சித்தரிப்பு, தேவையற்ற செல்வாக்கு, வற்புறுத்தல், அல்லது ஏதேனும் மோசடி மூலம் ஒரு மதத்திலிருந்து மற்றொரு மதத்திற்கு சட்டவிரோதமாக மாறுவதைத் தடுப்பதையும் நோக்கமாகக் கொண்டுள்ளது.

கடந்த ஆண்டு செப்டம்பரில், பசவராஜ் பொம்மை தலைமையிலான பாஜக அரசு, காங்கிரஸ் மற்றும் ஜேடி(எஸ்) கட்சிகளின் எதிர்ப்புக்கு மத்தியில் சர்ச்சைக்குரிய மதமாற்ற எதிர்ப்பு மசோதாவை நிறைவேற்றியது. அப்போது ஆளும் பாஜகவுக்கு பெரும்பான்மை இல்லாததால், சட்டப் பேரவையில் இந்த மசோதா நிறைவேற்றப்படாமல் நிலுவையில் இருந்ததால், இந்த மசோதாவை நடைமுறைப்படுத்துவதற்காக மே மாதம் அரசு ஒரு அவசரச் சட்டத்தை வெளியிட்டது.

அதன்படி, எந்தவொரு நபரும்நேரடியாகவோ அல்லது வேறு விதமாகவோ, ஒரு மதத்திலிருந்து மற்றொரு நபரை தவறாக சித்தரித்தல், தேவையற்ற செல்வாக்கு, வற்புறுத்தல், அல்லது இவற்றில் ஏதேனும் மோசடி வழி ஒன்றின் மூலம் மதமாற்றம் செய்யக் கூடாது என கூறப்பட்டிருந்தது. திருமண வாக்குறுதி, அல்லது எந்த நபரும் அத்தகைய மாற்றத்திற்கு உடந்தையாகவோ அல்லது சதி செய்யவோ கூடாது. எந்தவொரு நபரும் தனது முந்தைய மதத்திற்கு மாறினால், அது இந்தச் சட்டத்தின் கீழ் மதமாற்றமாக கருதப்படாது.. என்றும் தெரிவிக்கப்பட்டிருந்தது. மதமாற்றம் குறித்து மேலும் குற்றம் நிரூபிக்கப்பட்டால் மூன்று ஆண்டுகள் சிறைத்தண்டனை விதிக்கப்படுவார், என்றும், இது ஐந்து ஆண்டுகள் வரை நீட்டிக்கப்படலாம், மேலும் ரூ.25,000 அபராதம் விதிக்கப்படும் எனவும் சட்டத்தில் கூறப்பட்டிருந்தது.

ஜூலை.29ல் தமிழகம் வருகிறார் உள்துறை அமைச்சர் அமித்ஷா

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…