திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special
Nandhinipriya Ganeshan Updated:SHARE
![திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special](https://www.searcharoundweb.com/assets/uploads/news-14217.jpg "திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special")
Representative Image.
ஆண்டாள் பாடிய முப்பது பாடல்களே ‘திருப்பாவை’ என்று அழைக்கப்படுகிறது. இந்த பாடல்கள் ஆண்டாள் பாசுரம் என்றும் வழங்கப்படும். இந்த திருப்பாவை பாடல்கள் அனைவராலும் மார்கழி மாதத்தில் தினமும் பாடப்படும் முக்கிய பாடல்களாகும். அதிலும் திருமணம் ஆகாத பெண்கள் மார்கழியில் திருப்பாவை பாடுவது என்பது மிகவும் விசேஷம். அது அவர்களுக்கு நல்ல கணவனை பெற்றுத் தரும். அந்தவகையில், மார்கழி மாதத்தின் பதினொறாவது நாள் பாடவேண்டிய திருப்பாவை பாடல்.
திருப்பாவை பாடல் 11:
கற்றுக் கறவைக் கணங்கள் பலகறந்து
செற்றார் திறலழியச் சென்று செருகச் செய்யும்
குற்றமொன்றில்லாத கோவலர் தம் பொற்கொடியே
புற்றரவு அல்குல் புனமயிலே போதராய்
சுற்றத்துத் தோழிமார் எல்லாரும் வந்துநின்
முற்றம் புகுந்து முகில்வண்ணன் பேர்பாட
சிற்றாதே பேசாதே செல்வப்பெண்டாட்டி! நீ
எற்றுக்கு உறங்கும் பொருளேலோர் எம்பாவாய்.
![திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142171.jpg "திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special")
Representative Image
பொருள்:
கோபாலர்கள், கன்றுகளையுடைய கறவைப் பசுக்களை வைத்துப் பராமரித்து பால் கறப்பர்; பகைவர்களின் வலிமை அழியும்படி போர் புரிவர்; அவர்கள் குற்றமற்றவர்கள். அவர்களது பொற் கொடி போன்ற பாவையே! புற்றில் இருக்கும் பாம்பு போன்ற மெல்லிய வயிற்றை உடையவளே! காட்டில் திரியும் மயில் போன்ற பெண்ணே! எழுந்து வாடி கண்ணே! நம் உறவினராகிய பெண்கள் எல்லாரும் வந்து உன் வீட்டு வாசலிலே கூடி நின்று முகில் வண்ணன் கண்ணனின் திருநாமத்தைப் பாடுகின்றோம், செல்வப் பெண்ணே! கொஞ்சம் கூட அசையாமல், வாய் பேசாமல் எதற்காக இப்படி உறங்குகின்றாய், இந்த தூக்கத்திற்கு பொருள் தான் என்ன? அர்த்தமற்ற இந்த உறக்கத்தினால் உனக்கு என்ன பலன் கிடைக்கப் போகிறது?
![திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142172.jpg "திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special")
Representative Image
விளக்கம்:
நேரம் ஓடிக்கொண்டே இருக்கிறது. தோழியோ எழுந்து வந்தபாடில்லை! நாமாக இருந்தால் என்ன செய்திருப்போம்? அவளை விட்டுவிட்டு, நீராடச் சென்றிருப்போம். ஆனால், பக்திநெறிக்கு இது அழகல்ல. பிறரை விட்டுவிட்டு, தான் மட்டும் இறைவனை அடைய முயன்றால் அது நடக்காத ஒன்று. எல்லோருமாய் இறைவனை நாட வேண்டும், அவன் புகழ் பேச வேண்டும். அப்போது தான் அவனருள் நமக்கு கிடைக்கும். இதனால் தான் கூட்டுப் பிரார்த்தனைக்கு மகத்துவம் அதிகமாக இருக்கிறது.
![திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special](https://www.searcharoundweb.com/assets/uploads/news-14247.jpg "திருப்பாவை பாடல் 12: கனைத்திளங் கற்றெருமை.. [பாடலும் விளக்கமும்] | Margali Special")
![திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special](https://www.searcharoundweb.com/assets/uploads/news-sub-142173.jpg "திருப்பாவை பாடல் 11: கற்றுக் கறவைக் கணங்கள்.. [பாடலும் விளக்கமும்] | Margali Special")
Representative Image
மார்கழி மாதத்தில் திருப்பாவை பாட வேண்டிய காலம்:
மார்கழி மாதம் அதிகாலை 4.30 மணிக்குள் எழுந்து நீராடி, கோவிலுக்கு சென்றோ அல்லது வீட்டில் இருந்தபடியோ திருப்பாவை பாடலை தினமும் மூன்று முறை பாராயணம் செய்ய வேண்டும். திருப்பாவை பாடல்களை முழுமையாக அல்லாமல், மார்கழி மாதம் முழுவதற்கும் வருமாறு ஒரு நாளைக்கு ஒரு பாடலாக, அந்த ஒரு பாடலை மூன்று முறை பாடவேண்டும்.
இத்துடன் தினமும் வாரணமாயிரம் பகுதியில் இருந்து, ‘வாரணமாயிரம் சூழ வலம் வந்து, மத்தளம் கொட்ட வரிசங்கம் நின்றூத..’ உள்ளிட்ட பிடித்தமான பாடல்களையும் துதிப்பாடல்களாக சேர்த்து பாட வேண்டும்.
![திருப்பாவை பாடல் 13: புள்ளின்வாய் கீண்டானை பொல்லா.. [பாடலும் விளக்கமும்] | Margali Special](https://www.searcharoundweb.com/assets/uploads/news-14281.jpg "திருப்பாவை பாடல் 13: புள்ளின்வாய் கீண்டானை பொல்லா.. [பாடலும் விளக்கமும்] | Margali Special")
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
