Tue ,May 28, 2024

சென்செக்ஸ் 75,170.45
-220.05sensex(-0.29%)
நிஃப்டி22,888.15
-44.30sensex(-0.19%)
USD
81.57
Exclusive

ராகுல் காந்தியின் ஒற்றுமை யாத்திரைக்கு சிக்கல்... மத்திய அரசிடம் இருந்து பறந்த கடிதம்!

KANIMOZHI Updated:
ராகுல் காந்தியின் ஒற்றுமை யாத்திரைக்கு சிக்கல்... மத்திய அரசிடம் இருந்து பறந்த கடிதம்!Representative Image.

கொரோனா விதிமுறைகளை பின்பற்றாவிட்டால் யாத்திரையை தள்ளி வையுங்கள் என மத்திய சுகாதாரத்துறை அமைச்சர் மன்சுக் மாண்டவியா ராகுல் காந்திக்கு அறிவுறுத்தியுள்ளார். 

குமரி முதல் காஷ்மீர் வரை ஒற்றுமை நடைபயணத்தை காங்கிரஸ் முன்னாள் தலைவர் ராகுல் காந்தி கடந்த செப்டம்பர் மாதம் 7ம் தேதி தொடங்கினார். மொத்தம் 150 நாட்களில் 12 மாநிலங்கள் வழியாக 3,500 கி.மீ. தொலைவுக்கு நடைபெறவுள்ள இந்த நடைபயணம் 100 நாட்களை கடந்து நடைபெற்று வருகிறது. 

காங்கிரஸ் முன்னாள் தலைவர் ராகுல் காந்தி, அகில இந்திய அளவில் கட்சியை பலப்படுத்தவும், தொண்டர்களை உற்சாகமடையச் செய்யவும் ‘பாரத் ஜோடோ யாத்ரா’ என்ற இந்திய ஒற்றுமை நடைபயணத்தை மேற்கொண்டு வருகிறார். இதில் அந்தந்த மாநில காங்கிரஸ் தலைவர்கள், அரசியல் பிரமுகர்கள், பிரபலங்கள், சமூக ஆர்வலர்களுடன் ஆயிரக்கணக்கான மக்கள் பங்கேற்றுள்ளனர். 

இந்நிலையில் காங்கிரஸ் எம்.பி. ராகுல் காந்தி மற்றும் ராஜஸ்தான் முதல்வர் அசோக் கெலாட் ஆகியோருக்கு மத்திய சுகாதாரத்துறை அமைச்சர் மான்சுக் மாண்டவியா கடிதம் எழுதியுள்ளார். அதில் ராகுல் காந்தியின் நடைபயணத்தில் கொரோனா விதிமுறைகள் கட்டாயம் பின்பற்றப்பட வேண்டும் என்றும், மாஸ்க், சுத்திகரிப்பான் போன்றவற்றை பயன்படுத்த வேண்டும் என்றும் அறிவுறுத்தியுள்ளார். தடுப்பூசி போட்டுக்கொண்டவர் மட்டுமே நடைபயணத்தில் பங்கேற்க வேண்டும் என்றும் கேட்டுக்கொள்ளப்பட்டுள்ளது. 

கொரோனா நெறிமுறைகளை பின்பற்ற முடியவில்லை என்றால், பொதுசுகாதார நிலையைக் கருத்தில் கொண்டும், இந்தியாவின் பாதுகாப்பை எண்ணியும் இந்தியாவிற்கான ஒற்றுமை பயணத்தை ஒத்திவைக்கும் படி கேட்டுக்கொள்ளப்பட்டுள்ளது.  


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…

தொடர்பான செய்திகள்