இன்றைய மாலையில் ஒரு ஸ்நாக்ஸ் ரெசிபி ரவை உருளைக்கிழங்கு செய்வது எப்படி ?

✤ ரவை – 2கப்

✤ அரிசி மாவு – 2 கப்

✤ வெங்காயம் – 4

✤ பச்சை மிளகாய் – 4

✤ சீரகம் – 1ஸ்பூன்

✤ மிளகாய்த் தூள் –1/4 ஸ்பூன்

✤ சாட் மசாலா – 1/4ஸ்பூன்

✤ கொத்தமல்லி – சிறிதளவு

✤ உப்பு – ஒரு சிட்டிகை

✤ எண்ணெய் – தேவையான அளவு

✤ உருளைக்கிழங்கு – 10

✤ தண்ணீர் – தேவையான அளவு

✤ முதலில் உருளைக்கிழங்கை எடுத்து நன்றாகக் கழுவ வேண்டும். அதற்குப் பின், ஒரு பாத்திரத்தில் உருளைக்கிழங்கு எடுத்து வேக வைக்க வேண்டும்.

✤ வெங்காயத்தை எடுத்துத் தோல் நீக்கி நன்றாகக் கழுவிக் கொள்ளவும். அதற்குப் பின், நறுக்கிக் கொள்ளவும். கொத்தமல்லி தலையை நன்றாகக் கழுவி நறுக்கிக் கொள்ளவும்.

✤ பச்சைமிளகாய் எடுத்து நன்றாகக் கழுவி நறுக்கிக் கொள்ளவும். மற்றொரு பாத்திரத்தை எடுத்து அடுப்பில் வைத்து அதில் சிறிதளவு எண்ணெய் சேர்க்க வேண்டும்.

✤ அதில் இரண்டு ஸ்பூன் அளவிற்குச் சீரகம் சேர்த்து நன்றாக வதக்கவும். சீரகம் வதக்கிய பிறகு, அதில் இரண்டு கப் அளவிற்கு ரவை சேர்க்க வேண்டும்.

✤ அது நன்றாகப் பொன்னிறமாக வதக்க வேண்டும். அதற்குப் பின், அதில் ஒரு கப் அளவிற்குத் தண்ணீர் சேர்த்து நன்றாக ரவை வேக விடவும்.

✤ அதில் சிறிதளவு உப்பு சேர்க்க வேண்டும். ரவை வெந்த உடன் தண்ணீர் முழுவதுமாக வடிந்த பின், அதை மற்றொரு பாத்திரத்தில் எடுத்து வைக்க வேண்டும்.

✤ வெந்த உருளைக்கிழங்கை எடுத்துத் தோல் உரித்து நன்றாக மசிக்க வேண்டும். அதில் நறுக்கிய வெங்காயம் சேர்த்துக் கலக்கவும். அதில் நறுக்கிய கொத்தமல்லி மற்றும் பச்சைமிளகாய் சேர்த்து நன்றாகப் பிசைந்து கொள்ளவும்.

✤ அதில் சிறிதளவு உப்பு மற்றும் கால் கப் அளவிற்கு மிளகாய்த் தூள்,சாட் மசாலா சேர்த்து நன்றாகக் கலந்து பிசைந்து கொள்ளவும்.

✤ இறக்கிய ரவையில், அரிசி மாவைச் சேர்த்து நன்றாகப் பிசையவும். அதைச் சப்பாத்தி மாவு பதத்திற்கு நன்றாகப் பிசைந்து கொள்ளவும்.

✤ அதை ஒரு 10 முதல் 20 நிமிடங்கள் மூடி வைக்க வேண்டும். அதற்குப் பின், அந்த மாவை எடுத்து சிறிய சிறிய உருண்டைகளாக உருட்டிக் கொள்ள வேண்டும்.

✤ அதை சாப்பாத்தி கட்டையில் வைத்து தேய்த்து கொள்ளவும்.

✤ அதை ஒரு கட்ட வடிவத்தில் உள்ள கட்டர் வைத்துக் கட் செய்து கொள்ள வேண்டும். சிறிய சிறிய கட்ட வடிவில் கட் செய்து வைத்து கொள்ளவும்.

✤ அதில் ஒரு பகுதியை எடுத்து, அதில் உருளைக்கிழங்கு மசாலா கலவையை வைத்து அதன் மேல் ஒரு கட் செய்த மற்றொரு பகுதியை வைத்து மூடிக் கொள்ள வேண்டும்.

✤ இது போன்று மீதமுள்ள மாவில் செய்து கொள்ள வேண்டும்.

✤ ஒரு பாத்திரத்தை எடுத்து அதில் சிறிதளவு எண்ணெய் சேர்த்து நன்றாகச் சூடாக்க வேண்டும். அதில் செய்த ரவை கலவையைச் சேர்த்து நன்றாக வேக விட வேண்டும். நன்றாக வெந்த உடன் எடுத்தால் சூடான மற்றும் சுவையான ரவை உருளைகிழங்கு ரெசிபி தயார்.