No Cost EMI-ல் பொருள்கள் வாங்குபவர்களா… அப்ப நீங்க கட்டாயம் இத தெரிஞ்சிக்கணும்…!

இவ்வாறு தவணை முறையில் தொகை செலுத்துவதே, Equated Monthly Installment (EMI) என கூறப்படுகிறது. தற்போது ஈஎம்ஐயில் பொருள்கள் வாங்கினால், அதில் சிறப்பு சலுகையாக நோ காஸ்ட் ஈஎம்ஐ வழங்கப்படுகிறது. அதாவது வட்டி எதுவும் இல்லாமல், பொருளின் அசல் விலையைத் தவணைத் தொகை வழங்கி பெறுவதாகும். ஆனால், இதுவரை நாம் யாராவது சிந்தித்திருப்போமா..? உண்மையிலேயே நோ காஸ்ட் ஈஎம்ஐ வட்டி எதுவும் கிடையாதா.? அல்லது வேறு ஏதேனும் மறைமுக கட்டணங்கள் உங்களுக்குத் தெரியாமல் வசூலிக்கப்படுகிறதா..? இந்த கேள்வி குறித்த விவரங்களைப் பற்றி இதில் காண்போம்.

நுகர்வோர்கள் தங்களது விருப்பமான பொருள்களை நோ காஸ்ட் EMI மூலம் பெறுகின்றனர். ஆனால், இதற்கான கட்டணங்கள் எவ்வாறு உங்களிடம் இருந்து வசூலிக்கப்படுகிறது என்பது பற்றி காண்போம்.

உதாரணமாக, மொபைல் ஒன்றை வாங்க விரும்புகிறீர்கள். நீங்கள் தேர்வு செய்த அந்த மொபைலுக்கு நோ காஸ்ட் EMI உடன் பல்வேறு தள்ளுபடி வழங்கப்படுகிறது. அதன் படி, அந்த மொபைலின் அசல் விலை ரூ.20,000. ஆன்லைன் பேமென்ட் மூலம் நீங்கள் செலுத்தி வாங்கினால் 10% தள்ளுபடி வழங்கப்படுகிறது. இதன் மூலம் ரூ.18,000 செலுத்தி மொபைலைப் பெறலாம்.

இதுவே, நீங்கள் அந்த மொபைலை No Cost EMI மூலம் பெறுகிறீர்கள் எனில், அந்த மொபைலுக்கான 10% ரத்தாகி விடும். நீங்கள் வாங்கவிரும்பும் மொபைலை அசல் விலையான ரூ.20,000-க்கு நீங்கள் பெற முடியும். அதன் படி, No Cost EMI மூலம் பொருள்கள் வாங்கும் நபர்களுக்கு தள்ளுபடி வசதி கிடையாது.

இதற்கு மற்றொரு உதாரணம் ஒன்றைக் காண்போம். நோ காஸ்ட் ஈஎம்ஐக்கு வட்டி விகிதம் கொடுக்கப்பட்டிருக்கும். அதாவது, நீங்கள் வாங்கும் பொருளின் விலை ரூ.5,000 என எடுத்துக் கொள்க. ஆனால், இந்த பொருளுக்கு நீங்கள் No Cost EMI ஆப்ஷனைத் தேர்வு செய்தால், 12 மாதங்களுக்கு 20% வட்டியில் மாதம் ரூ.1000 செலுத்த வேண்டும் என குறிப்பிடப்பட்டிருக்கும். இதனை நீங்கள் தேர்வு செய்தால், 12 மாதங்களுக்கு ரூ.500 வீதம் மொத்தமாக ரூ.6,000 செலுத்துவீர்கள்.

அதே போல, மற்றொரு ஆப்ஷனும் இருக்கும். இதில், பொருளின் தொகை அப்படியே 12 மாதங்களுக்கு பிரிக்கப்பட்டு நீங்கள் கூடுதல் தொகை செலுத்த வேண்டியிருக்கும். ஆனால், நோ காஸ்ட் விருப்பத்தில் பொருள்களை வாங்க நினைக்கும் நபர்கள், வட்டி தனியாக செலுத்தாமல், அதன் கூடுதல் தொகையை Processing Fee என்று வசூலிக்கப்படும்.

நோ காஸ்ட் இஎம்ஐ-ஐ எப்போது தேர்வு செய்யலாம் தெரியுமா..? உங்களுக்கு மிகவும் விலை உயர்ந்த பொருள்களை வாங்க வேண்டும். அதே சமயம் உங்களிடம் போதுமான பணம் இல்லை எனும் போது, அல்லது முன்பணமாக செலுத்தக் கூடிய தொகை இல்லை எனும் போது, இந்த நோ காஸ்ட் ஈஎம்ஐ முறையைப் பயன்படுத்தி வாங்கலாம்.

மேலும், புதிதாக கடன் வாங்காமல் உங்களுடைய கிரெடிட், டெபிட் கார்டுகளைப் பயன்படுத்தி நோ காஸ்ட் ஈஎம்ஐ வசதிகளைப் பெறலாம். அதன் படி, நோ காஸ்ட் ஈஎம்ஐ மூலம் பொருள்கள் வாங்குபவர்கள், வங்கிக் கடனுக்கு செலுத்துவது போல மாதந்தோறும் தவணையைத் தவறாமல் செலுத்த வேண்டும்.