மாதம் ரூ.5,100 முதலீட்டில் ரூ.19 லட்சம் வருமானம் ஈட்டலாம்… எப்படி தெரியுமா..?

கொரோனா தொற்று, ரஷ்யா-உக்ரைன் நாடுகளுக்கிடையேயான தாக்குதல் போன்றவற்றால், பணவீக்கம் அதிகமாகி பொருளாதாரம் மிகப்பெரிய வீழ்ச்சியை அடைந்துள்ளது. இதனால், நாட்டின் பொருளாதார வளர்ச்சி விகிதம் வெகு விரைவாகக் குறைந்து வருகிறது. இந்நிலையிலிருந்து மீள்வதற்கு நமக்கு சேமிப்பு அல்லது முதலீடு என்பது மிகவும் அவசியமான ஒன்றாகும்.

தபால் அலுவலகத்தில் ஏராளமான சேமிப்புத் திட்டங்கள் உள்ளன. அந்த வகையில், கிராம சுமங்கல் யோஜனா என்ற திட்டத்தைப் பற்றி இதில் காணலாம்.

கிராம சுமங்கல் திட்டம் என்பது தபால் துறையின் கீழ் செயல்படக்கூடிய ஆயுள் காப்பீட்டுத் திட்டமாகும். இது, பாதுகாப்பான சேமிப்பு முறையாக, கிராமப்புற மக்களுக்கு பெரிதும் பயனளிக்கும் வகையில் அமைகிறது. முக்கியமாக, கிராமப் புறங்களில் வசிக்கும் மக்களுக்கு தொடர் வைப்புத் தொகை அல்லது ஃபிக்ஸ்டு டெபாசிட் அல்லது ஆயுள் காப்பீட்டுத் திட்டமாக விளங்கி, சேமிக்கும் பணத்தை திரும்ப அளிக்கிறது. இந்த திட்டத்தின் கீழ் அடங்கும் அதிகபட்ச காப்பீட்டுத் தொகை ரூ.10 லட்சம் ஆகும்.

தபால் அலுவலக சேமிப்பு திட்டமாக வழங்கும் கிராம சுமங்கல் திட்டம் இரண்டு வகையான திட்டங்களைக் கொண்டுள்ளது. ஒன்று 15 ஆண்டுகால பாலிசி, மற்றொன்று 20 ஆண்டுகால பாலிசி ஆகும்.

இதில், முதலாவது ஆயுள் காப்பீடு திட்டமாக விளங்குவது 20 ஆண்டுகால பாலிசி ஆகும். இது கிராமப்புற அஞ்சல் ஆயுள் காப்பீடு திட்டமாகும்.

இந்த திட்டத்தின் கீழ், பயனர்கள் 15 ஆண்டுகாலம் ஆயுள் காப்பீட்டு பாலிசி திட்டத்தின் கீழ் முதலீடு செய்யலாம். இதில், பாலிசிதாரர்கள் 6 ஆண்டுகள், 12 ஆண்டுகள், மற்றும் 16 ஆண்டுகளில் 20-20% பணத்தைத் திரும்பப் பெறலாம். அதே சமயம், திட்டத்தில் தொடர்ந்து வைப்பு நிதியாக வைப்படும் போது, Assured மற்றும் Bonus-ஆக 40% வரை வழங்கப்படும்.

கிராமப்புற அஞ்சல் ஆயுள் காப்பீடு திட்டத்தில், பயனர்கள் முதலீடு செய்திருந்தால், 8 ஆண்டுகள், 9 ஆண்டுகள் மற்றும் 12 ஆண்டுகளில் காப்பீட்டுத் தொகையில் 20-20% என பணத்தைத் திரும்ப பெறலாம். 15 ஆண்டுகால சேமிப்பு முறையைப் போலவே, சேமிப்பு முதிர்ச்சி அடையும் போது 40% பணத்தை போனஸாக வழங்கப்படும். தற்போது, ஆயிரம் ரூபாய்க்கு போனஸாக ரூ.45-ஐ இந்திய அலுவலகங்களில் வழங்கப்படுகிறது. அதன் படி, ரூ.1 லட்சம் ரூபாய்க்கான வருடாந்திர போனஸாக ரூ.4500 ஆக இருக்கலாம்.

ஒருவர் 25 வயதில் பாலிசி வாங்குகிறீர்கள் என்றால், அதற்கான காப்பீட்டுத் தொகை ரூ.10 லட்சமாகும். இது 15 ஆண்டுகளுக்குப் பிறகு மொத்தமாக ரூ.16.75 லட்சமாக கிடைக்கும். இதுவே 20 ஆண்டுகளுக்குப் பின் பாலிசிதாரர்கள் மொத்தமாக ரூ.19 லட்சம் வழங்கப்படும்.