சாக்லேட் என்றால் யாருக்குத் தான் பிடிக்காது. அதுவும் சாக்லேட் கேக் என்றால் சொல்லவா வேண்டும். பேக்கரிக்கு போய் கேக் வாங்குவதற்கு பதிலாக வீட்டிலேயே எளிய முறையில் சாக்லேட் கேக் செய்வது எப்படி என்று பார்க்கலாம்
மைதா - 2 கப்
சர்க்கரை - 2 கப்
முட்டைகள் - 8
வெண்ணிலா பவுடர் - 2 ஸ்பூன்
பேக்கிங் சோடா - 2 ஸ்பூன்
வெண்ணெய் - 450 கிராம்
சாக்லேட் துண்டுகள் - 400 கிராம்
கேக் செய்வதற்கு முன் ஒரு பாத்திரத்தில் 2 கப் சர்க்கரையையும் , தேவையான அளவு வெண்ணெயையும் எடுத்து கொண்டு கிரீமாக மாறும் வரை நன்றாக கலக்க வேண்டும் .
பிறகு கொதிக்கின்ற நீரில் 400 கிராம் சாக்லேட் துண்டுகளை போட்டு கூழ் போல் ஆக்கி கொள்ள வேண்டும்.
ஒரு பாத்திரத்தில் உடைத்த முட்டையை ஊற்றி, கொஞ்சம் உப்பு சேர்த்து நுரை வரும் வரை நன்றாக கலக்கி, பின் தயார் செய்த கிரீமை சேர்த்து கொள்ள வேண்டும்.
மேலும் வெண்ணிலா பவுடர் - 2 ஸ்பூன், பேக்கிங் சோடா - 2 ஸ்பூன் சேர்த்து, முன்னால் செய்து வைத்த சாக்லேட் கூழ் மற்றும் கிரீம் உடன் மைதாவை கட்டியாக ஆகாமல் இருக்கும் வகையில் கொஞ்சம் கொஞ்சமாக சேர்த்து கலக்க வேண்டும்.
பின் அடுப்பில் தோசைக்கல்லை வைத்து மிதமான முறையில் சூடேற்ற வேண்டும். இப்பொழுது நான்ஸ்டிக் கடாயில் வெண்ணெயை ஊற்றி தயார் செய்து வைத்த கேக் கலவையை கொட்ட வேண்டும். இந்த நான்ஸ்டிக் கடாயை, தோசை கல் மீது வைத்து மூடி வைக்க வேண்டும். பின்பு சுமார் 30 - 40 நிமிடம் வரை வேக வைக்க வேண்டும். இப்போது சுவையான சாக்லேட் கேக் ரெடி.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…