மகளிர் தினத்தை உங்க ஆஃபிஸில் இப்படி செலிபிரேட் பண்ணுங்க.. | Womens Day Celebration Ideas in Office

பெண் இல்லையென்றால், எந்த ஒரு ஆக்கமும் இல்லை என்றே கூறும் அளவிற்கு பெண்களுக்கான முக்கியத்துவம் உள்ளது. ஏராளமான சிறப்புகளையும், பெருமைகளையும் கொண்டு விளங்கும் பெண்களைப் போற்றிட இந்த 2023 ஆம் ஆண்டின் மகளிர் தினத்தைக் கொண்டாட பல வழிகள் உள்ளன. அலுவலகத்தில் பெண்களைப் போற்றி மகளிர் தினத்தைக் கொண்டாடும் முறைகளைப் பற்றிக் காணலாம்.
 

சாதனையாளர்களை அழைத்தல்

எந்த ஒரு அலுவலகமாக இருந்தாலும், அந்த அலுவலகத்தில் இருந்து தனது பணியை சிறப்பாகச் செய்து, பணியிலிருந்து நிறைவு பெற்ற பெண்களை அழைத்துப் பேச வைக்கலாம். இது அந்த அலுவலகத்தின் சிறப்பையும் எடுத்துக் கூறும் வகையில் அமையும். இதன் மூலம், அலுவலகத்தில் உள்ள மற்ற நபர்களுக்கும் அலுவலகத்தில் பெண்களுக்கான ஆதரவை பற்றித் தெரியும் வகையில் அமையும்.

விருது வழங்குதல்

வீட்டு வேலைகள் மட்டுமல்லாமல், அலுவலக வேலைகளிலும் பெண்கள் கெட்டிக்காரர்களாகத் தான் இருப்பார்கள். அவர்கள், தங்களுக்குள் உள்ள தனித்திறமையை வெளிப்படுத்தும் விதமாக, அனைத்து வேலைகளையும் செய்வார்கள். 

வீடியோக்கள் பகிர்தல்

அலுவலகத்தில் உள்ள அனைவரையும் உற்சாகப்படுத்தும் வகையில் இந்த வீடியோக்கள் பகிர்தல் நிகழ்வை நடத்தலாம். இது கிட்டத்தட்ட படத்தில் வரும் நிகழ்வைப் போன்றே அமையும். அதாவது, அலுவலகத்தில் உள்ளவர்களின் நெருங்கியவர்கள் மகளிர் தின வாழ்த்துக்களை தெரிவிக்குமாறு, அவர்களுக்கே தெரியாமல் வீடியோக்கள் எடுத்து நிகழ்ச்சி அன்று சர்ப்ரைஸ் செய்யலாம். 

மற்றொரு முறையாக, முழு குழுவும் பங்கேற்று, ஒற்றுமையுடன் பணியிடத்தில் இருப்பது போன்று மகளிர் தின வாழ்த்துக்களைக் கூறியவாறு அதனை வீடியோகவாக எடுத்து வாழ்த்துக்களைப் பகிரலாம்.

தற்காப்புப் பயிற்சி

பெண்களுக்கான உரிமைகள் எத்தனை கொடுக்கப்பட்டாலும், அவர்களின் பாதுகாப்பிற்கான கேள்விக்கு இன்றளவும் பதில் தெரியாதவாறே உள்ளது. எனவே, இந்த மகளிர் தினத்தில் பெண்களின் பாதுகாப்பு குறித்த விழிப்புணர்வில், அவர்களுக்குத் தற்காப்புக் கலைகள் குறித்து பயிற்சி வழங்கலாம். ஆபத்தில் இருந்து எப்படி ஒரு பெண் தன்னைக் காப்பாற்றிக் கொள்ளலாம் என்பதற்கு விளக்கக் காட்சியை வழங்க பயிற்றுவிப்பாளரையோ அல்லது காவல் துறை அதிகாரியையோ அழைக்கலாம்.

மகளிர் தின டி-ஷர்ட்

மகளிர் தினத்தைப் போற்றும் வகையில், பிரத்யேக டி-ஷர்ட்களை உருவாக்கி, நிகழ்வு கொண்டாடும் போது, அதனை அலுவல உரிமையாளர்கள் அணிந்து கொள்ளலாம். இது அவர்களுக்குரிய தோழமையை வளர்ப்பதாக அமையும். அந்த டி-ஷர்ட்களில் பெண்களை மையப்படுத்தி வாசகங்கள் அல்லது லோகோக்கள் வைத்துக் கொடுக்கலாம்.

இது போன்ற எண்ணற்ற முறைகளில் அலுவலகத்தில் மகளிர் தினத்தை சிறப்பாகக் கொண்டாடலாம்.