Xiaomi Pad 6 | இந்த விலைல இப்படி ஒரு டேப்லெட் வந்ததில்ல!
Abhinesh A.R Updated:SHARE
Representative Image.
Xiaomi Pad 6 Specs: சியோமி இந்தியா நிறுவனம் புதிய கேட்ஜெட்டுகளை குறைந்த விலையில் அறிமுகம் செய்துவருகிறது. டெக் சந்தையில் தனக்கென ஒரு இடம் வைத்திருக்கும் இந்நிறுவனம், தனது புதிய டேப்லெட் கணினி மூலம் புதிய வரலாறை படைத்துள்ளது. சியோமி பேட் 6 பெயரில் அறிமுகம் செய்யப்பட்டுள்ள டேப்லெட், பல சிறப்பம்சங்களைக் கொண்டு குறைந்த விலையில் அறிமுகம் செய்யப்பட்டுள்ளது.
முந்தைய பேட் 5 மாடல் டேப்லெட் சீனாவில் மட்டும் அறிமுகம் செய்யப்பட்டது. அதன் வெற்றியைத் தொடர்ந்து தற்போது இந்தியாவில் புதிய பேட் 6 கொண்டுவரப்பட்டுள்ளது. இதனுடன் நிறுவனம் ரெட்மி பட்ஸ் 4 ஆக்டிவ் இயர்பட்ஸ் ஹெட்போனையும் பயனர் பார்வைக்கு வைத்தது.
Representative Image
சியோமி பேட் 6 அம்சங்கள்
திரை: Xiaomi Pad 6 ஆனது 2880 x 1800 பிக்சல்கள், 16:10 திரை விகிதம், 30/48/50/60/90/120/144hz மாறக்கூடிய ரெப்ரெஷ் ரேட், 240Hz தொடுதிறன் வீதம் உடன் 11” இன்ச் 2.8K டிஸ்ப்ளேவைக் கொண்டுள்ளது. எச்டிஆர்10, டால்பி விஷன், கார்னிங் கொரில்லா கிளாஸ் பாதுகாப்பு போன்றவையும் இதில் அடங்கும்
சிப்செட்: அட்ரினோ 650 GPU உடன் 7 நானோ மீட்டரில் கட்டமைக்கப்பட்ட குவால்காம் ஸ்னாப்டிராகன் 870 புராசஸர் இதில் பயன்படுத்தப்பட்டுள்ளது.
ரேம் / சேமிப்பு: இதில் 8ஜிபி LPDDR5 ரேம், 256ஜிபி UFS 3.1 சேமிப்பகத்தைக் கொண்டுள்ளது.
இயங்குதளம்: Xiaomi Pad 6 ஆனது Android 13 OS இல் நிறுவப்பட்ட MIUI 14 கொண்டு இயங்குகிறது.
கேமராக்கள்: இதில் f/2.2 PDAF உடன் கூடிய 13எம்பி பின்புற கேமராவைக் கொண்டுள்ளது. செல்ஃபிகள், வீடியோ அழைப்புகளுக்காக 8எம்பி லென்ஸ் கொடுக்கப்பட்டுள்ளது.
பேட்டரி: இரண்டு நாள்கள் தாங்கும் பேட்டரியை சியோமி பேட் 6 கொண்டுள்ளதாக நிறுவனம் கூறுகிறது. அதன்படி 33W ஃபாஸ்ட் சார்ஜிங் ஆதரவுடன் 8840mAh பேட்டரி கொடுக்கப்பட்டுள்ளது.
இணைப்பு: Wi-Fi 6, புளூடூத் 5.2, USB டைப்-சி 3.2 போன்ற இணைப்பு ஆதரவுகளும் உள்ளன.
Representative Image
சியோமி பேட் 6 விலை மற்றும் இணைப்புக் கருவிகள்
- இந்தியாவில் Xiaomi Pad 6 விலை 6GB + 128GB மாடலுக்கு ரூ.26,999 ஆகவும், 8GB + 256GB மாடலுக்கு ரூ.28,999 ஆகவும் விலை நிர்ணயம் செய்யப்பட்டுள்ளது. Mi.com, Amazon, Xiaomi ரீடெய்ல் ஸ்டோர்களில் இதை வாங்கலாம்.
- இந்த டேப்லெட்டின் விற்பனை ஜூன் 21ஆம் தேதி தொடங்கும்.
- ஐசிஐசிஐ வங்கி கார்டுகள் மூலம் வாங்கினால் ரூ.3,000 நேரடி தள்ளுபடி கிடைக்கிறது.
- இரண்டாம் தலைமுறை Xiaomi Smart Pen விலை ரூ. 5,999 ஆக உள்ளது. ஜூன் 21 முதல் இது விற்பனைக்கு வருகிறது.
- Xiaomi Pad 6 Smart Cover விலை ரூ.1,499 ஆகும். ஒரு பாதுகாப்பு கேஸாகவும், காந்த தன்மையுடன் கூடிய இணைப்பு கருவிகளை பயன்படுத்தும் வகையிலும் இது வடிவமைக்கப்பட்டுள்ளது.
- Xiaomi Pad 6 Keyboard விலை ரூ. 4,999 ஆகும். இதன் விற்பனை ஜூன் 21 முதல் தொடங்குகிறது.
- Redmi Buds 4 Active இயர்பட்களின் விலை ரூ.1,199 ஆக நிர்ணயிக்கப்பட்டுள்ளது. ஜூன் 20 முதல் இதனை பயனர்கள் வாங்கலாம்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
