ரூ.404 கோடியில் முதலமைச்சரின் காலை உணவுத் திட்டம் விரிவாக்கம் - அரசாணை வெளியீடு..!
Saraswathi Updated:SHARE
Representative Image.
அரசுப் பள்ளிகளில் 1 முதல் 5ம் வகுப்பு வரை பயிலும் மாணவ-மாணவியருக்கு வழங்கப்பட்டுவரும் முதலமைச்சரின் காலை உணவுத்திட்டத்தை விரிவுபடுத்த ரூ.404 கோடி ரூபாய் நிதி ஒதுக்கி தமிழக அரசு அரசாணை வெளியிட்டுள்ளது.
தமிழகத்தில் செயல்பட்டுவரும் அரசுப் பள்ளிகளில் 1ம் வகுப்பு முதல் 5ம் வகுப்பு பயிலும் மாணவ-மாணவியருக்கு காலை உணவு வழங்கும் திட்டத்தை கடந்த ஆண்டு செப்டம்பர் மாதம் 15ம் தேதி முதலமைச்சர் மு.க.ஸ்டாலின் தொடங்கிவைத்தார். முதல் கட்டமாக உள்ளாட்சி அமைப்புகளின் கீழ் செயல்பட்டுவரும் 1,545 பள்ளிகளில் முதலமைச்சரின் காலை உணவுத் திட்டம் செயல்பட்டது. இதன் மூலம் நாள்தோறும் 1 லட்சத்து 14ஆயிரம் மாணவ-மாணவியர் பயனடைந்துவருகின்றனர்.
இந்நிலையில், இந்த காலை உணவுத் திட்டத்தை ரூ.404 கோடி ரூபாய் மதிப்பீட்டில் விரிவுபடுத்துவதற்கான அரசாரணை தமிழக அரசு வெளியிட்டுள்ளது. அதன்படி, தமிழகத்தில் உள்ள மாநகராட்சி, நகராட்சி, பேரூராட்சி மற்றும் ஊரகப் பகுதிகளில் செயல்பட்டுவரும் 31ஆயிரத்து 8 அரசுப் பள்ளிகளுக்கு இத்திட்டம் கூடுதலாக செயல்படுத்தப்படவுள்ளது. இதன் மூலம், 15 லட்சத்து 75ஆயிரம் மாணவ-மாணவியர் பயனடைவார்கள் என்று தெரிவிக்கப்பட்டுள்ளது.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
