இரண்டரை ஆண்டுகளுக்குப் பிறகு விஜய் செய்யப்போகும் தரமான சம்பவம்; வெறித்தனமாக காத்திருக்கும் தளபதி ஃபேன்ஸ்!
KANIMOZHI Updated:SHARE
Representative Image.
வாரிசு படத்தின் இசை வெளியீட்டு விழா 24-ல் நடைபெறுவதை படக்குழு உறுதி செய்துள்ளது தளபதி ரசிகர்களை கொண்டாட்டத்தில் ஆழ்த்தியுள்ளது. கூடுதலாக இந்த விழாவில் கமல், லோகேஷ் கனகராஜ் கலந்து கொள்ள உள்ளதாக தகவல் வெளியாகியுள்ளது.
Representative Image
வாரிசு ஆடியோ ரிலீஸ்:
தளபதி விஜய்யின் வாரிசு திரைப்படம் பொங்கலுக்கு வெளியாகும் என படக்குழு ஏற்கனவே அறிவித்துள்ளது. வம்சி இயக்கத்தில் உருவாகி இருக்கும் வாரிசு படத்துக்கு தமன் இசை அமைத்துள்ளார். இந்நிலையில் படத்தின் இசை வெளியீட்டு விழா வரும் 24 ஆம் தேதி நடைபெறும் என படக்குழு தற்போது அறிவிப்பை வெளியிட்டது.
Representative Image
மேலும் இசை வெளியீட்டு விழாவை சென்னையில் உள்ள நேரு உள்விளையாட்டு அரங்கத்தில் நடத்த முடிவு செய்துள்ளது. ஏற்கனவே இந்த படத்தில் இருந்து 3 பாடல்கள் வெளியாகி நல்ல வரவேற்பை பெற்று வருகின்றன.
பொதுவாகவே படம் குறித்த விழா மேடையில் நடிகர் விஜய் பேசுவது வழக்கம். அவ்வாறு மேடையில் விஜய் பேசுவது, குட்டிக் கதை சொல்வது என அனைத்துமே ரசிகர்களிடையே உற்சாகத்தையும் உத்வேகத்தையும் அளிக்கும். மேலும் அவர் பேசியதை ரசிகர்கள் டிரெண்ட் செய்தும் வந்துள்ளனர்.
Representative Image
மாஸ்டர் ஆடியோ லான்ச்:
2020-ம் ஆண்டு மார்ச் மாதம் நடைபெற்ற மாஸ்டர் படத்தின் இசை வெளியீட்டு விழாவில் விஜய் பேசியதே கடைசியாக உள்ளது. பீஸ்ட் திரைப்படத்தின் இசை வெளியீட்டு விழா நடைபெறாததால் ரசிகர்கள் ஏமாற்றமே அடைந்தனர். கிட்டத்தட்ட இரண்டரை ஆண்டுகள் கழித்து விஜயின் மேடைப் பேச்சுக்காக ரசிகர்கள் ஆவலுடன் காத்துக் கொண்டு இருக்கின்றனர்.
இந்நிலையில் படத்தின் இசை வெளியீட்டு குறித்த அறிவிப்பால் ரசிகர்கள் மேலும் உற்சாகமடைந்துள்ளனர். அதுமட்டுமில்லாமல், இசை வெளியீட்டு விழாவில் பங்கேற்க, தெலுங்கு நடிகர் மகேஷ் பாபுவுக்கு அழைப்பு விடுத்துள்ளதாக கூறப்படுகிறது. மேலும் நடிகர் கமல்ஹாசன், இயக்குநர் லோகேஷ் கனகராஜ் பங்கேற்க உள்ளதாக தகவல் வெளியாகி உள்ளது.
Representative Image
மரண வெயிட்டிங்கில் விஜய் ஃபேன்ஸ்:
குறிப்பாக இந்த படத்தில் இசையமைப்பாளர் அனிரூத் பாடி உள்ள பாடலை, இசை வெளியீட்டு விழாவில் நேரலையில் பாடி மேலும் உற்சாகப்படுத்த உள்ளார். ஏற்கனவே 2 முறை விஜய் மக்கள் இயக்க நிர்வாகிகளை சந்தித்து விஜய் பேசி உள்ளார். இந்நிலையில் இன்று சென்னை பனையூரில் உள்ள அலுவலகத்தில், விஜய் மக்கள் இயக்க மாவட்ட நிர்வாகிகளை புஸ்ஸி ஆனந்த் சந்தித்து பேசினார். அப்போது வாரிசு இசை வெளியீட்டு விழாவுக்கான அனுமதிச் சீட்டு மாவட்ட நிர்வாகிகளுக்கு வழங்கப்பட்டது. வாரிசு படம் பொங்கலுக்கு வெளியாவதை முன்னிட்டு, விஜய் மற்றும் படக்குழு உள்பட அவரது ரசிகர்களும் வெளியீட்டுக்கான பணிகளில் மும்முரமாக ஈடுபட்டு வருகின்றனர்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…
SHARE
தொடர்பான செய்திகள்
லேட்டஸ்ட் நியூஸ்
subscribe to our best newsletters
Download Mobile App
