லவ்வர்ஸ் டேவை கொண்டாடுவதற்கு முன்பு இதெல்லாம் தெரிஞ்சிக்கோங்க.. | Lovers Day 2023 List in Tamil

காதலர் தின கொண்டாட்டங்கள் முதல் நாளான ரோஸ் டேவுடன் தொடங்கும். இந்த நாளில் ஒருவருக்கொருவர் ரோஜா பூக்களை கொடுத்து தங்கள் அன்பை வெளிப்படுத்துவார்கள். இந்த நாளை காதலர்கள் மட்டும் தான் கொண்டாட வேண்டும் என்பது கிடையாது. நண்பர்களும், திருமண ஜோடிகளும் இந்த நாளில் தங்களது அன்பை பகிர்ந்துக் கொள்ளலாம். ஆனால், ரோஜா பூவின் நிறத்தில் மட்டும் சற்று கவனமாக இருங்கள். அதாவது, உங்க காதலருக்கோ/ காதலிக்கோ, கணவருக்கோ/மனைவிக்கோ கொடுப்பதாக இருந்தால் சிவப்பு நிற ரோஜாவை பரிசாக கொடுக்கலாம். அதுவே, நண்பர்களாக இருந்தால் மஞ்சள் ரோஜாவை கொடுத்து அன்பை பகிர்ந்துக் கொள்ளுங்கள். 

காதலர் வாரத்தின் இரண்டாவது நாள் ப்ரோபோஸ் டே. பெயர் குறிப்பிடுவது போல இந்த நாளில் நீங்கள் உங்கள் உணர்வுகளை தங்கள் அன்புக்குரியவரிடம் வெளிப்படுத்தலாம். இந்த நாளில் நீங்கள் உங்க காதலர் முன்பாக மண்டியிட்டு கையில் மோதிரம் ஏந்தி ப்ரோபோஸ் செய்யலாம். இந்த தருணம் வாழ்க்கையில் மறக்க முடியாத தருணமாக இருவருக்குமே இருக்கும்.

மூன்றாவது நாள் சாக்லேட் டே. இந்த நாளில் வாழ்க்கையில் உள்ள அனைத்து கசப்புகளையும் மறந்துவிட்டு, உங்க அன்பானவருக்கு சாக்லேட் அல்லது ஏதாவது ஒரு இனிப்பை பரிசாக கொடுக்கலாம். இதற்காகவே பல விதமான சாக்லேட்கள் கடைகளில் கிடைக்கிறது, அதை வாங்கி கொடுங்கள் இன்னும் சிறப்பாக இருக்கும்.

காதலர் வாரத்தின் 4வது நாள் டெடி டே. பொம்மைகள் என்றாலே பெண்களுக்கு பெரும்பாலும் மிகவும் பிடிக்கும். எனவே, இந்த நாளில் ஒரு டெடி பியர் பொம்மையை வாங்கி உங்க பார்ட்னருக்கு பரிசாக கொடுங்கள். இதன் மூலம் நீங்கள் அவர்களின் மீது எவ்வளவு அன்பாக இருக்கிறீர்கள் என்பதை புரிந்துக் கொள்வார்கள். 

உங்க வாழ்க்கை துணை உங்களுக்கு எவ்வளவு முக்கியம் என்பதை நீங்கள் அவர்களுக்கு வாக்குறுதி கொடுக்கும் நாள். அதாவது, எந்த காரணத்திற்காகவும், எந்த சூழ்நிலையிலும் ஒருவரையொருவர் பிரியாமல் ஒன்றாக இருப்போம் என்று வாக்குறுதி கொடுக்கலாம். 

காதலர் வாரத்தின் ஆறாவது நாள் ஹக் டே. இந்த நாளில் ஒருவரையொருவர் கட்டிப்பிடித்து உங்கள் காதலாகவும், பாதுகாப்பாகவும் உணரவைக்கும் சிறப்பான நாள். அதாவது, காதலர்களுக்கு இடையேயான் நெருக்கத்தை வெளிப்படுத்துகிறது. இவ்வாறு கட்டியணைப்பதன் மூலம் உடலில் உள்ள செரட்டோனின் உள்ளிட்ட ஹார்மோன்கள் அதிகமாகச் சுரக்கம் என்று அறிவியல் ரீதியான காரணமும் உண்டு. 

காதலர் தினத்திற்கு முன்னாடி நாள் கிஸ் டே. அன்பு மற்றும் மரியாதையின் தூய்மையான வடிவத்தை வெளிப்படுத்த இந்த நாள் கொண்டாடப்படுகிறது. எனவே, இந்த நாளில் உங்க பார்ட்னரை முத்தமிட்டு அன்பை வெளிப்படுத்துங்கள். காதலர் வாரத்திலேயே மிகவும் எதிர்பார்க்கப்படும் நாளாகவும் இதை சொல்கிறார்கள்.