தினமும் ஒரு ஸ்பெஷல் ஸ்நாக்ஸ் ரெசிபி வரிசையில், இன்றைய ஸ்நாக்ஸ் ரெசிபி என்பது ஒரு சத்து நிறைந்த மற்றும் உடல் எடை குறைவதற்கு ஒரு ஸ்நாக்ஸ். இந்த ரெசிபி பீட்சா மற்றும் பர்கர் இணையான ஒரு ரெசிபி.
✤ இந்த ஸ்நாக்ஸ் ரெசிபி குழந்தைகள் முதல் பெரியவர்கள் வரை அனைவருக்கும் பிடித்த ஒரு ஸ்நாக்ஸ் ஆகத் தான் இருக்கும். இந்த பதிவில் இன்றைய மாலையில் ஒரு ஸ்நாக்ஸ் மொறுமொறுப்பான கோதுமை சிப்ஸ் எப்படிச் செய்வது என்பதைப் பற்றிப் பார்க்கலாம்.
✤ ரவை – 1/4 கப்
✤ வரமிளகாய் – 5
✤ பூண்டு -10 பற்கள்
✤ கோதுமை மாவு – 1 கப்
✤ கட்டி பெருங்காயம் – சிறிதளவு
✤ உப்பு – தேவையான அளவு
✤ கருவேப்பிலை – சிறிதளவு
✤ எண்ணெய் – சிறிதளவு
✤ முதலில் பூண்டை எடுத்துத் தோல் உரித்து அதை நன்றாகக் கழுவ வேண்டும். அதற்குப் பின், கருவேப்பிலை எடுத்து நன்றாகக் கழுவி நறுக்க வேண்டும்.
✤ ஒரு மிக்ஸி, ஜாரில் நறுக்கிய கருவேப்பிலை மற்றும் பூண்டு, ஐந்து வரமிளகாய் சேர்த்துக் கொள்ளவும். அதில் கட்டி பெருங்காயம் சேர்த்துக் கொள்ளவும். இவை அனைத்தையும் நன்றாக அரைக்கவும்.
✤ அதை ஒரு பாத்திரத்தில் சேர்க்கவும். கால் கப் அளவிற்கு ரவை எடுத்து அதை நன்றாக மிக்ஸி, ஜாரில் சேர்த்து நன்றாக அரைக்கவும்.
✤ மற்றொரு பாத்திரத்தை எடுத்து அதில் ஒரு கப் அளவிற்குக் கோதுமை சேர்க்கவும். அதில் உப்பு சிறிதளவு மற்றும் அரைத்த அந்த மசாலா கலவையைச் சேர்க்கவும்.
✤ மற்றொரு பாத்திரத்தை எடுத்து அடுப்பில் வைத்து அதில் மாவு பிசையத் தேவையான எண்ணெய் சேர்த்து நன்றாகச் சூடாக்க வேண்டும். சூடான பின், அந்த எண்ணெய்யை எடுத்து கை பொறுக்கும் சூட்டிற்கு வரும் வரை ஆற விடவும்.
✤ அதற்குப் பின், அந்த மாவு கலவையில் அரைத்த ரவையைச் சேர்க்கவும். இதில் சிறிதளவு தண்ணீர் சேர்த்து நன்றாகப் பிசையவும்.
✤ அதில் சூடான எண்ணெய்யைச் சிறிது சிறிதாகச் சேர்த்து நன்றாகச் சப்பாத்தி மாவு பதத்திற்குப் பிசைந்து கொள்ளவும். அதை இரண்டிலிருந்து ஐந்து நிமிடங்கள் ஊற விடவும்.
✤ அதற்குப் பின் அந்த மாவை எடுத்து சிறிய உருண்டைகளாகப் பிடிக்கவும். அதைச் சப்பாத்தி கட்டையில் வைத்து நன்றாகச் சப்பாத்தி போல் தேய்க்கவும்.
✤ அதை உங்களுக்குப் பிடித்த வடிவத்தில் கத்தி அல்லது கட்டர் வைத்து சிறிய சிறிய துண்டுகளாகக் கட் செய்து ஒரு தட்டில் வைக்கவும்.
✤ மற்றொரு பாத்திரத்தை எடுத்து அடுப்பில் வைத்து அதில் எண்ணெய் சேர்த்து நன்றாகச் சூடாக்க வேண்டும். அதில் கட் செய்த துண்டுகளைச் சேர்த்து நன்றாகப் பொரிக்க வேண்டும்.
✤ பொரித்து எடுத்தால் சூடான மற்றும் சுவையான மாலை நேர ஸ்நாக்ஸ் தயார். இந்த ஸ்நாக்ஸ் உடலுக்கு ஆரோக்கியமாகவும் மற்றும் குழந்தைகளுக்குப் பிடித்த ஓரு ஸ்நாக்ஸ் ரெசிபியாக இருக்கும்.
Follow @Google News: கூகுள் செய்திகள் பக்கத்தில் நமது Search Around Web என்ற Tamil இணையதளப் பக்கத்தை இங்கே க்ளிக் செய்து ஃபாலோ செய்யுங்கள். அனைத்து ட்ரெண்டிங் செய்திகளை உடனுக்குடன் பெறுங்கள்…